新手 男士護膚心得

亁性應該點搞

皮膚情況係點？

面兩邊好乾 係夏天都會有小小甩皮 有啲粒粒係吱到白色野岀嚟 然後有啲位有時會紅腫

面乾可以先用水質地精華，然後用面霜。
夏天可以質地清爽少少嘅面霜，記住唔好用含酒精成份嘅面霜，因為佢會令你塊面更乾。

粒粒可以吱到白色嘢出嚟，係內包性粉刺，可以用酸類產品代謝走佢。

乾性皮膚可以用甘醇酸或者乳酸產品，記得一定要夜晚用同做足保濕（做足唔代表要用n種產品）。一開始一星期用二次，皮膚可能會出現輕微紅，痛，痕，繃緊等等情況，如果情況輕微keep住保濕就可以度過適應期。如果嚴重敏感，先停用。

你日頭出街會唔會搽防曬？

酸類產品係？
想問保濕同補濕有無分別？
無搽防曬呀
唔該哂巴打

甘醇酸，乳酸，杏仁酸，水楊酸等等都係常見嘅酸類產品
好似我上面咁講，乾性皮膚可以用甘醇酸或者乳酸

另外，出門口前一定要搽防曬。如果懶得試嘅話，可以買Cancer Council嘅防曬

有無好似physiogel無乜致敏成份同安全既 gel/lotion 用得過

好老實咁講 就算標榜無致敏成份嘅保養品都會有人用到敏感
Curel可以考慮下嘅 唔算太貴
LA ROCHE POSAY都可以試下

呢啲去沙沙可以買到？

萬寧 屈臣氏都有 sasa可以搵下

我啲護膚品成日都係分開買 如果一次過用唔同牌子會唔會功能冇咁好 同埋係咪用嘅護膚品可唔可以全部都唔同功能 例如爽膚水舒緩 精華美白 面霜補濕

光復香港 時代革命

其實最緊要睇膚質 男女皮膚結構都一樣

其實最大問題係分子大小不一 反覆捽嘅時候容易出擦膠碎
仲有護膚品簡單就得 唔洗太複雜 洗一次面搽十幾支

咁我又唔會捽到出擦膠碎
咁我平時唔得閒就爽膚水 眼霜 面霜
得閒先做到足

只要皮膚冇乜狀況出現 都可以正常使用

巴打咁有研究嘅 你做呢行?

努力上進 想令自己有巿場嘅 IT狗

好少IT狗會咁

當你發現一直都冇機嘅時候，自然會去諗自己有咩不足。
而做我依一行嘅大多都係外貌同溝通問題，改變下會有機會嘅話，可樂而不為

c牌睇過有paraben的
唔太穩

如果擔心嘅可以避免用含有paraben。不過而家都未有證據證明paraben用於化妝品會令皮膚產生過度反應嘅問題。

同埋本身我油性肌嘅關係，本身都比較少研究防腐劑對皮膚嘅影響，因為正常同油性嘅肌膚係化妝品防腐劑不過量使用嘅情況下唔會有太大問題

https://www.youtube.com/watch?v=rIB56c4Tsd8
大家點睇