[真人真事] 重寫以前香港發生過冷門既命案奇案

1001 回覆
628 Like 21 Dislike
2020-12-22 13:17:50
就可以名正言順講 黑警殺人
2020-12-22 13:30:32
係啊
咁都係判9年咋
2020-12-22 13:32:45
呢單最近花家姐個奇案女王說奇案都有講返
btw樓主加油 最鐘意聽奇案
2020-12-22 13:43:42
其實殺人就算係誤殺 我覺得都至少要判10年以上先合理
除左正當自衛 無論咩原因都好 人都係無權去剝奪他人性命
好似呢個校長咁 扣埋假果d坐唔夠9年就出黎
但係個書記就永遠唔再生存係世上
咁樣真係完全唔公平
2020-12-22 13:56:59
幫推
全部都未睇過
2020-12-22 14:09:24
開page啦
2020-12-22 14:09:34
2020-12-22 14:25:44
2020-12-22 16:06:20
真。黑警殺人燒屍

Mon緊Post嘅狗狗千祈唔好對號人座,黎緊呢單案絕對唔係影射緊你地

「喂收工啦,趁而家仲早不如帶你地去遊下車河啦!」

阿玲興奮咁回應:「好呀好呀,去邊度遊呀?」

「就八仙嶺啦,果度靜而且風景又幾靚。」跑車揚麈而去往大尾篤奔馳。

「話左呢度風景正架啦,係咪無帶錯你地呢!」男人邊講邊係車尾嘅迷你雪櫃拎出兩罐開左嘅汽水,「口唔口渴?請你地飲呀,岩先雪完夠哂凍架。」

「好呀!」另一個女仔爽快咁接左罐野飲,「但點解個罐邊會有啲白色粉嘅?」

「哦...應該係啲污糟野痴到姐,抹一抹就無野架啦,趁仲凍快啲飲啦!」

「噫,都係唔好啦,我近排腸胃唔好唔飲得凍,你自己飲啦。」
阿玲和應:「係囉,其實我都唔太口渴...」

「你地係咪玩野呀!開左先話唔飲?」個男人把聲突然變得好惡。

「咁我地真係唔口乾呀嘛,做乜要逼人飲姐?」

男人聽完之後隨手掉棄果兩罐汽水,喃喃自語咁講:「女人真係麻鬼煩...對你地好啲都唔得嘅,唉返屋企啦咁...」

原本係一場開開心心嘅遊車河變得不歡而散。

幾日後,警方接報指八仙嶺山腳嘅一片草坪發現一具人形焦屍。法醫到場檢驗憑性徵判斷死者係女性,因為屍體無呈現受到火燒嘅反應爭札,例如滾動或緊握拳頭,因此現場只係燒屍地點,死者好大機會係失去意識後先轉移至此。而經過地氈式搜索後,警方亦只係現場搵到個相信同案件有關嘅紅色汽油桶。

由於屍體實在係面目全非難以辨認,警方無法證實身分,只好尋求傳媒幫忙同埋翻請失蹤人口資料。果然無耐,憑屍體右手尾指帶著象尾嘅毛的銀戒指,有位自稱姓伍嘅女士認出死者係佢失蹤左幾日嘅女阿彤。阿彤係屋企嘅大女,佢仲讀緊中學嘅時候就已經出黎做野幫補,而案發時佢正係荃灣大白田街一間時裝店做 sales。

警方開頭偵查嘅時候都遇上些少麻煩,原因係死者背景品流單純,除左學校佢最大機會接觸到外人嘅就係工作地方時裝店。而時裝店除左阿彤,仲有另外一個女員工阿玲,當佢知道左阿彤遇害嘅消息顯得十分錯愕,因為佢地早排先去完八仙嶺遊車河,幾日後嘅阿彤竟然被發現慘死在此。因此警方就從佢地當日游車河經過查起,估唔到竟然同佢地嘅伙計扯上關係...

原來時裝店有兩個老闆,其中一個叫胡志強,四十二歲已婚人士,係尖沙嘴水警總部擔任福利部督察。根據阿玲口供,由於胡志強曾經接載過佢同阿彤去八仙嶺郊野公園,因而重案組認定佢係有重大嫌疑,申靖將佢拘捕。

係審問期間,同樣身為警察嘅胡志強明顯有備而來,好好運用係「學堂教過嘅野」,對於所有問題都矢口否認:

「你識唔識案中死者阿彤,即刻係你間時裝店嘅售票員。」

「我都係案發前幾日先第一次見佢,因為揀請佢果個唔係我。」

「案發果晚你去左邊同做咩?」

「我果晚落更之後自己一個去左美孚影都戲院睇左場9點半嘅戲叫做—魔咒,睇完大概點幾就返左屋企。」胡志強又示意有戲院飛尾做證。

「咁你係果晚有無見過阿彤?同埋呢幾個星期有無去過八仙嶺郊野公園?」

胡志強看似堅定咁回答:「無,無見過阿彤亦都無去過八仙嶺。」

警方經查證後證實,雖然當晚胡志強的確係去左睇戲,但係胡志強所坐嘅係雙人行,而相鄰位置亦都同時賣出,證明佢唔係自己一個去睇。警方又分別係胡志強架車上面以及係阿彤做野嘅時裝店搵到與其相符嘅血液樣本,因此警方更加斷定胡志強同阿彤嘅死有重大關連。

紙係包唔住火,係第二次審問時,胡志偉明顯已經方寸大亂。

「其實我同阿彤識左一排架啦,我驚比人誤會我係出面玩女人先講大話...」胡志強面有難色解釋,「無錯我原本係同阿彤睇,不過佢果晚放左我飛機。」
「我係有車過佢地去八仙嶺,但果次大家都係傾下計睇風景,不知幾開心...」

縱然胡志強想繼續掩飾罪行,但天網恢恢,警員鍥而不捨咁係胡志強當晚睇戲坐既雙人座位搜證,終於搵到搵到阿彤既毛髮纖維,分別係來自佢屍體身上穿著羊毛衣以及配帶嘅象尾毛戒指,證明當晚胡志強係有同阿彤一齊睇戲。更什者,警方又追查到,胡志強於案發當晚係大埔一個加油站買左個現場搵到一模一樣嘅汽油桶,而係一個鐘後佢又返黎入油。

最後集合以上所有證據,警方推測當晚胡志強同阿彤睇完戲之後,係送佢返屋企途中,搵籍口想呃阿彤入時裝店強姦未遂,於是胡志強就殺人滅口帶到八仙嶺郊野公園棄屍。縱使證據確鑿但係胡志強繼續係法院審訊時否認涉案,什至話係受人陷害,而最終佢都係被陪審團一致裁定謀殺罪成,依例判處終身監禁。

呢單案證明就算你係警察,做錯野都要受罰
若然未報只係時辰未到
2020-12-22 16:18:46
原文維基參考
案發日期:1985年4月30日
案件:八仙嶺郊野公園燒屍案
案情:一名水警督察胡志強(42歳)在荃灣大白田街一間時裝店意圖侵犯女死者伍渡霞,女死者反抗被兇手扼斃,胡再將屍體運到八仙嶺郊野公園燒屍,1986年2月17日,該案審結,4男3女陪審團,一致裁定被告罪名成立,法官依例判胡志偉死刑。
2020-12-22 17:26:33
2020-12-22 17:42:10
呢啲狗留返條命都冇用
2020-12-22 18:13:58
個閪腦一日到黑都剩係想搞人
2020-12-22 18:59:03
2020-12-22 19:25:55
我都覺咁先公平
自己做得出就要受返

其實俾佢地坐監真係嘥公帑養
冇耐又出返黎
重新俾機會佢地

有冇諗過受害人咁就無左條命
連選擇機會都冇
2020-12-22 20:59:57
PUSH
2020-12-22 21:22:28
留名
2020-12-22 22:49:34
2020-12-22 23:00:46
2020-12-22 23:10:58
支持psg 手足
2020-12-22 23:27:24
今晚打完FIFA
出一篇關於千禧年元朗白沙村發生既變態殺童背後既傳聞
2020-12-23 02:50:48
白沙村姦殺女童藏屍案傳聞鬼話

維基參考:
案發由於2002年12月,事件造成兩名年齡分別為10歲及11歲的女童死亡,以及3名年齡分別為5歲、3歲及1歲半的幼童燒傷。居住於元朗白沙村的唐永強疑因不滿妻子另結新歡,欲向妻子報復,他認為只要殺死5名與他有血緣關係的人,然後自殺,就可以施以邪術向妻子報復。女童陳諾雯及嚴佩珊先後遇害,且被姦污屍體,唐永強其後挾持自己的3名年幼子女,企圖引爆石油氣同歸於盡,被警方及消防員破門入屋救出,因而揭發兇案。2004年2月25日,高等法院裁定唐永強2項謀殺和1項企圖謀殺罪名成立,法官判處唐永強2次終身監禁及入獄8年,3項控罪的刑期同期執行。

縱然事發至今已經將近廿年,但係近年有傳媒去到現場考察,都仲有村民反映深夜聽到女仔喊聲係日光日白佢地都係唔敢行過間屋。雖然間屋而家係由一名和尚居住,但似乎佢都係無法安息呢兩條無辜死去既性命...

傳聞一:唐永強戀童辟好有跡可尋
唐永強因為性格古怪脾氣麻麻,經常做出奇怪舉止,所以村民都笑佢做「唐老鴨」。實際上唐永強的確係有戀童辟好,因為佢兩任妻子係「結婚」時都只係十幾歲未成年,幫佢生左3個小朋友嘅第二任妻子係十一歲開始已經同居;而唐永強都經常係出面帶小朋友返屋企玩,其中一位遇害女童陳諾雯就係佢係帶仔女去元朗廣場買閃卡嘅時候,以一齊玩閃卡為由誘殺。可惜係當時村民早已見怪不怪,以為唐永強只係單純鍾意同小朋友玩,如果唔係大有機會阻止到慘劇發生。

傳聞二:發現沙井埋屍過程靈異
警方初時只係係屋內二樓衣櫃搵到其中一名女童嚴佩珊被床單包住以尼龍繩綑綁嘅屍體。係深夜過後,佢地就封鎖現場打算等翌日繼續搜證。咁岩留守案發現場嘅係一名新紮女警,如是者接近天光嘅時候,果個女警突然聽到,屋外傳出一把微弱女童喊聲呼救「嗚...姐姐...我係到呀...」。女警雖然好驚但佢都好大膽咁跟住把聲嘅方向搵,然後發現把聲係由有部舊冷氣機壓住且用水泥封死嘅沙井傳出,女警心知不妙連忙通知就快黎接更嘅師兄支援,果然當消防到場一打開沙井就傳出陣陣惡臭,訓係井底嘅正正就係陳諾雯。後來坊間就傳話係枉死女童唔信任男性所以只能搵同性女警申冤,而警方就為免將事件官方咁靈異化,所以話係根據現場搵到嘅用剩水泥推斷出沙井埋屍。

傳聞三:唐永強施行五鬼邪術報復妻子
唐永強第二任妻子阿姍因為後來唐永強失業,要去做卡拉OK女公關搵錢,久而久之同佢關係疏遠經常嘈交,什至係出面結識其他男人交往。唐永強發現左之後就好嬲,而自稱識「泰國降頭術」嘅唐永強,決定用用五鬼邪術去報復妻子,個所謂做法就係殺死五個同自己有血緣關係嘅人,令佢地變成厲鬼向其索命;除左佢三個仔女,要令兩名無辜女童同佢產生血緣嘅方法就係發生性行為,所以有好大跡象顯示唐永強有對佢地進行姦屍。諷刺嘅係,後來警方查證唐永強根本無去過泰國,所謂識報紙邪術只係出自患有嚴重精神病嘅佢腦海幻想...
2020-12-23 03:00:01
有時手快快無校對好
可能會有打錯字或者語意重複嘅地方
希望大家見諒
2020-12-23 03:01:47
有危險人物feel
呢單未聽過 支持
2020-12-23 04:34:34
想睇秀茂抨燒屍案
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞