應該係張無忌>郭靖>楊過>令狐沖
張無忌内力上練晒九陽，係可以同練晒九陰嘅郭靖比較(其實九陽同九陰好唔同，係個名似only)，但張無忌仲有乾坤大挪移，呢樣嘢完全違反物理定律，可以將vertical嘅力一下就變做horizontal缷走，又可以將人哋打過嚟嘅內力儲起再反彈，再加佢本身悟性高同練左九陽，可以將人哋練左幾十年嘅招睇一次就出得返出嚟，而且仲要出到好似自己都練左幾十年咁，呢樣嘢得蕭峰、張三丰同佢先做到，亦係佢完爆後面幾個嘅原因。
至於郭靖，佢練晒成本九陰，俾起楊過淨係練九陰破到古墓派武功嗰part，已經有優勢，再加最緊要用梵文寫嘅總綱都練埋，當年王重明自己呢part都睇唔明
。另外，佢有左右互搏加天罡北斗陣，你可以argue左右互搏唔等於將個人啲攻擊力乘二，但我啱啱google左，佢話天罡北斗陣令郭靖打起上嚟好似七個佢咁，無錯係七個，兩者夾埋，分分鐘等於有十四個佢。佢打金輪，佢退後一步，金輪吐血，你話同人打交退後一步定吐血傷得勁啲
最後令狐沖，佢原本俾起上面嗰啲都唔入流，本來佢無左把劍，同年代都大把人打得贏佢，不過佢勝在最後練左易筋經，喺金庸嘅世界，內力就係一切，不過我覺得佢又未夠楊過打，因為楊過都有去下個海到練劍(練剛猛內勁)，個底都唔差。其實楊過同令狐沖分別繼承左孤獨求孤內功(剛猛內勁/手發劍氣/草木竹石皆可為劍)同外功(無招勝有招/孤獨九劍)，不過令狐沖仲拘泥於用劍到，楊過已經唔洗。
。
