再會，達哥

我由sleeping dog開始睇達哥，
你同你d打機片都係我嘅精神支柱

每年動漫節有你做嘉賓都人山人海
前年撞正紅日 烈日當空排左2個鐘先入到場
為左睇你打機 我都唔介意
有次我話要去睇你
我同事話 哦 達哥果隻騎呢怪呀？
我嬲到即刻反駁

你記唔記呢張咭隻game呀
果時算係你岩岩有知名度 有人搵你代言
我好厚面皮 好怕羞咁
係火車站出面排隊拎
當時得我一個女仔 而排隊拎嘅全部都係兄弟
我拎到張牌後 興𡚒到同即刻同朋友share
一直放係書枱直到發黃皺矖都唔捨得掉
你公司出嘅game唔好玩我都照down！

我唔敢認我係咩fans
我只係一個默默支持左你好耐嘅人
我亦冇直接係你身上付出過一分一毫
估唔到盲撐你嘅人 你當寶
想你好而話你嘅人 你當人地底泥！
仲要有兄弟比你係fb屌返轉頭
你冷靜d睇下d cm 啦 唔係全部都係盲反架
好多都係睇左你好耐嘅兄弟 係有道理架！
你竟然話我地令你個台唔健康 走左都唔緊要
話我地係引戰狗。。。

今日以相為證 同你從此一刀兩斷
祝你同你淨返落黎班支持者 開心快樂
希望你愈賺愈多錢！

好 發完顛

7.27 守護元朗！
仲有唔好唔記得上環中槍果班義士！

道不同不相為謀
我都由JTV時期開始睇 但呢獲野真係接受唔到

仲有好多手足要我地頂住 7.27 見

非常好 !

唔知講乜好....剩係諗到黎鷹句兄弟你搞乜撚野
明明可以處理得好D, 結果出段咁嘅片
算喇，道不同不相為謀

唉 出黎做野 我明白其實每日人自己都自己嘅難處
佢為左生計而咁都冇辦法
只能說道不同不相為謀
但做人唔好去到太過份
先暗串大J做show 再踩兄弟
我真係忍唔到

由佢玩Saint Row 5嘅時候開始睇 已心淡

好明白黎鷹嘅心情
痛心疾首

一樣係sleeping開始睇
冇野做會睇,食野會睇
達哥真係比左好多歡樂我,多謝你

不過
唔會再睇了
完

好失望之前成日睇
但今次真係撐唔落

已unfollow
再見達哥

由羅莽開始睇
再會達狗

达哥無錯
但佢唔記得佢市場好多都係年輕人

當左自己真係明星

佢係 有廣告代言 有電影 有電視節目
幾多歌手 演員個知名度都唔及佢
佢對年青人個影響力真係好大

新果條片真係好失望

基本上佢同高登/連登係縛埋一齊
成名都係因為班巴打
之前大家投佢做咩高登男神第一
呢d佢全部唔記得曬啦

我都睇咗好多年，覺得好唏噓
其實我認同唔應該迫佢表達立場
佢的確係有自由講定唔講

只不過由佢以前暢所欲言到而家自我審查
難免會對佢好失望
但有時人變咗就變咗

祝佢以後工作順利

死達狗 恥與為伍

唔好彈出彈入