[鬥智] 【獅子山恩仇記】． 仇敵已成權貴，誓要復仇到底

10個打後全B

兩個選擇都怪怪地咁
救完人無必要自爆 定見係前度所以就心軟想拉攏佢
B就你兩個講完咁多野 突然間跳樓 一定可疑到爆 成盤計劃都好大變數
救人應該係個正確做法

我都覺得a,b有啲怪
站係男豬角度救返梅唔一定出於同情心
可以係為復仇增加多一隻棋
（假設梅唔係幫緊唐，費試緊佢係咪鄧泰思）

梅黛琪
夫人好傻好天真，可知最毒是人心，
試真情浪漫一跳，鐵達尼號看多了。

B

統計一下

選擇A既人：８
選擇Ｂ既人：８

但計頭１０個A 佔多數，所以…

梅黛琪逃過一劫

另外

時間線整理

「…個年２０００年，我已經講過，本來我個年準備同黛琪結婚…」

泰思入獄：２０００年

１６年後，菲律賓地震，利教授提前破壞主力牆令監獄倒塌，泰思成功逃獄

我這個無辜之人，在十六年後再次站到自由的天空下。

泰思回香港：２０１６年

回港後訓街大約係２～３個月， 得到獅子山寶藏後處理左遺產事務後又過左半年

半年後。

才一走進金碧輝煌的大堂……

獅子山伯爵現身：２０１７年

對鄧有德復仇時，泰思送過一年大褸俾亞娜，並指即將入冬

「遲下凍可能著，唔好凍親，你病左我會好麻煩。」我道。

對鄧有德復仇後，並講過要同亞娜過聖誕

不過在開始之前，我打算與亞娜渡過一個安靜的聖誕節，並等待機會來臨，如當年在監獄中一樣。

向鄧有德復仇：２０１７年尾

之後跨年，黎到２０１８

Fiora生日船P係8月，即係現時故事時空係２０１８年初夏
我所有既咩「十七年前」「遲黎十六年既正義」之類都係我自己打錯

Fiora生日係八月尾
即係２０００年８月尾，梅黛琪懷上Fiora
而泰思前往菲律賓係２０００年７月，即係梅黛琪懷孕一個多月前

整理完畢， 只有筆誤而無BＵＧ，出文

Fiora生日係八月尾
即係２０００年８月尾，梅黛琪懷上Fiora
而泰思前往菲律賓係２０００年７月，即係梅黛琪懷孕一個多月前

2000年8月懷上，就是2001年6月出世
還是2000年10月懷上，2001年8出世這樣？（因為8月生日）
咁依家Fiora是17歲左右？

當年突然心血來潮角色又暴走

17歲, 過埋生日18

等《第十三章：無辜的雪花》

費勝嵐都幾快手

另外印象中，費勝嵐的原著角色是莽夫型，好似沒多少智慧的表現

選擇Ａ：【承認】自己是鄧泰思，阻止梅黛琪自殺
新路線開啟

第十三章：無辜的雪花

以死相逼嗎？梅黛琪。

還是說你真的沒有內疚，自以為是那片不可能存在的無辜雪花?

你不惜做到這樣子，只為了證明我是一個早已消失在你生命，再無關重要的人?

為甚麼。

「唔好再行近個邊，費夫人！你口中個個人已經唔見左咁耐，你點可能認得出邊個係佢？！你只係將佢投射左係我身上！唔好為一個錯覺而死！」

「係唔係錯覺，我地黎證明一下！」她放開了雙手！光靠雙腳站在天台邊緣的她光是這樣也在風中顯得搖搖欲墜！

「有人係面前自殺去救佢，係一個人應有既表現！唔代表我就係邊個人！如果有個陌生人係你面前自殺你會轉身走咩？！」

我試圖以道理說服。

「我唔會。」梅黛琪沒法反駁，「但係…你一定係泰思，動作，動靜，舉手，投足，你就同我記憶中既泰思一模一樣！我唔可能認錯！」

「我唔係你既咩青梅竹馬！」我說，「我係菲律賓華僑後代，細黎左香港生活讀書！依加做進出口生意同藝術品貿易！你咁樣無啦啦因我而死根本講唔通！」

「再多既辯解，人證，物證，都唔會說服到我，我識既泰思好聰明，憑空捏造出一個背景對佢黎講好簡單！」梅黛琪說，「你呃到全世界都呃唔到我，我地由細玩到大，到拍拖，到談婚論嫁，依加只差在你認唔認返我！」

「……」

我應該任由她去死的，反正她的死能成為我的武器。

但是—我卻沒法就這樣轉身離去。

無辜者比仇人更難處理，對於仇人我可以把他畢生盡毀，但對於無辜者，特別是曾深愛過的她我顯得太婦人之仁。

「泰思，求下你…將我係呢１７…１８年既夢魘之中解救出黎，得你先做到。」她幾乎向我哀求地說。

萬一起疑的人不是她呢?

萬一其實她是來試探我呢?

萬一她是受起疑的費勝嵐所托在這樣套我口風呢?

太多考慮了，不論前進還是離去也會對全盤計劃創生嚴重影響！

「唔係得我先做到，係得你口中既個個鄧泰思先做到。」我說，「你今晚咁樣逼我都唔代表任何野，只係證明我係一個唔會見死不救既人！」

鄧有德？潮漲？沒聽說過呢。

「咁你就企係個度！」梅黛琪，「鄧泰思，我要你親眼睇住自己曾經既未婚妻死係你面前！」

她情緒激動，然後抽起一腳往後踏一步，但是她身後根本沒有任何地面，只有６７層樓下的尖沙咀！

「黛琪——！！」

我提氣爆發，一瞬間往前突進！終於在她往身後的萬丈深淵倒去時我捉住了她—早就向我伸出來的手！我一把將她拉住，旋腰拉動手臂把已到空中的梅黛琪拉回天台內，緊緊的把她的雙手按在圍欄上，她站在圍欄外頭，我站在圍欄內側，猶有餘悸的調節著呼吸。

「…獅子山伯爵會叫我做黛琪？」她望住我，「定係你又想講咩只係唔想見死不救既廢話?」

「……」

「泰思？」

「唉，果然我永遠都被你食住，黛琪……無錯，我就…」我唉一口氣，「好耐無見啦，我係鄧泰思。」

她輕輕抽了一口涼氣，但還是一臉「果真如此」的表情。接著她先是輕輕一躍的跳回圍欄內，看梅黛項的樣本來想擁住我，但是看看我身後的閉路電視只是輕輕雙手牽住我的手，流下淚水:「泰思…到底…點解會咁？個年發生咩事？我真係以為你死左啦！我，我，我，對唔住…我個時…個時勝嵐日日夜夜都陪係我身邊，我真係好想有個人被我抱下，艾下，依靠下…」

她一開始，就是在道歉。

我把剛剛的憂慮已盡數扔諸腦後：「…我的確係死左，依加係你眼前既人，應該話曾經係鄧泰思，但依加只係白梓爵。」

「被我睇清楚你個樣…你個樣…捱到好殘…」她把頭哄近我，輕輕的察看我的每一條皺眉。

「坐在十六年監，係咁上下。」我說。

「點解你要咁樣改名換姓?我地可以好似細個時咁…」

「永遠無可能再好似細個咁。」我打斷她。

「果然…都係既，你接受唔到我嫁被勝嵐都係正常，我本來應該係你既女人…」

「問題唔係呢度！問題係…！！」

是害我坐了十六年黑獄的人，正是她枕邊的費勝嵐！

「…算啦，過去既事唔提。」我說，「只有今晚，只有係呢度，我先係鄧泰思，今晚我落左呢條樓梯之後記住，我係白梓爵，我係獅子山伯爵。」

現在她知道了我就是鄧泰思，問題變得更麻煩，如果再給她知道費勝嵐做過的事和我的計劃，問題的麻煩程度實在非筆墨能形容。

「但係，我地咁多年無見過！勝嵐都一定好想…」

「哼。」我冷笑了一下。

這傢伙如果知道我的真正身份的話一定會把我斬草除根吧，我之前說過的「萬一費勝嵐得知我真正身份」的對策中其中一個項目就是在那情況下拆解他對我發動的攻勢。

「佢做咩？點解你咁反應?」她一呆。

「今晚到此為止。」我說拒絕再糾纏下去，「記得唔好同任何人講我既身份，連費勝嵐，Fiora同費柏榮都唔得，如果你覺得對我唔住既—為我保守呢個秘密就係你可以幫我做到既唯一一件事，我只想由頭黎過。」

看準了她的內疚，我決定要好好利用。

她一呆，然後凝重的點點頭，也識趣的沒有追問。

我本來就打算日後費勝嵐家破人亡後，我會保護起無辜的梅黛琪，而她也會知道是我的復仇把她一家擊墜至這田地，但她本應恨的—是一個叫白梓爵的陌生人，但現在在她認知中，只有鄧泰思這老相好，到時她會更痛吧。

今晚是個錯誤。

「我知道你人無事返左黎，生活美滿就足夠，泰思，我地都老啦！已經錯過左十幾年啦！」她哭著說，牽起我的手時淚滴淌到我的手背上。

「……白先生?」

而那就是亞娜走到天台上看到的那一幕。

「亞娜小姐…」梅黛琪連忙放開，好像我們在做甚麼不見得光的事?！

「難怪頭先白先生吩咐我睇住費先生既動向。」亞娜一臉不悅地說，老實說我第一次見到她的表情這樣子難看，「原來係咁。」

「我…」

亞娜打斷我說:「佢岩岩同唐老板一直飲威士忌酒，已經醉左係梳發上，相信唔會上黎阻到你地兩個！」

梅黛琪望向她:「亞娜小姐，你係咪鐘意左泰思?」

亞娜的表情一瞬間由憤怒變成了錯愕，不知道是因為她眼中的費夫人說出了我的真名，還是梅黛琪這樣直接了當的問出這問題。

亞娜的好感度下降了
鄧泰思現在更具人性，更重視舊情
由於當日放過鄧有德，現在又向梅黛琪坦白，日後選擇狠心路線時要超過三分二讀者才通過

聽日早起，聽日再覆上面

其實原著中，伯爵都有收手，最後也是大團圓結局。

喉嚨痛痛地作病, 停一停文

weekend休息下

亞娜bb

個character越黎越亂

係咪所有人都苦衷就唔報仇 仲暴露埋身份

咁不如叫埋上黎bbq算 反正都係天台

agree,
咁樣嘅"復仇者"太人性,唔會成到大事.
(或者話我好有興趣睇下樓主之後點寫,
點樣可以將泰思嘅人格被觀眾"扭曲"成咁之下,
仲可以將佢嘅復仇大計寫出嚟...)

因為讀者投票，甚至未必是同一批，至少我有時投了，有時遲了。

同意 尊重投票意向

g持

再咁投法，可能 ～Bad End～