【公屋都瘋狂】華貴邨綠表呎售7,862元 利東邨嗌九千蚊
【新增影片】
居屋及公屋樓價越升越癲。房委會最新公佈,上月全港共錄得114宗未補地價的居屋第二市場成交,較3月份的213宗回落46%,惟量跌價升。其中香港仔華貴邨中層單位,實用面積407方呎,成交價320萬元,呎價高達7,862元,打破九龍灣彩霞邨於上月錄得的每呎7,359元紀錄,成全港呎價最貴綠表公屋寶座。
消息指,上述天價公屋,為華貴邨3座華廉樓高層9室,座向西南,享有全海景,今年1月放盤,業主邊住邊放盤,叫價320萬元,最終一個仙都冇得減下賣出。
土地註冊處資料顯示,原業主2004年僅以63萬元於二手市場買入單位,13年升值4倍。而此公屋的對上第一手業主,1998年向房屋署只以24.13萬元買入。
中原地產郭詠媚表示,華貴邨綠表放盤不多,原本只有4個,但扣除剛賣出最貴單位後,只剩3間,最平為華賢樓低層戶,實用面積441方呎,叫價285萬元。至於港島南區另一個公屋鴨脷洲利東邨,現有約8個綠表放盤,其中一個天價放售,為東安樓高層13室,實用面積490方呎,最多可間三房,現開價450萬元,呎價高達9,184元,若成功叫價賣出,樓價及呎價將創下全港未補價公屋最貴紀錄。
利東邨一個高層490方呎單位,今年3月以350萬元易手,為目前全港樓價最貴未補價公屋。
//我一直唔明公屋出售比公屋租客所持有嘅理由係乜?
滿足公屋租戶置業需求
咁應該去買居屋,比例上多啲居屋興建,將公屋再比其他人,公屋賣咗無法流轉比其他人,第二手開始買得起嘅已經唔係住公屋,假設我今日係自由市場買間公屋,我係需要公屋嘅人嗎? 再以7500出租比唔係公屋戶,好似唔係公屋原意,使用居住 =/= 擁有,公屋本來就可以去置業居屋/私樓