貓糧資料庫 (9)

兩隻貓貓4個月大 啱啱hills幼貓糧轉thrive 雞糧 因為hills建議餵嘅份量都幾多 但係thrive 一日建議餵40g一隻貓 (都幾小下)我分開兩餐餵 不過佢地應該唔夠食 係咁喵扭要食野我唔忍心餵多少少比佢地 即刻清曬兜糧
想問下我係咪要加多份量？如果係嘅話最多加幾多到

幼貓 乾糧我會放題畀
或者每日比多幾餐罐罐
幼貓發育緊唔怕肥

貓b最好一日餵3-4餐
而且發緊育需要既食物係成貓既2-3倍
包裝既建議份量未必係for貓b
你可以睇返excel計返佢地需要既卡路里
再計返比幾多份量
最好就餵下濕糧
飽腹感會多啲 又可以補水

想問 貓 (4歲) 食全濕糧 (主食罐 5.5oz) 會唔會有不良影響?
定一定要鍡d 乾糧? thanks

濕>>>>>>>>乾
全濕可以唔洗比乾
不過要注意下牙齒清潔
得閒同佢刷下牙

有野想幫朋友請教一下巴絲們

佢隻貓今年4歲，上年開始因為尿道炎同埋腸胃本身唔好，睇左好多次醫生照哂都話係壓力問題引起自發性尿道炎，又無尿石/腎石。

但醫生就要佢隻貓食RC S/O MC 同埋食Cystophan 食一世，而且一定要佢每半年驗一次尿先肯繼續開 Cystoptan 俾我朋友，雖然跟醫生方法做就無再屙血尿，而且隻貓呢半年情況係穩定既。但係朋友覺得醫生成日都屈佢驗好多野，又逼佢買啲隻貓唔食既處方罐頭，加上個醫生係藍絲，所以想搵其他更好既獸醫/方法比隻貓。

依家朋友就想轉食呢隻台灣汪喵星球 Urinary Health Support supplement 取代Cystophan

同埋想轉Grandma Maes Grain Free Weight Control/Hairball Recipe取代RC S/O MC
標籤就寫係Uristic Formula，唔知得唔得，因為朋友唔想再餵RC垃圾糧，咁樣有無得諗？

食開既RC糧

想轉呢隻


食開呢隻supplement

想轉呢隻

隻貓仔半個月前做左絕育 頭幾日都好好胃口好正常
第四日左右開始超無胃口 平時中意食既罐/零食都唔想食 會彈開
轉左凍乾比佢好啲啲 但都要氹一陣先肯食
佢便便兩三日一次 正常既 有諗過關換毛事 都有比排毛粉佢
精神都正常 平時咁玩 係成日行黎行去大嗌
持續左兩星期 拆線果陣同醫生講佢又無乜野 覺得可能係頭套搞到佢唔開心
而家拆完都係咁係咪應該再約醫生

佢以前係超為食超大食

想問下
貓BB依家3個月
一直餵開乾糧加鮮食（蒸雞胸拆絲）
比佢食
依家想等佢大d
開始餵幼貓罐頭比佢
想問下同一個牌子
Eg.怪獸部落
我買唔同味道比佢食
怕唔怕？
長餵同一隻又驚佢挑食
間中轉味道會唔會肚屙？
另外想問下怪獸部落既營養粉好唔好？
依家餵緊膏狀離胺酸，有魚油味佢唔太鍾意食
見怪獸部落果隻牛離Q有晒三隻營養好似幾好
加上粉狀撈落乾糧比主子食應該易d昆到佢食

最後鮮食黎講，急凍蝦仁佢地食唔食得？

唔怕
食多啲唔同肉仲好
濕糧冇轉糧問題
直接轉就得
離胺酸冇乜用
直接食牛璜酸同乳鐵蛋白好過
蝦高磷
食得太多出事
Btw鮮食冇加營養粉只可當零食 唔可以當正餐

岩岩養左隻2個月大既貓貓
有無邊隻幼貓乾糧推介？ 好多款 睇完都簡唔到
兒家食緊hills 但聽人講成份好似唔太好

有冇乳鐵蛋白牌子推介？

我見汪喵有

我用緊汪喵隻抵抗力粉
有乳鐵蛋白仲有埋黑酵母

Thank you

新手想問下呢兩隻糧乜評價


最後補張主子圖

屋企兩隻貓肯食濕糧但極挑食 除咗魚罐其他試都唔肯試
搞到啲汪喵罐都送曬比人了 無隻味肯食
最後依家肯食曬嘅係Canagan吞拿魚罐 但我又唔想佢地淨係食魚罐 聽講對健康唔好同埋只會愈黎愈挑
但試過同牌子其他味（雞肉/鴨）完全唔肯食 聞兩聞就走

尋晚試過磨碎咗條零食魚 灑喺面佢地先肯試兩啖 然後飲咗啲汁剩曬啲雞肉

呢幾日淨係朝早餵啲thrive糧 等佢地夜晚肚餓逼住食
但依然未成功寧願餓到朝早係咁喵我要食糧

到底有咩好方法可以令佢地唔再挑食

佢本身鍾唔鍾意食嗰啲唧唧肉醬
會唔會試下撈ciao肉醬 有款係一大枝牙膏裝
可以自己控制吱幾多
氹佢食之後就慢慢逐d減少肉醬份量

我主人之前只係肯食WERUVA的濕包, 同牌子的罐同好味小姐罐都食一半就不食, 試埋加零食都係咁, 寧可絕食都不肯食, 瘦到個屎忽凹晒
昨日見d濕包存貨開始見底, 把心一橫買包凍乾俾佢試, 溝完水上枱瞬間食晒, 仲要追住扭添飯
現在返工時間就咁放碗凍乾起度俾佢食, 買了包怪獸部落鮮肉乾糧等到貨