[真人真事] 重寫以前香港發生過冷門既命案奇案

女死者雖然係讀女校
但身邊除左有姓馮既女同學最ＦＤ之外
唔計佢「男朋友」或者係鄧男
好似仲有其他唔知邊度識返黎既神秘人
分分鐘殺兇手就係佢本身識既人
只係個線索太淺當時無辦法再追查到

好睇

會唔會係第一代ptgf 嗰啲

所以好睇執法者點做，如果以破案黎睇，其實人面識別系統係好有用，可惜政府唔會淨係用黎查案

真係好奇怪重點係佢係處女
如果係PTGF 可能單純拖手睇戲食飯收錢果D?
佢間學校又係好正路校風幾好既女校
果時警察又真係查唔到佢同呢類野有關係

唔係證據確鑿果d
剩講歐陽柄強果單紙盒藏屍
如果就咁判死已經夠講成世

上面嗰單有冇資料講個鄧男係乜嘢人？同埋個男人俾低個電話接聽嘅係咩人？好多懸案都係咁好似好多線索但最後差佬都冇follow up咁

呢單我除左搵新聞睇
仲聽埋個退休差佬係youtube整嘅片聽
都係搵唔到相關資料
剩係最尾認定左同案件無關
懷疑係有d線索真係走漏左

天水圍的夜與霧—中港婚姻慘劇背後故事

２００４年天水圍天恒邨恒運樓發生左一單轟動全港嘅倫常悲劇，男戶主李柏森殺死來港新移民妻子金淑英同埋兩個女，企圖嫁禍自殺後，造成一家四滅門慘案。相信巴絲打唔多少都對呢件事有印象，因為當時報紙都大加渲染呢段中港婚姻慘劇，某報什至影埋單位內血跡斑斑同埋女戶主伏屍地板嘅情景。

重點一：金淑英當初為錢結婚

對於中港融合婚姻，大眾暨定印多數係認定同錢有關，而係呢件悲劇事件上都唔例外，金淑英的確係為左有更好生活而選擇嫁俾李柏森。金淑英出生於四川峨眉山市山區嘅一個窮困農民家庭，做大女嘅佢從來都無讀過書，十幾歲就已經入城做野，孝順嘅佢返第一份工嘅時候已經將大部分收入寄返屋企比兩老。後來金淑英輾轉跟同鄉去深圳做野，逐漸見識聽聞到香港嘅美好，係機緣巧合之下經友人介紹認識同鄉李柏森。據講任職裝修工人嘅李柏森初時態度殷勤，除左跟金淑英返鄉下擺酒結婚，仲係當時拎左幾皮野出黎係村口起左幢兩層高磚屋比太太全家住，所以同鄉人都覺得李柏森係品行良好而且有錢嘅香港人，自然金家兩老都好放心將個女交比李柏森照顧。不過原來李柏森只係個空心老棺，係搬左天恒邨住之前，就一直失業只能夠靠綜援為生；另一方面雖然妻子因未住夠７年唔岩資格拎綜援，但李柏森出於種種原因又唔比佢出去做野搵錢，兩邊周不時因為咁而大吵一場，為日後悲劇埋下伏筆。

重點二：李柏森早有預謀行兇殺全家

李柏森個性暴燥，成日將脾氣發泄係妻女身上，而佢嘅所作所為更加可以用人渣賤男黎形容：係嗌架時候將打爛屋企嘅野同扔哂出去；自己訓到黃朝百晏但夜晚又唔比金淑英訓，逼佢坐係櫈到用風扇吹住折磨佢、就算有得訓都剩係可以訓冷冰冰嘅地下；李柏森性慾旺盛經常要求行房，只要金淑英拒絕，佢又會施加毒手什至打埋兩個女一份。

慘案後受訪嘅同層鄰居就提過：「見佢地三母女匿埋一二邊喊，見到都心酸，試過接佢地入屋坐一陣先返去但都係繼續比佢老公打...」金淑英係終於係忍無可忍之下就向區議員求助，自己先入住庇護中心避難。李柏森見老婆離家出走，就立即搵佢道歉話會痛改前非，即刻搵野做改過自身比佢地一個好生活，心軟嘅金淑英就咁原諒左佢，唔知正正係死期來臨。

原來自負自大嘅李柏森覺得老婆金淑英掉哂佢架，所以要報復嘅佢就同人提過：
「我會將阿英哄返屋企，買魚蝦蟹煮餐好嘅比佢地食，養肥哂佢地就殺！」
「我無咩好怕架，我想死就會策劃一單轟動全港大案，佢地無人走得甩！」
「我買定刀，隨時斬死佢哋！」
言談間早已流露出李柏森李柏森一早已經預謀好要攬抄一鑊熟，而係行兇當日更係用兩個女威脅金淑英返去殺害。

重點三：警方絕對有機會阻止慘劇發生

同之前提及過前警員葉少文殺害女友姊妹花一案唔同，係呢件事上面警方絕對係有機會去阻止而且捉拿個人渣，但報案室警員馬虎嘅態度直接導致兇案發生：話說係案發前兩日，金淑英再次被毒打之後返左去庇護中心避難，當時佢已經諗過要報警求助，直到係遇害當日李柏森電話留言要脅佢唔返屋企就以後見唔到兩個女，佢就即刻去天水圍警署報案希望有警員陪佢一齊返去協助，但當時報案室警長唔單止無視金淑英身上顯而而見嘅傷痕，仲覺得佢地只係普通夫妻嗌交，因此當家事糾紛處理。

結果當報案室再收到電話嘅時候，就係兇手李柏森狠下毒手再自殘後，偽裝成妻子殺女傷人嘅報案電話。警方係呢件事之後受到各界質詢，但佢地就一直推卸責任，反映唔單止無吸收過葉少文事件教訓，仲係莫視人命無盡做警察嘅責任！而呢單滅門慘案更只係冰山一角，往後幾年間繼續發生類似或些少相異嘅家庭悲劇...

天水圍呢單真係勁慘
特別係睇埋訪問完唔同人之後
金淑英為左兩個女 自己一直比個仆街蝦都默默咁忍
身邊既人為左幫佢都出盡辦法
例如鄰里周不時有接濟下；區議員安排庇護中心比佢住
偏偏係最需要幫助既時候
就比黑警hea鳩過左
人命黎架大佬

黑警果然係黑警 狗改不了吃屎

這個慘劇好似後來有拍成電影，由任達華和張靚初主演

係 就係天水圍夜與霧
許鞍華拍果時有做大量資料搜集
非常寫寶值得一睇

所以咪就係行唔通而家冇人用囉

只不過從受害人角度諗咁樣係公平姐...

天水圍個單真係反映咩叫狗

同埋當年新移民起碼會去做野

老實講以前新移民真係為生計會做野
而家果d黎等政府養真係

果兩個女投錯胎無得揀

果一代落到黎會肯做野學廣東話
計返年份如果無滅門慘案
兩個女隨時企前線，老母係鄉音黃絲呀姐

唔奇 但可惜沒如果

今晚會補多篇講1980年同年發生既另一單棄屍案
如果巴絲打有咩想我特別寫都可以提出
唔係D冷門命案都OKAY
我盡量搵下補充資料咁寫
再一次多謝大家支持

你寫嘅就睇樓豬加油呀