一齊左4年半,一直以黎佢對我好好,差唔多所有野就晒我..而我一直對佢都差,唔識欣賞佢,成日玩佢串佢,一直以黎佢都好努力去維繫段感情..而我就因為拍我耐變左理所當然..當中大家屋企人都熟晒,我地會計劃將來,憧景未來生活。大家慢慢變到親人咁。直到一個月幾前,佢同我講想分開抖下,而我都挽留到,係呢一段時間,我反省之後知衰做返好自己,對佢好好.. 大家都相處得好開心。直到3星期前,佢最後都係同我講分手,佢話呢段時間你做得好好,係佢一直想要既野,但點解唔一早做,而家做到既時候佢已經唔覺得感動.. 又話已經唔愛。因為我之前一直做既衰野係佢心入而有條刺。唔係話而家變好就會無左.. 佢已經無力去維繫。之後我再挽留,已經無用..佢仲表明有人追緊佢。
之後最驚訝係分左手兩星期,佢就po同新仔既post,仲要差唔多日日po,所以嗰刻心諗,自己係咪真係咁差,4年半既感情會一下子比人取代左,仲要日日放閃比我睇,無縫接軌都算,可唔可以低調兩,三個月先?仲全無諗過我點感受,就算最後無左愛情,都仲有親情/感情掛。
但可以100%肯定既係當初佢係好愛我,因為佢係比我付出好多好多,只係我7,同埋愛理不理而令到佢灰心... 同時亦都覺得呢個人好陌生,可以一個月前同自己都好sweet,但一個月後完全變成陌路人不特只,仲可以咁快將對我既愛轉移到第2個身上,畢竟4年半唔係短時間,點解可以pick up得咁快
Sorry for too long+1999..