[真人真事] 重寫以前香港發生過冷門既命案奇案

想知道而家兇手係咩環境? 死咗定係仲坐緊?

呢個真係無資料搵唔到 始終成三十幾年前既案
出到黎都變廢老了

諗起呢個post

有邊單殺人案令你覺得好震撼https://lih.kg/hOMcOrX#203 回覆 - 分享自 LIHKG 討論區

真係好癲 有時一念之差
遇到變態殺手就無左條命

呢單好深刻
印象中個陣同受害人差唔多大
個陣報紙仲畫左佢間屋嘅平面圖
寫住其中一個女仔係衣櫃
一個係沙井

其實搵返衣櫃果個都有段古
有個老消防一上去直覺個衣櫃入面有d野
成單野真係勁恐怖咁就無左條命

可以整理下重點
因為好多傳媒已經做過專題

咁夜都唔訓，係咪準備緊新野

LM

Lm

Lm

今日有新野 係講碎屍案
但兇手係女性

大埔人肉燒臘檔？

黎緊要講嘅呢件恐怖碎屍案應該會比較多人有聽聞過，因為兇手竟然係個只得１９歲嘅未婚媽媽，係眾人眼中嘅呢個乖乖女本身讀書唔錯又考順有大好前途，但係就因為誤交損友半推半就之下發下性關係生左個女，最終走上絕路殺人碎屍．

傳聞一：阿文自卑心作祟導致悲劇？

關於易寶雯殺死男友嘅阿文原因，坊間主要嘅說法係因為易寶雯另結新歡而起：當時阿文只係個無所事事讀唔成書嘅ＭＫ仔，相反易寶雯本身幾聰明，係生左個女讀埋中七之後都有繼續進修，又成日出去認識新朋友，因此阿文就起疑心，經常借故限制易寶雯出入，例如唔比佢咁遲返屋企或者係見朋友都要有佢一齊。而殺人嘅導火線正正係因為阿文懷疑易寶雯係出面識左個做消防嘅新男友，有指佢幾次都因為疑似「帶綠帽」事件郁手打易寶雯之餘仲試過打埋個女，令到易寶雯更加不滿，最後積累之下終於忍唔住錯手殺死人。

翻查資料，其實阿文會起妒忌心可能真係無可厚非，因為易寶雯被指係１９９８年過兩個分姓劉同石嘅男人交往，而共同點係佢地都唔知道易寶雯已經生左個女；而係近年嘅電視節目中，有阿文當年嘅好友出黎講返佢地之間嘅關係，話其實大家都好愛對方，反而係易寶雯管得結交什廣嘅阿文好嚴，唔準佢嘅朋友上黎搵佢之類。無論阿文係咪因為呷醋發脾氣對易寶雯動粗令佢還手都好，成件事就係一個悲劇，仲間接導致佢地個女走上另一條歪路(販毒)...

傳聞二：易寶雯分屍棄置過程「冷靜非常」

係易寶雯「錯手」殺死阿文之後，因為怕比個女見到佢老豆嘅慘狀，就決定將其分屍。最初易寶雯用剪刀、餐刀及菜刀亂斬一通，但都係無辦法分屍，於是佢就諗到用長刀劏開個肚令內臟流出避免發臭，結果都係失敗。「做」左嘅成日野易寶雯覺得好攰，就帶個女去食鐵板燒，打算第二日先再處理，而係佢努力不懈之下，係夜晚易寶雯終於將阿文肢解成多分，加埋粗鹽放入原本係裝著三行工具嘅大鐵箱，剩低擺唔落嘅左手左腳就裝係黑色垃圾膠袋準備棄置。點解強調易寶雯係冷靜，因為易寶雯係分屍期間就故意開大收音機聲掩蓋，仲叫左佢一名同性好好友同埋劉姓前男友，一齊去準備分屍同埋清潔現場要用嘅工具，包括木梯、桶、刀等。當死者屍體被發現後，劉姓前男友就立即去報警，警方使計多次叫劉要求易寶雯出黎食飯見面，佢都係一一拒絕，當易寶雯最後被捕嘅時候已經係案後兩星期之後。

傳聞三：阿文死狀極其恐怖

呢度我直接引用其他媒體寫法：
「打開門後，隔着鐵閘只見屋內一片凌亂及血漬斑斑，亦隱隱傳來陣陣惡臭，劉志誠隨即報警。破閘後，在房內找到一個滿載鹽粒的鐵箱，打開一看便見到張偉文被醃在其中，失去左手左腳，獨余左腳板。」
「據死者胞弟認屍後形容，死者死狀恐怖，兩眼睜開，眼球凸出，似是死不瞑目，全身佈滿傷痕。而法醫驗屍後發現，死者是失血過多致死，頭部右邊面及眼角有明顯傷痕，左邊胸口的刀傷更深至肺部。」

大家想像下，一個「人」唔能夠完全訓入個箱，所以就夾硬將佢突出嘅部分斬開，跟住再好似醃肉咁鋪哂鹽，但係仲未計埋流出黎嘅血水脂肪等等，果個畫面同臭味應該係畢生難忘...

https://hk.appledaily.com/local/20150801/BP2SSAHW7KRR6OJGUPAT2ZVIQY/

當年案件參考
其實仲有支那01同白粉link 不過費事貼
有興趣巴絲可以自己search返

樓主好有心機
原來好多時殺人同比人殺都係一念之間

樓豬加油

呢單都幾癲 個兇手都認話斬屍好似斬燒味咁簡單
同埋剩係判6年有D唔公道
我試下係法理角度寫下合唔合理

多謝支持
講得無錯 一念之差而且個後果仲係無得挽回

一般兇殺案不多於一條人命或單一事件仍有假釋可能

呢單個兇手好似係俾死者姦先再一齊
仲要一路陀住個女
一路讀書考試

做開揸慣刀斬嘢梗順手，條屍唔知係咪傳聞咁攞咗去炸咕嚕肉擺喺檔口賣？
.

對 但都係話易寶雯無報警
要墮胎佢又唔肯 所以有商榷性係咪真強姦