[真人真事] 重寫以前香港發生過冷門既命案奇案

想問巴打平時搵D案件資料係邊度搵?
因為我剩係識google 有時想詳細D研究下再寫

推

樓主寫得好睇
同埋唔係copy又copy
唔想再睇林過雲

幾時輪到荔景邨姊妹花命案？呢單真心得人驚！

我以前直頭買appledaily專門講香港命案既書睇
但實在太長好難入口
跟住網上面流傳既黎黎去去都係果D
所以就試下自己寫睇下會唔會有趣d
多謝支持

呢單反而想講下背後既傳聞
因為件案已經太多人寫同講
驚寫多次會好沉氣

正 最鍾意睇呢啲

荔景邨姊妹花命案背後傳聞

事發於1984年5月8日，退役警員葉少文因與女友梁雪詩感情破裂，持刀到女友居住的葵涌荔景邨樂景樓3樓16室家中，斬殺梁雪詩（22歲）、其妹妹梁雪雁（18歲）及其母楊惠群（53歲），造成梁雪詩、梁雪雁身亡，楊惠群重傷。

呢單案相信好多人都聽過，因為兇手前警員葉少文手法殘忍，刀刀攞命，除左殺死前女友，更將無辜嘅阿妹斬到頭身幾乎分離...

傳聞一：案發單位被水泥封印
據說案發之後，鄰居經常係半夜聽到高睜鞋嘅「咯咯」聲，十足十有女性經過返屋企咁，更什者係話聽到空置嘅單位內傳出打罵哭泣聲。亦有傳聞唔信邪嘅非華裔家庭入住案發毗鄰單位，住唔夠幾個月亦都頂唔順就搬走，當中原因自然引人遐思。而房署無耐就以滿足電力需求為由，將案發單位連埋毗鄰一併以水泥封上，改建成電錶房；坊間自然認為呢個舉動反映當年政府默認兇案現場傳出嘅傳聞。

傳聞二：兇手被姊妹花夜夜痴纏
葉少文係案發後凌晨，於沙田嘅住所被捕，但係佢對姊姊花嘅死好似全無歉意，係提堂嘅時候表現冷靜咁話要請律師辨護。雖然佢否認謀殺，認為自己係被挑釁下先至行兇，但陪審團係商議唔夠一個鐘後都一致裁定佢兩項謀殺罪成立同傷人罪成立，實則各判終身監禁以及１８個月徙刑。因為殺人犯係會囚禁係單人倉，所以葉少文平時無咩機會接觸到其他囚犯，但就有傳聞話獄警會係夜晚聽到佢發惡夢慘叫「唔好埋黎呀，你地放過我啦！」，更有出獄犯人指葉少文經常向佢提到「佢地兩姊妹去到邊都跟住我」。而我係做資料搜集嘅時候就見到有網民表示，因某些原因同葉少文相處過短時間，對方第一句請佢相信世界係有報應嘅，而佢脾氣都變得極為斯文完全唔似個殺人犯。係真係假，或者只有葉少文本人先會知道了...

傳聞三：警察係有機會阻止慘劇發生？
話說當晚６點半左右，姐姐雪詩係兩名警員陪同下返屋企。佢地先係護送雪詩入屋，然後就盤問跪係門外嘅葉少文，經過一番勸解，葉最後亦都同意離開，所以就以男女糾紛處理備案收隊，殊不知個幾鐘後就發生無可挽回嘅慘案。因此坊間自然有聲音認為如果警方可以做多幾步，例如先拘捕葉少文，或者兇案就唔會發生。但我個人認為呢件事上面更大責任嘅可能係葉少文父母，因為葉少文係案發前已經神情有異喃喃自語，更加係廚房拎走把牛肉刀，直奔梁家。葉少文父母明知自己個仔有「發癲」嘅前科，但係佢第二次折返梁家嘅時候，都無任何危機意識去提醒一下梁家，或者咁樣早就注定左姊妹花嘅慘死。

呢篇試下寫周邊傳聞 睇下大家中唔中意呢類

好睇
幫推

Lm
最鏡意睇香港以前命案

每次見到呢啲都會諗起被害人死前嘅絕望，同兇手之間冇咩深仇大恨，只係某一日正常生活嘅時候就俾人殺死

第一單受害者 佢有一下都猶豫過幫唔幫好
結果就係一念之差無左條命

第二單更加無辜 妹妹佢天真無邪無諗咁多
兇手仲要係識嘅人
只能說係命中注定嘅劫咁

大家無論係男係女都好 真係要有危機意識

聽日繼續寫
我會試下口語同埋書面語拎個平衡
同埋字數控制係千幾字左右
等大家睇得舒服d
如果有咩案件想我特別寫都歡迎提出
多謝支持

好正
樓主加油

都係Google搵吓

推

黑警殺人

之後會寫一單80年代黑警殺人仲要係幫辦黎

lm 好睇

之前好鐘意睇危險人物

玩下自爆先

係咪曾經有一單學校燒屍案?
好似都幾轟動下

巴打係咪指校長燒屍案?都係同錢銀有關

From 維基
1993年7月14日發生牧愛小學校長燒屍案。前任校長（王世明）因串謀盜竊公款在校內殺害一名女書記兼會計（劉容梅）後，將屍體運往鰂魚涌公園、海澤街停車場附近某隱蔽處燒屍，毀屍滅跡，其間有途人發現有人向一尼龍袋淋潑易燃液體並報警繼而揭發命案。校長燒屍案於高等法院審判後被告最終誤殺罪名成立，入獄9年．

加油