是咁的，話說我，一個崇日撚，UGrad後就去咗日本打工，
經歷咗一份全職，三份part-time，終於的起心肝搵咗份正社員嚟做。
首先分享下傳統日本公司嘅思考模式：
（不代表全日本嘅公司，畢竟日本公司都有分開放派同傳統保守派，開放派嗰啲分分鐘同法國佬公司有得比
巴打有興趣的話我可以講多啲）1）社員每星期有五日工作日，兩日休息日
2）工作日係指必須集中精神工作嘅日子
3）休息日係指，假如工作唔太忙的話有可能可以休息嘅日子
4）一般工作時間都係朝九晚六或者朝十晚九，不過係純粹for your reference，冇咩實際意義
5）一個月嘅工時，205～225個鐘係平均，想升職建議做足260個鐘（應酬另計）
6）一般新入職會有10~20日左右有薪假期，不過都係純粹for your reference，冇咩實際意義
7）放心，草草埋埋啲年假通常都可以堆到辭職時一次過放，除非唔得
8）正職以外嘅收入來源一律禁止
9）點解？因為社員嘅時間就係公司嘅時間，你有時間就應該幫公司賺錢而唔係幫自已賺錢
10）你入得嚟做就預咗做到60歲
11）60歲之後因爲你已經冇利用價值，如果你賴死唔走的話保持扣你人工嘅權利
12）想轉工，冇問題，要有心理準備最後一個月會比死更難受。因為下屬辭工有可能會影響到上司嘅performance
13）亦唔係話一定冇辦法和和氣氣咁辭工嘅
14）但必須要符合下列條件：
(a) 辭職員工為女性；及
(b) 工作滿三年；及
(c) 年介20-40歲並ーー
(i) 即將結婚；或
(ii) 即將分娩。
15）於是近年有一種律師樓，係專門幫人辭職的。當你覺得公司太恐怖連遞信都唔敢的話律師可以幫你搞掂晒
17）但請律師有個問題係，冇禮貌。日本人為咗禮貌係可以去到好盡。佢地為咗要見到你喊住認錯，唔比你拍拍籮柚就走咗去，係乜都做得出...... 例如ban晒你間學校嘅師弟妹以後永不錄用，或者擔心你唔記得同屋企人分享心事，幫你打比你老豆
入正題：
話說係咁，
佢地9月頭話請我，而家等緊visa，一批就正式返工。
但係佢地知我冇嘢做，未入職前以經逼我每日朝9晚7喺屋企遙距研修，
實際上同返緊工冇分別（只係冇人工）。
可以俾你地睇下我平時研修時嘅情況係點：
作為一個不羈放縱愛自由嘅香港人，我而家只係好想快啲脫離呢個地獄，但係連打電話同佢講辭職都唔撚夠膽，又怕佢發爛咋唔比我辭。所以上嚟搵巴打集思廣益下兼壯下膽
送多一個冷知識：
如果你有試過喺東京朝頭早搭火車/地鐵，你會發現佢會有個牌寫住今日有邊幾條線有「人身事故」導致嘅延誤，每朝都會有一兩單。
日本有種職業清潔員就係專門去清理呢啲「人身事故」
?咩玩法？
比你感受下
）
