屋企老人家唔想去老人院，仲有咩方法

其實都無得揀
一定係工人試下先

照顧長者係好撚大壓力
但睇好多野 例如佢有冇認知障礙
能唔能夠搵外間 例如社畜醫生之類去傾
肯唔肯用尿片 之類
當然答案可以全部唔係
但我相信如果有些微理解力 總會可以傾到
問題係佢覺唔覺得嗰個係問題

你留個tg 出來啦 有津貼買位既
不過要搵社工幫手

追post呢到好似有社工幫你

如果你等唔切既 我pm你住私院先再排期

樓主一開始開宗明義標題寫清楚：「點丟屋企件老野去老人院」，咪無咁多人屌你囉
成個post係度討論點排老人院
話請工人就一味話老人家唔鍾意，請唔到人
排老人院夠麻煩啦，好既老人院夠難搵啦
根本樓主最主要既問題就係偽善，根本唔敢認自己心入面果個諗野，甚至可能連自己都呃埋

打科興

點解你要覺得佢地係個待解決既問題先

以前有個親戚
本身好地地
一俾人送入老人院老得勁快
幾年就過左身

唔想住老人院咪要請工人係屋企照顧
醫院見到好多工人都好錫啲老人家
當然都要睇大家相處好唔好
唔想住老人院唯有係咁
不過唔住老人院雖然屋企照顧麻煩但老人家會開心啲
講真有啲老人院根本唔係人住
都係嗰兩個字 善終 好重要 人老都要有尊嚴

其實我阿嫲都幾幸福
啲孫有護士、社工、pt
一站式幫佢搞掂左好多方面嘅問題
啲仔女又肯夾錢請工人
一星期都搵佢食下飯傾偈

排得既都係不能自理
雙線排啦 社署位又排 機構位（東華嗰啲）都排
邊個得先就要邊個
不過通常攪唔掂都叫你住住私院先

都要睇埋老人家合唔合作，有無認知問題
唔淨係體力，執屎執尿問題
如果佢有認知問題
可能搞到大家晚晚無得訓
精神壓力好大

請私家看護

我屋企之前有老人家都係咁
但如果老人家大小二便自理唔到你都唔好預期工人姐姐可以搞得掂
始終工人姐姐唔係專業易有家居意外
二黎長期厭惡性工作都未必做得長
我工人跟左我屋企10幾年最尾都忍唔住quit左
公家老人院要等幾年
我地果時係自己搵左間好既私人老人院住幾年再轉公家
但要成日探佢令佢覺得無俾你地掉低

屌你老味 識唔識㗎
一撚定係大部分私院垃圾過津院
兩邊都一定人手唔夠架啦
但私院真係無法無天
呀姐態度差你去投訴就灑走你
冇咩康樂活動可言（如果你比唔起錢）
對長者又粗暴 hea 開聲屌長者好麻煩
但如果津院 你排到既話就只需要二千幾銀
多數由社福機構營運
要跟SQS
一定有啲康樂活動同社工同物治職治之類
啲職員又會因為福利好啲唔想博炒而唔敢做太差

一句講曬
津院必完勝
除非你好有錢

認知障礙真係令照顧者好大心理壓力
唔係唔願意去照顧
而係照顧者都未必有充分嘅常識嘅面對

請工人加兄弟姐妹各人輪流照顧，係難架，係痛苦架
但個個都有責任出錢出力。
將心比己，到你年老瀨屎瀨尿不能自理果時，想點樣被照顧，
你依家咪咁樣照顧你父母。

見到好多工人姐姐照顧得，仲好過佢地D仔女。

早兩年我屋企都係類似情況，老人家中風下半身癱左，需要搵人餵食，處理大小二便同沖涼。

屋企個個都返工，無人照顧到佢，請左一個工人同一個日間看護先搞得佢掂。老人院我都睇過，但係好多環境都好差，最尾情願貴d請看護同工人照顧，o係屋企浴缸度裝左扶手同裝平安鐘。

之後個工人上左手就唔洗請看護，請多個工人姐姐幫手執頭執尾。所有洗費就我地d後生一人夾一份出。

呢d好難搵人做，得d年紀大難搵工o既姐姐肯做。

睇質素嘅 屋企人住緊嗰間環境同服務都好
佢都住得開心 不過唔平

唔好諗多咗, 仔女會移民唔理你