整完 ck_cheung_hair
染髮可以一試 電髮千祈唔好
我係電染同埋要求八字劉海
因為想出嚟個效果靚啲 所以佢叫我加護理同埋升級藥水嗰啲我都冇問題
埋單嗰陣1400 結果出嚟嘅效果令我大失所望
佢一個髮型師加兩個助手
同一個時段接咗五個客
成個過程佢淨係幫我剪咗頭髮 之後電髮染髮等所有過程全部都係助手幫我搞
即係如果你個助手整得靚都算
仆街做嘢求其到一個點
我電完頭髮之後就直接幫我搽染髮
冇幫我洗頭同上定型藥水
當我問起佢個助手嘅時候 佢就講大話同我講已經上咗
大佬你整緊我啲頭髮 我點會見唔到你有冇上定型藥水 仲有上完藥水之後要等㗎
同埋你冇幫我上定型藥水咁我升級黎做咩
大佬你連藥水都冇幫我搽喎
個助手咁嘅嘢都講得出我唔知比啲咩反應好
結果就係當我夜晚返到屋企之後照鏡
先發現嗰個所謂嘅八字劉海居然變返直
我電咗咁多次頭髮 都未試過下晝整完嘅頭髮夜晚變返直
成個頭電出嚟嘅弧度仲衰過自己喺屋企夾嘅
但我見到其他人俾助手染髮出嚟嘅效果都幾靚 所以我諗染髮可以搵佢試吓 但電髮真係唔建議
可能其實條友手勢好好啦
不過問題係佢同一時段接五個客
講真佢邊有可能會認真同親手幫你整頭
咪又係叫啲助手幫你搞
所以如果個助手做嘢求其同埋手勢差嘅話你就仆街
成個過程佢淨係幫我剪完頭髮之後就喺度整其他客
有個女仔慘到上咗嚟之後等佢半個鐘
總而言之 我覺得俾1400電個咁嘅頭唔多掂