趕故書生
2020-04-02 19:53:11
當我講完我想有人陪嘅時候,我啲眼淚就忍唔住了。
連自己都覺得可憐嗰陣,先係真正嘅可憐。
不過我都好多謝呀強最後真係成程無講嘢,默默地陪我食曬成餐飯。
而且佢都好關心我。
唔知點解,俾佢咁樣關心法,瞬間嘅唔開心爆曬出嚟咁,一個大膽嘅念頭出現係我腦入面。
「不如我哋唔好返學囉?」
呀強嘅反應俾我嚇親咁,而且係我預料入面。
佢遲疑了,仲嚇到呆咗咁。
「下?認真咩?」
我未曾咁肯定過,今日……我想好好地癲一日!
而我最估唔到嘅係,佢又真係肯應承我,我亦都唔知係咩原因令到佢陪我癲,但慢慢我感覺到嘅,佢對我嘅鍾意……
係真。
有啲人,口講到幾愛幾愛,好鍾意你咁樣,但真正為你做嘅,又有幾多?
甚至只會大難臨頭各自飛。
呀強佢係傻仔咗啲,但有時嘅舉動幾令我感到窩心……
喱次逃學,真係話走就走,個回憶幾深刻。
兩條友唔識逃學,鳩fing fing咁買兩支可樂就咁坐係附近公園。
但又出奇地開心。