[真人真事] 重寫以前香港發生過冷門既命案奇案

1001 回覆
628 Like 21 Dislike
2021-01-18 01:10:56
樓主要
2021-01-18 01:16:38

原來連豬有呢個咁可愛嘅動作
2021-01-18 01:46:15
live左 好驚
2021-01-18 02:26:56
樓主睇波未得閒出文?
2021-01-18 02:27:42
留名
2021-01-18 02:32:32
2021-01-18 02:49:09
說好的12點前
2021-01-18 03:34:38
花蓮父母殘殺五子命案(下)

精心布局

花蓮警方最先調查嘅係劉林夫婦嘅背景,原來劉志勤經營一間叫「魔幻家族」嘅攝影公司,係兆豐農場、怡園度假村等共三個地方為旅客提供攝影服務,包攬左大部分生意。

好景不常,公司生意起初雖然順風順水,但隨住當年台灣經濟環境轉差,本土外來觀光客數量大幅減少,所以經營出現困難,劉林夫婦就開始問親友借錢同透過申請信用卡透支度日,據講總務高達一千六百萬元。唔單止咁,劉志勤又同公司內部有多重金錢糾紛:其中一個合夥人林暻勝(有竊盜詐欺等前科)因為合夥帳目不清、偷取支票等問題同劉志勤有達六百萬元金錢瓜葛;劉志勤試過同一個離職員工因為錢財問題鬧過上差館。

警方開頭一度懷疑劉林夫婦正正係因為無錢還債而被人買兇殺害,於是就調查哂成個花蓮嘅黑白財務公司,但都係搵唔到任何相關線索。唯一追查到嘅係,上面提到係現場搵到唔係劉志勤嘅煙頭,經證實係劉志勤朋友蕭先生去佢屋企做客時候食,但佢地果時係地下客廳見面無上過樓,因此煙頭係之後先被移去三樓浴室。警方呢個時候終於開始懷疑劉林夫婦,改為重新組織調查佢地案發前動向。

果然皇天不負有心人,有個住係附近相熟鄰居提到—平時夜晚都係劉林夫婦仔女出黎倒垃圾,唯獨係9月5日之後就無無再見過佢地,反而係林真米出黎倒、而更進一步亦都無人見過有陌生人出入劉家,要係短時間內無聲無息咁同埋處理命案現場,仲要係有劉林夫婦五個仔女同時在場情況下落手,好大機會做到係熟人先至做到。

於是警方孤注一擲重新係現場搜證,真係有突破性發現—幾條無左根部嘅魚藤,一種台灣原居民多數用係捉魚嘅麻醉性植物,係人體使用之後幾日就會隨血液自然分解。呢種植物唔可以隨便係街市就買到,要經特別途徑先可以入手,果然正正就係劉志勤以朋友個仔要做醫學報告實驗,向一個老相識借黎。如果作案者就係劉林夫婦,咁就推斷到佢地係用魚藤將仔女迷暈然後殺害,而且解釋到點解當時驗屍搵唔到有化學成分嘅原因。

照片上的孩子們

警方今次終於捉對用神,擴大搜索之後係唔同地方都搵到劉林夫婦嘅蹤跡:渣車去到吉安火車站棄車而去,仲係7仔買野飲野食;林真米係唔同士多超市買案發現場嘅作案工具(膠布、較剪、粗繩、鐵絲等);劉志勤係案發後返過去公司工作室一轉。咁樣就證明劉林夫婦根本無比人捉走或者係綁架,佢地完全係行動自如。

警方知道真相已經愈來愈愈振近,但勢估唔到嘅係破案關鍵竟然係劉志勤係公司工作室留低左嘅果部相機被刪除過嘅記憶卡,入面有劉林夫婦殺害仔女證據—劉志勤著住短衫褲,親手用繩以死結綁住睇落無意識嘅大女,透過相片角度可以測渣機嘅就係妻子林真米,另外又搵到幾張大仔係天台淋花嘅生活照,佢當時笑得好開心。

最後根據警方推論,劉林夫婦作案時序如下(引用維基所以書面語):

8月28日,林真米打電話給姐姐林秋桂,林秋桂聽出林真米心情很沮喪,曾邀約林真米出來談心,但林真米卻以生意很忙為由婉拒,這通電話就成為姊妹兩人的最後聯繫。

9月4日,劉志勤巡視自家公司業務後,主動跟員工說:「要帶小孩去台北開刀,這幾天都不會在公司 。」之後就開始陸續殺害子女,長子劉昱辰因為等大學開學,成為第一個遇害目標:
— 中午,劉家么子劉北辰放學回家,被母親灌藥,在有意識的狀態下,雙手被劉志勤以鐵絲反綁,並以鐵絲從脖子纏繞到嘴巴,而下顎也因為掙扎,加上綑綁力道過猛而脫臼。
— 晚上,劉家次子劉昕辰因為課業繁重而最晚回家,之後就被母親迷昏。根據法醫解剖表示,因為長子、次子、么子胃裡沒有食物,因此研判可能都在用餐之前就遇襲身故。

9月5日,一早,長女與次女正常到校上課,次女則是幫弟弟以發燒為由請假,卻不知弟弟已在昨晚被迷殺。
—早上7時50分,次子未到校,四維高中老師打電話到劉家詢問,林真米回答身體不適,在家休息。
—晚上,長女與次女在用完晚餐後,被母親迷殺,而身上穿的學校運動服還來不及換。
—19時20分,鄰居看到劉妻林真米到巷口倒垃圾,稍後拿魚要給劉家,敲門卻無回應,轎車也不在家。
—23時30分,劉志勤匆駕車購買尖嘴鉗,付錢後隨即大迴轉掉頭,疾駛而去。

真相呼之欲出,究竟劉林夫婦點解可以咁忍心痛下毒手殺害親生骨肉呢?正如上面一直講,警方始終都係捕風捉影,佢地兩夫婦就好似人間蒸發咁再無出過直到十幾年後嘅一日...

係將近一個年代後,2015年6月10號,係吉安鄉公所做野嘅林男偷閒去附近慈雲山公墓打獵,當日佢忽發奇想行一條無咩人行嘅草叢小路上去,突然踩到一舊被少許泥土覆蓋嘅白色硬物,佢好奇挖開睇睇,竟然發現係好似睇戲成日見到嘅骷髏頭骨,林某果下嚇到獵都唔打跑返屋企,原本唔想多事但良心過意唔去就通知警方。警方係到場之後挖出劉林夫婦兩具遺骨、一堆破舊衣物同埋一樽毒樂,認定佢地係殺子後畏罪自殺,同日花蓮地方法院檢察署宣布偵查終結。

事情竟然真係咁「簡單」?其實留低嘅仲有一大堆未解謎團同後話...
2021-01-18 03:35:12
打完以為自己post左就走去睇波
完全無為意
2021-01-18 03:36:51
未完架!仲有大量後話同埋疑點
我覺得仲精采過洪若潭案
2021-01-18 03:37:25
呢篇出得急少少 有D錯字
大家腦補下
2021-01-18 03:56:23
2021-01-18 04:20:04
唔好講咁多
2021-01-18 04:30:31
好撚好睇
2021-01-18 15:11:49
樓主好多藉口











不過無計啦好睇都要忍
2021-01-18 15:57:09
推推 樓主加油 打得好好睇
2021-01-18 15:57:42
2021-01-18 17:14:29
ln
2021-01-18 17:26:17
巴打D寫作技巧幾好
我好少寫野
如果想練寫呢類短文請問點樣入手?
同埋有冇咩好書教寫作?
2021-01-18 17:28:58
係個支共政權下
你仲支持有死判咩
冇公平公正的法治同人民授權的政府
死判會好易變左做恐嚇工具
如果一犯國安法就要死判
你仲支唔支持有死判先
2021-01-18 18:46:32
我覺得作文最緊要通俗易明
文筆唔洗特別話好堆砌華麗
起碼寫完自己睇返都會順暢
同埋盡量唔好重覆用一樣句式
例如係咁 因為所以不過但是雖然而且
最好每句都有少少變化
書我無咩研究 但可以試下睇d專欄作家入手
睇得多 自然會學到佢地寫作方式
我自己都學緊點樣再寫得好d~加油
2021-01-19 06:33:26
標題係香港奇案 做咩Post單花蓮案 同香港有關?
2021-01-19 13:13:15
中間有解釋
因為寫寫下香港寫到少悶
所以加插兩篇台灣
之後會寫返香港
2021-01-19 14:43:37
樓主好多藉口,冇一次喺自己應承嘅時間出文
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞