《我的MK妹同桌》（3）

我曾經都係人地既呀詩
當初係mk妹 然後努力入到大學

果時個男朋友又係中意打機 冇心機讀書

我仲好記得佢講過 我好驚你識到其他人 不如唔好讀大學啦
當時我嬲到分手 而家諗起只係佢自卑

呢個故令我好多感觸 因為有啲位太似我同佢啦

巴打加油！

五個月都買

會唔會食埋子晴

希望條友會發奮啦

返學校先尷尬，啲同學其實都知道咩事，但問呢又怕我會傷心之類嘅，唔知我會有咩反應。

介乎想問，但又覺得唔問比較好嘅矛盾。

真係，從佢哋嘅眼神就睇得出，我寧願佢哋單刀直問都好過咁樣，個氣氛勁尷尬，所有嘢好似一層層向上疊咁，一件未完又嚟一件，抖都抖唔過氣。

當所有都保持咁嘅態度嘅時候，有啲甚至避之則吉咁，係得蕃薯仔真係走過嚟問我：「你同呀詩搞咩姐？」

簡單一句，無咩思索，加上佢嘅性格，你會知佢真係關心你，並唔係想八卦啲咩。

「咪散咗囉。」講出口把聲我自己都嚇親，有氣無力到呢。

我心情仲好低落，可以唔出聲就唔會講任何嘢。

「你哋平時都好地地㗎喎，無啦啦做乜散先得㗎？」我估唔到會咁樣關心我嘅係蕃薯仔，之但係，對唔住啦蕃薯仔，依家嘅我咩都唔想講⋯⋯

「遲下先再講啦⋯⋯」我趴係張枱度，行屍走肉咁過成日，完全提唔起勁，生活好似失去咗目標，失去重心咁。

我甚至覺得我行路好似係漂緊咁㗎大佬，心口缺咗一塊。

而最慘，莫過於返學會撞到呀詩。

喱樣似乎成為必然嘅結果，唔洗估都知，自己唔多唔少都做咗心理準備。

但當真係見到面嘅時候，嗰種衝擊直闖你心底深處，勾起你一塊塊肉咁，即使你做好任何心理準備⋯⋯

都無鳩用。

今日全日為咗唔撞到佢，我小息無出過班房門口一步，小息就瞓囉。我只有瞓覺，發夢嗰陣可以逃避下喱個殘酷嘅現實，好可悲。

我好希望一直都發住夢，唔好醒過嚟。

要上廁所，就上堂嗰陣舉手話去廁所，我知條八婆Miss想屌鳩我話做咩頭先小息唔去，但好似見我唔多對路就收返無講，一副欲言又止咁款。

Lunch time我叫班平時飯腳去攞位先，我等到其他人走得七七八八我先出去。

食完lunch返嚟，我就去小食部避一避，之後再小心翼翼咁返班房，可以避嘅我都已經避。

我無勇氣搵返呀詩，追佢嗰時嘅勇氣，好似淨係可以用一次咁，之後攞唔返嚟咁。

我選擇咗一個最撚廢嘅方式——逃避。

真係好幼稚，係咪啊？

我都覺啊⋯⋯

但我真係做唔到，做唔到分手後強顏歡笑，仲扮到自己好似無事咁，好開心咁嘅樣。

然後當無人嘅時候，先可以偷偷地卸下自己嘅假面具。

光係幻想下都覺得辛苦。

甚至天真地閃過一絲咁樣嘅諗法，可能呀詩見到我咁樣，會可憐我，會心軟然後同返我一齊呢？

又或者佢會唔忍心呢？會想鼓勵我呢？

但當我哋真係碰面後，我知無可能會發生。

放學，我想第一時間衝出班房，比其他人快走，咁咪唔洗撞到佢囉，我心係咁諗。

如有雷同，實屬巧合啊絲打
不過你可以多啲講下你嘅感受
相信好多巴打都想聽嘅

完全明唔係講笑

如果你當年知道佢自卑，個結果會唔會唔同？

我都有興趣想知紅字user個諗法

唔會 因為佢講呢我句 唔止自卑 仲要自私

呢個係我一生前途黎

你廢 你就去進步 而唔係要求個女仔唔好進步

明白了

多年後我係街撞返個男仔
佢係m記幫人點緊餐

我覺得分手一啲都冇錯

我屌，有冇咁好彩

咁岩撞到 果區我好少過去

然後佢仲要dup低頭
正常幫人點完餐要比食物人哋㗎嘛
正常人都係向前行
佢面向廚房倒後行

我心諗 呢個人咁奇怪既 望多兩眼 先認得係佢

佢仲係好在意你

但係我只係覺得咁樣處理好小朋友，你抬頭挺胸，扮唔認得我，一係sayhi

我都覺得正常好多
咁樣好小家

男仔

逃避可恥 但有用

諗起個陣中學失戀
我就好似阿強咁
番學日訓夜訓
結果班主任問我做咩
我同佢講：夜晚比蚊咬到訓唔到
諗番都覺得好好笑

最後都逃唔過命運，命運好搞笑㗎喎，你越係唔想見，偏偏就係俾你見到，越係想見，反而越嚟越遠。

我迎面撞正呀詩，佢似乎都係趕緊時間，有別於我，佢唔似係趕唔時間避我。

我同佢都呆係原地幾秒，琴日嘅事一瞬間塞曬係個腦度，我諗我個表情一定好尷尬吧？

呀詩好快反應過嚟，對我微微笑咗一下，點咗下頭。

那一記笑容，睇到我好痛⋯⋯

真係好種衝動想喊出嚟咁，但只可以忍住放係心入面。

嗰抹笑容，係由熟悉轉為陌生嘅笑容。曾經喱個笑容我日日都可以見，亦因為佢嘅笑容，我感覺到真真實實嘅幸福。

多少次因為呀詩嘅笑容，我發自內心地覺得甜蜜。越係真心、用心地付出過，分開之後嘅後勁就越勁。

感情無非好似一條橡筋咁，越係用力，反彈就越勁，打人就越痛。

依家呀詩對我嘅笑容，係一個對陌生人禮貌嘅微笑。而且今次意外嘅碰面，更加清晰咁同我講⋯⋯

琴晚發生嘅事，係真嘅⋯⋯

然後呀詩就咁走咗，眼神只係停留咗一陣，就擰轉頭走。

就係咁，一下咋，淨係見到一面咋，我都覺得撕心裂肺咁樣啦。

好多事，經歷過後先明白。我依家先明白點解啲人成日話放唔低，當時我仲覺得，男人老狗就梗係要拎得起放得低啦。

可以嘅話，我真係想一世都唔明白喱啲事。有時唔明白咁多嘢反而係一種幸福。

之後嘅日子，子晴同蕃薯仔都有輪流搵我，問我點。當然其他人都有啦，我知佢哋都係出自好意，但我真係好想靜下，唔想講嘢。

到依家我都覺得好似唔係真咁，用盡所有方法嚟呃自己，麻醉自己。

起身就同自己講發夢姐，臨瞓前都仲係諗住同呀詩以前拍拖嘅事嚟瞓。

推啊！

咁樣嘅日子唔知持續幾耐，無了期咁，好似入咗個黑洞咁出唔返嚟，最恐懼莫過於此。

而過咗一排，有一套台灣電影好紅，咁啱係喱啲時候上，真係仆你個街⋯⋯

電視廣告都有賣啊，Youtube上面都有佢首主題曲，又有曬預告咁。

那些年，我們一起追的女孩。甚至有人已經睇緊書，兩樣都睇，對比下咁喎。

我俾個故事吸引住，不禁覺得自己好似那些年個主角咁，為咗呀詩做埋啲痴線嘢。

係啊，真係好青春。

不過呀詩唔係咩讀書嘅乖乖女，啊⋯⋯依家算係嘅，以前係MK妹。

我自己一個入場睇那些年。

第一次係戲院睇到喊，咁大個仔未曾試下過。

我唔敢同其他人睇，因為我覺得我會喊，而且咁啱撞正喱個時候，上套咁嘅嘢⋯⋯

而且聽聞喱個故事係真人真事。

當時睇那些年，覺得自己係柯景騰；若干年後睇那些年，已經係九把刀了。

會鍾意以前嘅自己，係真㗎。

其實我唔覺柯騰有咩錯，只係大家都錯過罷了。

我無辦法好似柯騰最後咁，話可以真心祝福對方，有人錫有人寵。

可以自己做到嘅，點解要假手於人？偏偏最諷刺嘅係，其實自己可以做到，但因為自己唔成熟，先搞到咁嘅田地。

正正因為自己做唔到，先至會俾其他人做啊仆街！！！！！！

係自己啊屌⋯⋯⋯

屌⋯⋯

嗚啊⋯⋯

一諗，啲眼淚就流落嚟，個心chock住chock住咁。

「大笨蛋。」喱句說話好似呀詩想同我講咁，其實佢都唔捨得柯騰，但偏偏佢要咁做去教柯騰成長⋯⋯

live
睇到好sad