[真人真事] 重寫以前香港發生過冷門既命案奇案

好睇，有心機，支持！！

似係 後尾佢上訴又減多年

支持樓主

—主謀黎建邦及準備武器既伍家樂至今仍未落網，繼續被警方通緝
<~ 下, 2007年都捉唔到人?

因為成日寫寫下
巴打絲打都提出想睇咩案件
所以都盡量就
唔緊要嘅 大家中意就得
慢慢寫點都會寫到d冷門

係呀 佢地仲著緊草
無消息話拉到

「２００４年９月，當時３５歲既尹三龍出獄且在一間律師事務所任職；
張有恆已經出獄以及結婚成家立室」

wtf姦殺案竟然可以放返出黎仲成家立室

sor又慣左不推文

佢地冇左啲青春算乜，人地冇左條命
所以各位識另一半真係要起下底

好彩童黨依家已經息微

本身驚方網站有懸紅通緝 不過早幾年唔知點解就冇咗

你以為啦
不知仲有幾多
未玩出事啫

安定牛丸已經知未息微依家應該仲有好多之不過未搞出事所以先覺得少

推

多謝樓豬可以係我扮工既時候幫我解悶

好多娶 chi na女人
佢地理鬼你咩

我都係得閒打下唔洗成日打機咁悶
大家睇得開心就好
暫時進度唔錯
但聽晚改出單上面巴打提到嘅奇案之一
安安幼稚園要暫時Delay

呢個真 貪身分證

係咪高超道個單

樓主我想睇街童呀 虐殺呀嗰類
不過你唔洗就我 我會照嚟睇

香港學生心身健康問題向來備受關注，係早幾年就試過接二連三咁發生唔少學生自殺案，政府固然責無旁貸但都係無做具體措施去預防，呢個問題更似乎早係幾十年前已經有跡可尋...

學生自殺案（一）乒乓球拍的由來

１９９１年１月２８日星期一，唔少人都一早起身如常返工返學，然而「啪」一聲悶響就打破左屯門山景邨呢個平凡既早上—一個著住整齊校服既中學生被發現倒臥係景桂樓升降機大堂對出空地上，當場證實死亡。

佢叫伍少奇，係屯門仁愛堂田家炳中學讀中二而且係乒乓球校隊成員。據死者父親所講，個仔性格活潑又中意小動物，係跳樓自殺前又無咩異樣，諗唔到有咩原因會自尋短見。

的確大家都估唔到既係，少奇自殺原因竟然係同塊乒乓球拍有關。

１９９０年１２月中，少奇將一塊自稱購至大陸既球拍以五十元正轉賣比一位校隊成員，但係一個月後，另一名學生向訓導主任投訴指少奇買賣既球拍係從佢身上偷黎，於是訓導主任就司見少奇當面對質。

少奇起初解釋塊球拍係友愛邨一家文具店購買，不過係失主可以具體講出生產地、特徵記號之後，佢終於承認係偷竊得來。係查出真相後，訓導主任除左褫奪少奇校隊成員資格外，同時要記過見家長。

少奇知道之後好驚慌，佢苦苦哀求希望訓導主任可以比次機會，唔想比父母知道呢件事。然而訓導主任無動於衷毫不手軟，要求少奇係２８號朝早同父母一齊去學校搵佢。

絕望既少奇聽罷就去操場痛哭，返到屋企之後又無話比父母知件事，短短十幾年人生就係１月２８號呢個早上匆匆落幕。

後來死因庭展開研訊，訓導主任作供時指出：
「死者伍少奇偷竊同學球拍，校方要求見父母，係希望藉此了解前因後果。」
「無論係老師或學生通知家長，都會為學生帶來壓力。」
「學生違反校規，老師要衡量學生立場，事件性質去決定處理方法，雖然有很多種方式，但絕對無十全十美方法。」

散庭後，少奇父母都認同法庭裁決指兒子少奇死於自殺，只係為佢咁後生一時睇唔開而覺得可惜，希望日後唔會再發生同類事件。

但大家都知道歷史係會重演。

學生自殺案（二）要求學生代買飯盒引申出的是非

同年３月，正正係過完新年無耐又再發生學生跳樓自殺案，死者更只係一名小六學生，佢個名叫郭偉洋。

死因庭還原返眾人口供重組案情：

１９９１年３月５日小息時分，偉洋擅自返回班房時被訓導主任截獲，佢係查問之下聲稱班主任叫佢幫手代買飯盒，於是就上去搵佢拎錢；然而班主任否認代買一事，訓導主任覺得偉洋係講大話，就要記佢大過同埋見家長，不過偉洋矢口不認，堅持自己係受班主任指使。

晏晝３點半，媽媽返到屋企，見阿仔偉洋係到打緊機，神色無異樣，亦無向佢提起係校內朝早發生既事。

夜晚９點，爸爸爸收工返去，話係公司接到學校電話，指偉洋企圖以老師名義盜竊。媽媽查問偉洋是否屬實，係呢個時候偉洋先和盤托出，話自己係學校經常受到老師不公平對待，除左班主任要求佢以及同學代買飯盒，又成日無啦啦記佢過，什至係打手板、罰扮狗叫。媽媽相信偉洋所講既一切，所以就安慰兒子「唔洗驚」，翌日會陪佢返學一齊同老師當面對質。

之後各人如常作息，偉洋食完飯後坐左係廳睇電視；爸爸就係睡房睇書；媽媽覺得攰訓左先。

夜晚１１點幾，媽媽訓醒發現屋企既燈都仲著緊，覺得有些少奇怪就起身查看，又發現偉洋唔係睡房不知所蹤。呢個時候樓下又人聲噪雜，佢就同爸爸一齊落樓查看，發現兒子多處受傷流血倒臥地上。

紐西蘭籍死因庭裁判官係庭上表示：
「根據死者父母及校方三名教師證供，本席認為死者死於意外的可能性很微。」
「證人陳述中，死者與班主任之間發生的事，有不同說法。」
「死者父母說兒子曾投訴班主任要他代買飯盒，上述說法有班中女班長支持。不過，陪審團必須小心考慮，該名女班長只是從別人口中聽到此事，此外，班主任亦已否認。」
「教師是可懲罰學生的，當然，懲罰必須合理。今次事件，死者所受的懲罰，是校內最不嚴重的一種。」
「陪審團有一點要考慮的，有證人指出，死者父親一向對兒子十分嚴厲，死者可能因為怕被父母懲罰而自尋短見。」

偉洋媽媽係庭上繼續為阿仔辦護，除左描述偉洋自殺當晚舉止又回憶阿仔說話：

「偉洋反映受班主任針對，係座位內郁動身體或者彎腰拾筆記都要被記過。」
「到學校拎成績表時，班主任向佢投訴，偉洋上堂經常同人傾計十分頑皮，要佢好好管教。」
「自己唔識字，每次都係偉洋將手冊內記過事項讀比佢聽。」
「最疼錫個仔，就算係記過都覺得好小事無咩所謂。況且偉洋係轉過黎讀呢間學校之前從來都無比人記過，絕對係老師有意針對佢。」

偉洋爸爸另一方面亦痛斥：
「老師叫學生買飯盒，係濫用職權，罔顧學生安全！」

然而校方版本卻係大相逕庭—

事件主角班主任重申：
「當日絕對無要求偉洋去代買飯盒，有其他教職員在場可證實此事。」
「偉洋平日上堂態度散漫，經常有意無意破壞課堂秩序，唔係有心針對佢。」
「案發後翌日，被死者父母及親戚等十幾人到校內扯髮、圍毆，事後先知偉洋跳樓身亡。」

校監李金鐘回應指：
「如果學生肯幫老師買飯，就唔存在濫用職權。案發後亦已告知老師唔好再叫學生代買飯盒。」
「班主任係處理呢件事上面無犯任何錯誤，會繼續聘用。」

校長黃文泰表示：
「學校成立兩年，大部分學生來自新移民家庭，多數比較調皮，唔當處罰係咩一回事，因此比較難管教。」
「知道有唔少家長係文盲唔識字，睇唔明仔女手冊上面紀錄事項，所以鼓勵老師多與家長聯絡令佢地更了解佢地係校內情況。」
「於事發後通知家長係為左作相向溝通，而非有心故意刁難。」

呢單代買飯盒所引申出黎既自殺案，就係眾說紛紜之下，死因庭最後認定郭偉洋死於自殺；而偉洋父母就揚言要從民事途徑追究責任，因為佢地唔知道係死因庭上面係唔可以盤問校方教師，但最終都係不了了之。