[日本撚]未返工就想辭工，但係太恐怖唔敢辭

即係你成行都閪囉

係香港做工程 咁好難過日本 因為Jumpy CV

會計行業出左名架啦

支那人渣貨車

都幾Q危險

嗰啲好明顯係短期一年盡嘅working visa啦！
正社員係唔容易攞㗎~(當然比以前易攞咗都係真)
因爲佢間公司要justify請人先得，特別係中型至大型企業，
個流程要最少個幾月。

係，裝修工程嗰啲就會請炒散嘅。
但係真正建築，例如住友，三井，5大商社或大型建築旗下嗰啲，
唔會太多炒散嘅人。

大家好， 我係連儂之路既搞手之一， 希望當日可以招募義工係集合點度幫手， 義工主要負責：

1. 派發已經預先準備的文宣及工具
2. 指示貼牆人鏈方向
3. 幫助貼牆時有需要既手足

有興趣既手足可以加入義工組：

https://t.me/joinchat/JuUURVkFBMmibh5vA_acGQ

公海：
t.me/lennonway_public

唔係講工人wor

講engineer / project management grade / design個D

呢D係香港，唔會用炒散形式請，不過同炒散無分別 因為係香港，炒人實在太易

雖然我冇正社經驗，
但以前フリーター時代見過唔同公司嘅社員，
雖然大部分工作都好認真，
但其實都係同香港打工仔一樣，
間中呻下公司唔好，間中呻下腦細無能，
就算要開OT都會邊呻住想快啲返屋企邊努力工作。
一放假又會好開心。
我覺得呢個唔關文化事，係人類嘅本性。

點解我咁拒絕呢間公司，連半年都唔肯試，
一嚟係唔想浪費時間喺一啲覺得唔work嘅路上面，
二嚟係想保護自己嘅本性。

我知道好多傳統嘅日本公司，
因為睇唔過眼後生仔太自由唔識做嘢，
會開始去灌輸一個「你已經係一個社會人，所以你要做社會人應做的事」；
例如開OT開到11點，係好正常嘅事，因為社會人就係咁；
又例如人地叫你跪，你要跪，因為社會人就係咁；
上司叫你做，你就做，因為社會人就係咁；
家人有事，你都唔可以隨便收工返屋企，因為社會人就係要咁。
站喺道德高地，將所有後生仔都用「社會人」呢個模一式一樣咁給出嚟，
難得啲講句，係洗腦教育。

呢間公司，我內定前喺佢office到intern過，
我觀察到好恐怖嘅一點：
啲社員冇嚟神氣，但從來唔會埋怨工作，埋怨老闆，
連出去食飯，佢哋都會喺到講社長年輕時創業嘅英勇事蹟，
仲話想第日變成個好似社長咁嘅賢人。

喺佢地身上，我完全見唔到人性。

我唔覺得奇怪，因為喺研修時，佢哋都係教我同一個道理：
你要以一流嘅社會人（社長）做目標，要感謝前輩嘅教悔。

一個幾黃嘅香港人，喺大陸住得耐，都會染紅，同一個道理。

我唔想將來變成佢地咁，想走都唔識走⋯⋯ 勞改半年就夠晒。

難得聽啲講句

話說我今朝send咗お祈りメール好絕咁話要辭職。

然後我兩個上司打視像嚟，

我解釋佢聽好多次話係性格不合，
唱到自己有幾衰得幾衰，
我習慣咗自由嘅生活，大學幾乎全部都走堂，所以難保我第日都會射你波。
講埋我根本冇諗住做得長，可能一兩年就會辭。
點知佢就話，唔緊要架，阿邊個邊個都係以前唔讀書唔返學，
嚟到我地公司「經過社長嘅教育之後」咪一樣好好地做嘢！
阿邊個邊個本身都係想辭職，最後咪一樣做到而家。


我不斷重申自己想辭職呢個事實，但我發現我重申幾多次佢地都唔聽，
講咗80分鐘講到頭痛，為左快啲收到線我先改口話要請假。

原來辭份工都咁鬼難

我想問巴打喺香港定日本讀書？
我打算讀完degree（理科）,做一年野，再過日本搵工做（長做），建議可以點入手？

洗腦咩 點解咁痴線

世上無唔能夠resign既工

既然樓主你覺得咁恐怖，點解做完仲要Apply正社員？
咁問題應該係晌你身上喎...

都係嗰句，每間公司都會有佢好同唔好嘅一面。
你唔認同嘅，就一開始已經唔應該要apply。
我都唔怕開名，以前我做過伊藤忠商事，
雖然佢一樣有一般商社存在嘅問題，
例如OT過多，職場欺凌，種族歧視，等等。
但係你諗深一層，你冇真正經歷過，理解過，
你唔會可以理直氣壯同人哋講，「我捱過，我明」。

你話啲前輩同你講:
「你要以一流嘅社會人（社長）做目標，要感謝前輩嘅教悔。」
佢冇錯㗎喎！呢個唔係洗腦，你自己都要有批判能力。
唔係話人哋講乜你就聽乜。

你嘅心態可能係圍爐取暖，但係好切實會話你知，
呢個日本社會唔係咁運作，而假如你有心靠日本呢條水搵食，
你要明白佢哋嘅潛規則。

應該講 每個地方都有好同唔好既地方

係日本 只要係正社員 幾乎肯定可以做到退休


係美國 雖然無咩仆街文化，但係美國，所有員工都係condom 用完即棄，香港既公司就學晒呢樣嘢

技能visa?
渣貨VAN唔會係拎人文知識国際業務

sorry表達得唔清楚，

我嘅意思係，
日本公司都有分好同唔好，黑同白，開放唔開放。

我以前見過好嘅，我知道唔係正社嘅經驗係好難攞嚟比較，
但曾經喺某間日資大企到非正規咁full-time咗一年
身邊嘅正社同事做得開心，我都睇到。
從公司對員工嘅方式，都好睇得出佢唔係行舊嗰套。
（可能係同行業有關，唔怕講埋係音樂界，私服勤務）

就係因為未見過世面，以為而家日本好多都係咁開放，
所以先會apply呢一份正社。

而我今次係第一次喺一間有傳統社會人思想嘅日本公司到打工，
我認我經歷咗一個intern一個研修受唔住，唔會有第二次。
但我因為有以前嘅經驗所以唔會話一竹桿打晒所有日本公司，
我emphasize我只係喺到黑緊「傳統日本公司」。
唔係想講「我捱過，我明」，
而係想講「我見過白嘅，所以知道呢一間係一個（相對上）較黑」。

樓上係伊藤忠，文部省，日資銀行呢啲咁傳統嘅職場出嚟，一定係一個好優秀好捱得嘅人先會生存到而家。
但我唔係，我係個MK妹，要返返去avex、Tsutaya呢啲自由奔放嘅地方先會有我嘅容身之所。

呢間公司係個mismatch，
見一事長一智，下次搵工會睇真啲先搵架啦

早啲認清份工唔啱自己都係件好事
祝你搵到份啱自己嘅工

同埋有一點我好似從來冇提過。
單係研修期間同intern期間，我嘅工作量係已經多到好多晚都要做到4點鐘，第二朝9點鐘又要再嚟過，而呢個情況上頭都知道。

我明白過酷嘅研修係有佢嘅用意，但呢種harsh嘅程度，我真係冇信心捱到三年。

係凌晨4點鐘。