[鬥智] 【獅子山恩仇記】． 仇敵已成權貴，誓要復仇到底

明日星期四， 停文

泰思會唔會又多個敵人

好好睇
Professor同Ms Kwok出場唔多但都好深刻

有冇諗過係少左個

多謝
每個角色都會寫好

忙完先睇文冇得揀路線

隨機事件

「汪！」

我與亞娜和阿布轉身就跑，車子一時間沒法如人這樣靈活地１８０度調頭，逆線又有車子駕至，我只聽到利景遙在身後氣得差點瘋掉破口大罵，但只能在那兒被堵著動彈不能。

精神不錯呢，利教授，你的女兒健康地長大成人，亭亭玉立了。

回到屋宛前，我特意吩咐準備下班的方主任待會兒會有一個超生氣的女人駕駛著酒紅色Tesla Model S來找我，這次讓她進來。

果然梳洗後，她已經坐在我Kelvin Giormani沙發上，氣沖沖的瞪著我。

「白先生，利小姐黎左搵你。」工作模式的亞娜站在我的房間前道。

「好，唔該。」

「咁我去煮早餐先。」

「幫我整多份俾佢。」

「明白。」亞娜拉拉裙角，轉身離去。

「利景遙小姐。」我走向她對面的扶手椅坐下，「如果我查你做成你既困擾，我好抱歉。」

「哈啊？！你都知會困擾既咩？！」她生氣地說，與利教授說年輕時的自己真是一模一樣。

「我搵你係因為一個人。」我道，「你既爸爸利教授…」

「你識個個垃圾？」突然她一臉鄙視。

「Excuse me?」我錯愕地的反問。

幸運時間

補充資料六：阿拉斯加犬

古老的品種，四肢強壯有力，擅長發揮耐力而不是速度，因為本來牠們負責的是拉雪橇。作為城市中的寵物餵養，阿拉斯加犬顯得安靜而且高雅，更對主人有著強烈忠誠度。

根據美國犬業俱樂部的描述，阿拉斯加犬雌性高５８ＣＭ，重３４公斤，雄性高６４ＣＭ，重３９公斤，但較重型的個體亦常見，部分更超過４５公斤，比一個成年人類女性更重。

阿拉斯加犬相當聰明機智，所以反而難以訓練，但這種犬種相當親近人類，對陌生人也相當友好，正因為這樣牠們不合適當看門犬。

阿拉斯加犬通常很安靜，叫聲是「嗚嗚嗚」狼嚎聲。

［請以領養代替購買］

如何分辨阿拉斯加犬與哈士奇：

蠢啲個隻就係哈士奇

阿娜個種反差好正

「專業架嘛」

ＯＨ ＦＫ

等我輕度說明 一下

利教授係１９８７年測試金融兵器，引致全球黑色星期一，然後佢係１９８８年離開香港

「…我入黎有好多原因，１９８８年我到菲律賓，當時菲律賓既經濟已經接近崩潰…」

故事依加既時空係２０００年泰思被捕＋１６年黑獄， 即係２０１６年
即係利景遙最後生都只會係２９歲，（最遲只可以係１９８７年出生）

而今晚既連載之中，方主任咁講

「女人。」方主任道，「同亞娜小姐差唔多年紀。」

亞娜既年紀的確同利景遙係差唔多，至於差上定差下請自己想像
角色年紀唔重要，至少到依加未重要，所以未精準到「年」既級數

關於亞娜既年紀，係大學畢業後受訓兩~三年，再係銀行做左一~兩年野
至於泰思之前有人問過

1996 年 23歲
2000年被捕 27歲
坐監16年
2016 年 逃獄 43 歲

————————————
總結：
鄧泰思：４３歲
利景遙：＞＝２９歲
亞娜：不明，大學畢業後受訓兩~三年，再係銀行做左一~兩年野

本身想俾埋角色既打扮風格大家參考，但考慮到我自己災難級既時尚觸角都係留返俾大家自己發揮

硬係覺得亞娜係著套裝

+1

利景遙一臉鄙視，嗤之以鼻，似乎其父親利教授對她來說是一個相當討厭的人。

「你對佢係咪有咩誤會？」利教授是我認識中最博學，也是最無私的人，我不能想像為甚麼他女兒會對他有這樣的見解。

「無誤會！佢就係一個咁既人！」

「以我睇你既年紀，你應該都同佢相處得好少時間，點解你會咁話佢？你真係知道佢係咩人?」

「相處得少時間，好一個少時間啊白梓爵。」她道，「就係因為咁，我就知道佢係個點既人！」

「睇黎我地有必要傾傾。」我走到雲石飯枱旁邊拉開椅子，「請坐，亞娜既廚藝簡直無懈可擊。」

「……嗔…」

本來她似乎是想拒絕的，但是她的雙眼馬上被枱上的精美早餐吸引著，茄汁豆加上黑松露炒蛋，熱香餅升起的香氣與伯爵茶的香氣互相纏繞。

「到底佢係咩人黎?」利景遙望向亞娜。

「我既私人助理。」

我自己坐下，亞娜拉一拉兩邊裙角退後只剩下我們。

「既然你話佢係垃圾，睇黎你對於利教授係菲律賓既生活一無所知。」

「需要知咩？」利景遙冷冷地說。

「佢係我既老師，老實講我成世人未見過有人好似佢咁聰明同博學。」

「你係佢學生?」

「無錯。」我點頭，「佢改變左我一生，今時今日我有咁既日子可以話係全靠有佢。」

我向後揮手，示意這大屋和這一切。

「咁又點?關我咩事。」利景遙道，「對我黎講，佢只係個搞大左我媽咪個肚，然後走左去既人。」

「佢無照顧過你地?」

「我出世之後佢成日都係掛住炒股票，根本冇理過我，冇理過我媽咪。」

似乎利教授是在她出生後些許時間才離開香港。

「連我媽咪出院個日都係公公婆婆黎接佢，咁你就知道佢係一個點既男人。」

這種沉迷在學術上不理身邊一切的態度也的確與利教授相符。

「所以對你黎講，佢就係唔負責任既父親；對我黎講，佢就係改變我一生既恩師。」我無奈地說，「世事啊。」

就與鄧有德一樣，對街坊來說他就是濟世為懷的俠醫。

對我來說，他就是害死我母親，害我被囚１６年的仇人。

世事啊。

「所以呢？點解你要搵我?就算個個人係你老師，都唔構成你要搵我既理由。」利景遙放下茶杯道。

「我搵你既理由好簡單—因為佢叫我咁做，亞娜。」我向亞娜招手。

看到利景遙的茶杯空掉，亞娜優雅地拿著茶壺走過來為她倒出熱騰騰的伯爵茶：「請慢用，利小姐。」

「嗄？唔，唔該。你唔坐低一齊食?」這女生比想像中好人，亞娜剛剛也是我捉弄她的共犯，她卻關心亞娜的早餐。

「唔使，我等陣會自己食，請慢用。」

「平日佢都係咁？」利景遙問道，「就算係私人助理都好，咁樣好似有少少過份…」

「平日唔係。」我道，「佢會同我一齊食，食完先傾公事，只係今日因為要臨時見你先係咁。」

「咁點可以因為我…亞娜，你坐低一齊食，唔好搞到你成個妹仔咁。」

「咦？咁，白先生…」亞娜望向我。

「坐啦亞娜，既然利小姐都咁講。」

「咁我打搞晒。」亞娜點點頭，在廚房托出自己的一份早餐在我身邊坐下。

「岩岩講到邊?」我問道。

「白先生你講到利教授叫你要搵利小姐。」亞娜提醒我，她的餐桌禮儀十分得體，一舉手一投足都散發著優雅的氣息。

「喔，唔該。」我繼續說，「利教授已經係監獄過左身，你知道?」

「知道，無咩感覺。」利景遙托著腮望向旁邊。

「我最後一次見佢既時候，佢有吩咐過我要搵你。」

「點可能。」她搖搖頭,「明明當年就係佢自己一個一走了之。」

「你係見習律師?你應該知道我無動機講大話，我搵你只會令自己徒添麻煩。」我道，「因為我身上背負住佢既遺願。」

「……」利景遙一下子被我駁得無言而對。

「我最後見到佢個時，佢吩咐我要去搵佢個女，個名叫利景遙，照顧好佢。」我道，「來龍去脈就係咁，你依加生活上有冇咩困難，任何野需要，我幫得到手?」

「我?」利景遙道，「我依加淨係想做完呢兩年見習律師正式做律師。」

我眉毛一揚:「亞娜，見習律師唔係岩岩法律系畢業既畢業生做兩年先再做律師？」

亞娜點點頭:「係香港，主要分成上庭訴訟既＂大律師＂的處理其他法律工作既＂事務律師＂，利景遙小姐係見習律師，佢係向事務律師個邊發展，照常理黎講佢大學畢業，完成PCLL證書後要再係律師行完成兩年既見習先可以成為執業律師。」

「法律唔止讀四年，加上我無爸爸所以全部要靠自己半工讀，所以依加仲係見習律師。」利景遙道。

「所以你完成到兩年見習就得啦?」

「可以咁講…但唔係咁易，要學好多野，要背好多野，ＯＴ又多又趕…」

「亞娜，幫我聯絡佢間律師行個老世。」

「係，白先生。」亞娜掏出手機，按下已經背好了的律師行電話。

「等等，亞娜小姐！」利景遙叫住她，「白梓爵你想做咩？！」

「先約佢出黎，再睇下點樣確保佢會俾你過到呢兩年實習，然後警告佢再逼你ＯＴ既話我就唔放過佢全家。」我道，「如果你唔想既，我有識得既律師行，都係你爸爸既朋友黎，佢可以保證你呢兩年輕輕鬆鬆咁一定過到見習期。」

「點可以！？」不知道為何她這樣反應大。

「做咩，又係你話依加最緊要過到實習期？」

「係我靠自己實力過，唔係你咁樣靠恐嚇，靠後門！個個律師出黎都係要咁架啦！捱唔過點有實力出黎做？！」

「喂，人脈都係實力既一種黎。」

「唔得，咁樣只係靠關係！」

不然你以為甚麼叫人脈?

在我被扔進菲律賓那牢房之前，我是在中環的金融界打滾，內幕消息，暗中交易比比皆是，買通敵手的員工得知敵人的入標價，聯合定價都是司空見慣。但是眼前的這個利景遙似乎是所謂的正義伙伴，連請前輩關照一下自己也接受不了，這樣她的路會很難走。

「高分低能就係呢一種人。」我道，「都係亞娜叻女。」

「我接受唔到呢種手法，你咁唔係幫我而係害我。」

「咁我由你?」

「由我。」

「我仲有冇其他野幫到你?」

「暫時無，呢段日子我已經慣左自己同媽咪相依為命，自食其力照顧自己。」

「間屋夠唔夠住？使唔使換過架新啲既車?我可以請埋司機俾你啊。」

「唔使，有心。」感覺她對於來自於利教授所吩咐的支援就是帶點抗拒。

「一係我開張一百萬既支票俾你，你用晒再黎搵我?用唔使就儲住啊。」反正那些都是利教授的遺產，本來就屬於利景遙的。

「唔使呀！你呢種人就係咁，下下用錢撻人！」突然又生氣起來了，「呢個早餐就夠。」

雖說世界上的確有錢解決不了的問題，但至少我可以為她先解決所有錢能解決的問題。

豈有此理，這女生真的太像利教授說年輕的自己了，堅持著莫名其妙的教條，沉迷在脫離現實的事情上。

「咁你有需要既你搵我。亞娜，送利小姐…」

「唔使，我自己有腳！」她拿起手袋走到大門，「多謝你亞娜小姐，你煮得超好味，拜拜！」

「砰！」

大門帶上，屋內又回復平靜。

叫人頭痛的傢伙又增加了，遺傳學真是一門糟糕的學問。

亞娜站起來收拾餐枱，我回到房間繼續處理不同的事情。黑PＲ正在展開工作，同時股權轉讓的工作也即將完成，林牧師之妻即將被打入深淵，林牧師到時可以明正言順的與她離婚，二人可以過上幸福快樂的日子。

我待會兒就會打電話予鄧有德，同意繼續舉行義診，但由於對他的不信任現階段只會每個月三天，按漸漸增加，同一時間我要找到另一個中醫師，在我除掉他後取而代之，繼續為街坊提供義診，醫館的名字就用我母親的吧。

郭老師那邊物理治療師應該這一兩天上門照顧她，她本人的健康和經濟絕不會有甚麼問題，問題在於她的兒子，按亞娜為我搜查得來的資料那小子是個隱蔽青年，那是我年代的說法，現代的說話叫尼特族，啃老族…又一個錢解決不了的問題，不過反正他應該一時三刻不會掛掉，先放著。

利景遙也可以先不管，感覺我管她她會更生氣。

那就從最叫我憎恨的那人開始。

—————————————

我從郭老師手上拿到了我母親的骨灰龕位置。

一般來說拜祀先人都不會選擇黃昏這種陽衰陰開始盛的時間，但因為正因為這兒，這些時間才這個位於道風山上的骨灰龕場才人跡罕至。

「亞娜如果你唔想既我可以自己上去。」我道，「反正個晚你OＴ左當補返鐘俾你。」

「白先生幾時都咁體貼，」亞娜道，「但真係唔使，我唔驚呢啲。其實我早就當左自己２４小時服侍你，無話OＴ唔ＯＴ。」

現時已經是年尾，日短夜長，夕陽被竹林剖成段段光柱，有烏鴉的聲音在山林間迴盪。

「呢個時間黎拜?」門口的保安打量我們二人，這次我選擇自己拿著線香和水果，十多年前第一次拜祭我媽，總不能叫亞娜代勞。

「未閂門架可?」亞娜反問。

「咁又未…」

證件當然沒有問題，那保安一臉孤疑的開門:「不過我地就閂門，你地最遲六點半要走。」

「明白，唔該你。」亞娜禮貌地點點頭與我穿過閘門。

龕場內水靜鵝飛，烏鴉的叫聲在空蕩蕩的廣場，噴水池和花圃之間迴響，有幾隻郊野公園跑來的野猴正在欄杆上抓著蝨子望天打掛。

我與亞娜很快找到母親骨灰所在的牌位樓，按著牌位編號來到了我母親的牌位面前…

「咦？」

母親的牌位前一張摺枱打開，上面放著少許祭品，當中有一盒和我手中一模一樣，是她生前最喜歡吃，名寶石餐廳的瑞士雞翼。

不會是巧合。

是誰？

腳步聲傳來—

「亞娜！」

我捉住亞娜的玉手與她閃躲進另一行較窄的骨灰龕位後，以免那個來拜祭我媽的人發現我，到時我就很難用「白梓爵」這假名說過去了。

總算明白那個保安為甚麼這反應，這時間有兩批人來拜同一塊碑任誰也會覺得奇怪。

還好這邊的牌位還沒賣出只是一堆空格子，不然用人家祖先來當掩體不太好。

「嗯？」那人似乎有點起疑，但最後還是沒有理會，選擇這種時間來拜祀的人與我一樣也是想掩人耳目，不多管閒事是正確的。

亞娜與我幾乎臉貼著臉，我已經感到她的吐息所夾雜的香水味。

我把手指舉到把唇上示意她別作聲，她眨眨眼示意門白，我再打開手機鏡頭沿掩緣滑出去，結果只露出去的鏡頭拍到那是鄧有德的身影。

那個郭老師所說直至我母親去世前，從未探望聯絡她的鄧有德。

明日星期日停文