對她來說，本來知道我的真正身份就好像只屬於她的信任一樣，只有她，只有呂雅娜知道我的身世，我的故事。但是先是賈姑娘，現在又是梅黛琪，她似乎受到了打擊。
但原來她受到的不只是打擊，更多的是失望。
「你唔使答呢個問題住。」我說，「亦同你無關，費夫人。」
我劃下界線，對她來說我只會給她知道「我是鄧泰思」，至於如何從鄧泰思變成獅子山伯爵，心中對唐老板，費勝嵐和鄧有德的恨意，我一概不會透露。
「…嗯，咁樣…第時再見。」她站起來說。
可免則免了。
我與亞娜向正爛醉如泥的唐老板和費勝嵐別過後下樓，才一離開升降機大堂，亞娜馬上氣沖沖的走向停車場，還一邊說著甚麼「男人」「聰明一世」「無鬼用」之類，然後拉開車門坐進去後砰一聲摔上。
小姐這車子的價位可是以我的身家也會心痛喔？！
「亞娜？」
她以眼尾看看我，卻賭氣不開車。
即是要我哄吧?
「亞娜，你有野直接講啦。」
她傻眼:「你做咩同佢講晒出黎?！」
「頭先佢以死相逼。」我攤攤手，「佢當年同我既事無關，嫁俾費勝嵐條打靶仔都合理，始終除左我之外佢最熟既就係條仆街，所以其實我唔太怪佢，佢係無辜既。」
「哈啊?！咁都係理由?！你真係覺得佢無關?真係無辜？！」
這可不能當作沒聽見了。
「你知道左啲咩？」我凝重的說。
「轟！」油門被踩下。
「我知道咩？！係…係…係你視而不見啊白先…鄧泰思！」亞娜再踩深油門，車子飆出，我馬上扣上安全帶，把自己的臉對準安全氣袋。
我還沒解釋，她又繼續一邊飆車一邊說下去:「女人啊，女人黎架！點解你會信佢？！平時明明你咁醒…哎呀！嬲死我啦！嬲！死！我！啦！」
話說你也是女生吧?！
她一邊說一邊打我的大腿，亞娜的力氣與我不相伯仲，差點就斷掉了！當然是指大腿啦！
「睇路！紅燈！紅燈！！」
「嗶——！」
「叭！！」
車子一路上見車過車，亞娜好像受過不知甚麼神奇的訓練可以使車子碰巧避開紅燈，在最後一秒的綠燈衝過斑馬線向前繼續長驅直進，最後我們伴著飄移的白煙停在我家門前。
「亞娜？」我梳一梳自己塌掉的梳海。
「嗄…嗄…」她放開軚盤，似乎冷靜下來，「泰思…頭先佢問我係咪鐘意你，我唔敢答，因為你話將來你會做一啲我未必接受既事。」
「…嗯。」這是我們對於現況的共識。
「但係，我一定係企係你個邊…即使好似之前咁。」
指的是與Jesscia之間的關係？
「你答我。」她側身向著我，我看到她一雙瞳仁中的自己倒影，看到她臉上的紅暈，「費勝嵐係咩人?」
「司長既政治助理。」
這兒說明一下，政府架構之中以特首為最高級，在特首之下分別有三名司長。而司長都有一名「政治助理」，作為司長的左右手，以級別來說甚至可以說是政府架構中的第三把交椅，可以視為未來局長，司長，甚至特首的潛在人選。
「咁咪係囉，政治助理等於係英國既政務次官，係好高官位既人黎。」亞娜說，「…咁樣，係你坐監之後，有冇任何人同你接觸？寫信?見面?」
「…無。」
在那牢房中，除了利教授和我的磚頭朋友，沒有任何人，也沒有外界的訊息。
「以梅黛琪既身份同費勝嵐既權力，佢地要接觸你應該無問題，甚至可以提供食物，物資，法律支援……就我所知，同泰思你同期被囚既鄧龍威，佢甚至有電話可以聯絡香港既人，將經歷打成訊息Send出去出書。」
我默然。
「鄧龍偉佢既屋企人都有搵個謝議員幫手…泰思，梅黛琪佢有冇做任何事?」
我默然。
「人地都要搵議員…但梅黛琪佢老公就係政府既高層，司長既左右手，權力核心同佢訓係同一張床上面，咁佢有冇做任何事?」
無話可說，無言而對。
亞娜正確得我沒法反駁。
她並不是做了甚麼的仇人，而是甚麼也沒做的……
……不懂怎樣形容，只能夠說不是自己人。
「今年係２０１９年，Fiora係８月尾既生日就夠１８歲，按時間計算，佢係２００１年８月出世。」亞娜看著我的眼神開始複製起來，「即係…梅黛琪係２０００年１０月，即係你係菲律賓被捕之後３個月，就已經…有左Fiora同柏榮。」
樓主使出世界律修正，時空變成２０１９年
樓主連出世同懷孕都唔識計，請負皮
講笑，唔好
我深呼吸一下。
梅黛琪，你比我想像中…更加…
「個個時代比較保守，我唔知道佢會唔會３個月由拍拖到…咩既時間夠唔夠。」亞娜說，「但係，如果佢地想係埋一齊既話…令你係菲律賓一去不回會係一個好方法。」
最後，亞娜望向我，吞一吞口水。
「就好似你為左令賈姑娘同林牧師一齊既做法。」
不行，要窒息了！
我推開車門，夏天悶熱的空氣湧進了胸腔，我還是感到沒法呼吸！我拉開襯衫最頂的鈕猛晃幾下用力呼氣才覺得活過來！
「仆你個閪街！」
我一腳踢向輪胎，腳尖傳來一陣酸痛，但完全被淹沒我的暴怒淹沒！！
梅黛琪！！你！！
「嘿啊！！啊！！」
亞娜按下手機，大門打開，我入屋後連燈也沒開重重把外套摔到沙發上發出巨大的「噗！」一聲，連阿布也不敢靠近我！
「咩以死相逼！咩只要係泰思就唔會由我死！我屌你老母！梅黛琪！！我屌你老母！！」
亞娜默默地關上大門，雙手放在背後立正默默的看著我發飆。
「點解…點解連你都！！連你都害我！我到底做錯咩，老豆！！勝嵐！！黛琪！！唐老板！！點解個撚個！個撚個都要咁樣去逼死我！！想我死！！一個人咁死係菲律賓最好永遠唔返香港！！」
淚水不爭氣地滲出，外頭的樹影在風中如扭動的怪物，名為鄧有德，費勝嵐，梅黛琪，唐老板的！！怪！！物！！
「嘿啊啊啊！！！」
「砰啦！！」
隨便抄起一支紅酒喝了一大口，漏出的紅酒如血一樣把我身上漂紅，接著我用盡全身的力氣把紅酒瓶轟出，腰馬合一的蠻勁使酒瓶在落地玻璃表面直接碎掉！血色的紅酒沿著玻璃淌下，透過其看出去，森羅萬象只剩下血色一樣光景。
全世界，也！想！我！死！
「泰思。」
我伏在沙發上，無力地看著那些巨影，突然背後傳來一陣溫暖和芳香。
「我係度。」亞娜從後把頭枕住我的臂膊，輕輕梳起我的頭髮，「就算佢地都想你死，我都一定唔會，放心。」
無辜的雪花，根本就不存在。
雪崩之中，沒有任何無辜的雪花。
第十三章：無辜的雪花
完
第十四章：最後一根草
上網都唔太搵到佢地有咩做
賤閪
