《我的MK妹同桌》（3）

瞓係張床度，望住個天光板，諗起同呀詩嘅往事，一件又一件事。

我部電腦仲開住，突然間傳嚟一把MSN訊息嘅提示聲，我即刻彈起身，飛奔過去，係咁搖隻滑鼠。

我期待嘅係呀詩會MSN我，無論佢手啲咩都好，只要佢搵我就好。

期待落空，並唔係呀詩，而係子晴。

子晴：你無嘢啊嘛？

見到佢喱句後，本來喊唔出嘅眼淚好似淚崩咁，望住佢喱句，所有心酸都湧上心頭。

除咗突然有人關心嘅感動外，仲有內心嘅委屈一下子爆曬出嚟，由心口衝上嚟，忍都忍唔住。

屈指一算，好似由我小學三年班俾呀媽鬧完嗰次之後，就無再喊過。

我喊到收唔到聲，失聲痛哭，我淨係諗住呀詩最後同我講嗰一番說話。

一堆內疚，自責，揼心口全部積係心入面，我發洩唔到出嚟啊仆街！

原來失戀可以咁痛⋯⋯

如果真係痛到咁，我真係唔想再拍咩拖啦。

我記得求其覆咗子晴一個「：）」咁嘅表情就由佢，我喊到攰就瞓，鬧鐘都無較，係呀詩入嚟叫醒我返學。

好似係夢入面先抖到氣咁，一瞓起，幾秒鍾就搵返你嚟現實，因為用幾秒鍾諗返起琴日發生嘅事。

中學拍拖係好開心，可以一齊係校園經歷好多事，但萬一分咗手，亦會係一個令你萬劫不復嘅地方。

所有嘢都有兩極，有好有唔好。

而我偏偏經歷曬兩樣嘢，我都唔知係好定唔好⋯⋯

子晴開解還開解 唔好同啊強有野

睇黎大家都好唔妥阿強呢個角色喎