新手 男士護膚心得

咁有冇精華液同乳液推介

就算係男人都有分好多種膚質。 男人一樣會有乾性皮膚。如果係乾性同普通皮膚就可以學佢咁用。
如果係油性皮膚，皮膚未變好之前你就已經覺得塊面又厚又油，抖唔到氣。

光復香港 時代革命

條友幾好笑

你係表情紋定靜態紋？
如果係表情紋嘅話，最有效改善嘅方法係打botox。
如果係靜態紋，打皮秒，hifu，retinol煥膚等等都會有幫助

同埋，我覺得男人老狗，有魚尾紋先吸引人。
好似韓國人咁好狀態嘅皮膚，係香港真係行唔通。

77老大嘅style係咁

老實講，冇
因為表情紋係因為面部肌肉活動而形成，除非你永遠唔郁塊面嘅肌肉

都係，試過買防曬但搽完塊臉會紅哂，之後都唔敢用

同埋近呢一年成日挨夜通頂 唔知關唔關事

試過好多標榜防敏感既護膚品好似la roche posay 都係會用到塊臉紅哂同好痕

究竟點先搞得返好塊臉明明以前冇保養皮膚都唔差

用護膚品嘅都係弱智

其實保養真係其次，最重要係睡眠質素。
如果可以每晚11點就訓，好多皮膚問題都可以不藥而癒。

然後你係用咩防曬？點敏感法？
痕？紅？腫？甩皮？

又唔好咁講 每個人嘅情況都有唔同
有人係唔用皮膚都好好 亦有人係因為皮膚嘅依賴性而唔可以唔用

我都想早瞓 但實在太多野做
我之前用biore 一搽就紅色一撻撻 臉頰會好痕
同埋會生粒粒 但唔知關唔關事

要睡眠質素好對我黎講真係冇咩可能
唯有睇下有咩護膚品可以補救到

內在養唔好 外在用幾多都冇用

如果真係唔可以控制作息時間 唯有控制自己嘅行為
例如訓之前一個鐘唔好掂手機電腦等等，可以坐定定聽下慢歌去放鬆自己。
又或者訓之前可以拉筋同做伸展活動，咁都可以提升睡眠質素

皮膚真係有問題就叫皮膚病，要睇皮膚醫生

又搽又食咪又係化學野，化學野你唔信醫生，信護膚品公司？

你冷靜d先 我前面都一直有講真係有皮膚問題就要去睇醫生
唔係用護膚品就可以解決問題

而現實又真係有人唔係因為皮膚出現問題，例如暗瘡，痘疤，脂漏性皮膚炎等等而需要睇皮膚科醫生，佢哋只係想令皮膚睇落去有光澤，精神d同狀況好d。

係咁嘅情況下，先要用到護膚品。

光澤，精神d同狀況好d，講緊飲食同生活品質導致，洗撚護膚品。

再講世界上皮膚保濕既一定係凡士林，皮膚科醫生一致推介，再討論都係搵笨呃錢

咁唔係所有人都淨係需要保濕架嘛～

的確凡士林係一樣好好用嘅保濕劑，因為佢嘅原理係覆蓋皮膚，形成一層鎖水層去防止水份蒸發，而且佢成份單純，極低致敏性，所以皮膚科醫生都推薦用佢。

就好似我嘅情況，塊面係油脂分泌過多，已經係皮膚慢性發炎嘅情況，我可以去睇食a酸收縮皮脂腺去減少油脂分泌又或者用外用a酸去達到部分改善。

但係如果我今日因為肝嘅功能有問題，或者我塊面係對外用a酸嘅耐受性極低，咁我都唔可以用依兩樣嘢架喎。咁我只可以退而求其次用維他命B3嘅產品，希望達到效果。

其實我晚晚都十一點就訓 (久唔久夜蒲例外)
但就好大黑頭同毛孔好大

飲食習慣係點？
飲水 蔬果 口味等等都會有影響

狂飲水
普通飲食習慣
8分肉2分菜咁

會唔會係天生