分左手既入黎

大家一齊加油，我相信大家一定會好

係呀，咁樣會舒服啲

絲打講得有道理

依加只好等時間去沖淡一切

Denial
Anger
Bargaining
Depression
Acceptance

希望快啲完依5個階段啦
見到佢好似完全忘記左我咁
好辛苦
依加都唔捨得del合照

佢愛唔愛我控制唔到，但我發覺自己已經深深愛上左

呢排都日日收工都約朋友出黎，等自己唔好諗咁多，朋友係最強既後盾～

我自己既做法就將d 合照放係電腦深處，因為始終係開心既回憶，del 左會後悔

我至少都仲有理智，佢6月28日WhatsApp 我話唔想欠我太多，話每個月還$500俾我，還足一年。
但我冇要到，我深知亦心知佢咩環境，錢我當跌咗，卡數我都個個月清哂！唔會欠銀行！
每個月$500對佢嚟講真係多，佢要買藥買煙買酒買野食，已經用咗佢$500，所以我都唔想好似踩一腳咁。

我自己就冇諗咁多，但爸爸話，佢咁樣係仲想拖住我，其他人話，每個月$500 係會出事.....
但其實我有打算同佢做朋友，但佢都已讀不回，咁仲會有咩事出？

點解要咁諗呀？你真係千祈唔好咁諗呀！

講分手嗰邊 都係最快搵到下一個先
換轉角度 既然都唔再鍾意何必顧及你嘅感受呢

可能驚你心軟返轉頭

唔會
無人會習慣分離
由其當你重新有人支持你 有情感支援
正面處理失去 可以令你之後都有信心面對任何野

你講得好岩.. 因為而家既佢已經唔係之前既佢
佢咁對我 我亦都唔應該為佢傷心咁耐 多謝你呀絲打

我會努力架啦 所以要搵下其他興趣
豐富返自己生活

多謝你既建議 我都想去學下野....但係其實我半個運動員 平時真係好大壓力好攰 而家仲再搞獲咁既野

絲你有好多朋友陪你?

依家只係一個過渡時期，有咩唔開心，或者突然間有咩想講就不如上嚟講啦，冇必要令自己沉溺痛苦中

冇可能啦！我記得我出院當日夜晚，我同佢講電話，我鬧得佢好狠，我鬧佢首先唔係男人，其次唔係人，喺我就快入醫院做手術前，心情起伏不定時，佢竟然同人去開房，唔係1晚 2晚 3 晚，係好多晚！仲有返大陸過夜！佢今時今日做緊佢唔鍾意做嘅保安，都因為佢每一步都行錯做錯！唔識長遠打算，有時間只係食安眠藥訓覺......
仲講乜野以我以先？！原來都係呃我！佢仲要應承個女人6月28日同我講分手，佢做到咁，我有乜可能心軟？
我心軟都只係心軟想同佢做返朋友。

朋友都唔係成日得閒陪我 有時都要接受自己一個

絲打恕我直言，呢種人做朋友都嫌佢賤啦，朋友都唔會咁對你啦

我都咁認為

無錯，因為佢個心已經無你，只不過係叫有交代地分手

如同陌生人一樣