[日劇][含劇透] 輪到你了 (あなたの番です) 討論區 (2)

我有冇睇漏咗

係總一，上集已經交代左。

估計微笑殺人9成9係一人（或一個組織）做嘅，淨係靠哩點謎底都揭左一半啦。。。。
哩個殺人兇手究竟點知當時浮田去左邊？神谷去邊佢又知？可以乜都知嘅無非係警方當中嘅人（肥佬？）同埋曾經喺部電腦出示過好多坐標嘅IT男，淨係得佢地兩個啦。
如果兇手係黑警嘅，而家有上過鏡嘅得真係肥佬（冇理由再出新角色），咁其實肥佬都有啲可疑，佢俾左個所謂嘅護身符手塚袋，其實可能係追縱器，而且佢有嘅資料解釋左浮田同神谷係點咁易喺出面死。IT男好可能同赤池有關， 加上佢識IT（追踪？），可疑。
酒窩男就一定有份架喇，佢係同謀，因為佢恐嚇過田宮，加上最新哩集嘅推論微笑殺人係同一人，再加埋以前恐嚇浮田同久住係同一人，酒窩男應該係負責殺人，跟蹤同恐嚇果個。佢嘅兇器似乎離唔開氯化砷，令到受害人暈左先，再虐殺（全部微笑殺人都係咁，田野就應該係食左大量氯化砷），佢係享受殺人嘅變態同時佢只係隻棋，上面落order同座標，全部變態野係佢做。

如果要話黑島係final boss
我會覺得跟蹤男係（or曾經係）黑島隻棋，佢兩個關係好有古怪，導演拍到佢好似純粹變態毒男跟蹤女神似想fake人

終於開始解児嶋同赤池案
原本以為児嶋係獨立一條線
原來都係微笑殺人
二階堂以殺人為樂嘅前提下輸入AI 搵出總一
咁微笑殺人嘅兇手應該係有目的去殺人
但計埋神谷 我又諗唔到微笑死嘅共通點

仲有今集暗示西村喺餐廳事件發生前已知遊戲存在
如果屬實 管理人死可能同佢有關
之前有集佢入信落早苗信箱 可能就係夾住總一相片嘅威脅信

另外關於桜木護士 感覺佢想私有化藤井
所以幫佢做假證據 又同時威脅佢
咁身為抖s嘅佢就可以對藤井為所欲為
至於點解幫手殺袴田

黑島可能控制住成個集團，跟蹤男同南都係佢d人，場意外可能自製

我呢一刻都仲係估黑島
始終佢抽個張織田信長仲未有人認投
同埋呢類戲都似係同主角比較親近既人做final boss

果警官扮藝人又係想點

南反而唔似 佢本來阻止翔太打總一
但總一一話阻住佢實驗(殺人) 佢就即刻嬲到想打人
呢個反應唔似係比控制去殺人既人

而且換裝去黑島病房 而黑島咩事都無似係裝偷聽器?
另外跟蹤男好快比阿堂發現 咁咪增加左風險

自編自導意外未免風險太大 係阿堂面前扮傷腳再扮比早川搵 仆落路軌再避到列車

呢一刻覺得黑島未必係 雖然有哂不在場證據突然好可疑
(可能反而燈到佢係)

比地鐵撞都....

比地鐵撞好難係自篇自導自演啦
話扮腳傷製造不在場証據都仲有可能
我個人比較在意神谷知道話知道兇手係邊個
同之前浮田話知d野搭lift上上層問有d似
兩個都係好似真係知d野而被滅口
而且浮田係問住客
証明兇手係住客既可能性極大
而直覺上神谷話知果個又似乎係本身佢有來往過既人
所以黑島係boss都仍然唔係不可能

黑島不嬲大熱黎
特別係宜家最多不在場證據先顯得可疑 雖然其他人可以好似護士幫醫生咁做假證

不過列車意外skip得太快 轉下就去到醫院 係意外發生個畫面難拍定遲下會再交代

同埋有推斷黑島送比總一本書有機會跟蹤狂送
而黑島無興趣睇同可要可唔要咁送比人
本書好似係講用笑容迎接死亡個類野 再睇埋跟蹤狂個笑容同送名牌 隨時唔止幫手 係有殺過人都未定

定係又扮藝人又扮警官

唔係扮保安入病房咩

前晚嗰集係繼nana死之後最震撼一集，雖然明知兒嶋會喺嗰個scene出現，但都難免被嚇親

之前請發表既感覺..暫時第3點已確定
第4點已經搵到條屍...
睇完15集之後，各點仲有D延伸...

1. 久住扮傻應該係想避開一D事...
大膽推測一下，所有住戶都應該比人監察住。
由神谷被殺(應該監聽到電話)，田宮淆晒底(錄影機度發現一D事)
如果將黎點串聯到婆婆今日比紙也男主角(婆婆都係扮傻)
暫時IT男係疑點最大。

2. 護士今日同男主角講，好鐘意你黎D外行人問我醫學既問題
感覺係有暗示。下集係醫生屋企疑似同居。
黎一點我都有個推測，護士可能係一D殺手集團既成員，
中國留學生D同鄉，應該用某方法邀請左護士加入
而護士本身都交換殺人無關。但可能新聞既炒熱。令佢懷疑到醫生，
所以就迫問醫生殺餐廳老闆個日去左邊，醫生招認
護士就同醫生同居拎料。
咁樣佢搵男主角做教練變得好合理，護士係正方角色?

3. 佐野會唔會係殺人兇手?我睇未必
都係編劇手法，比好多線索你去懷疑一個人，
但最後就逐一還佢地清白...
而新管理員阻止木下去跟蹤佐野黎一幕，有D古怪
可留意。

4.新住戶南，以YOUTUBER身份入住應該都係假
佢似係以前一D事情既受害者，由佢本身阻止男主角打總一，
到總一話實驗失敗，佢就好激動，黎個違和既反應

5. 最後今集一個突破點，赤池抽到兒嵨，理應兒嵨係死係赤池之前，
但赤池反而死先。
但其實係成條交換殺人線之中，赤池係同兒嵨都同管理員個條交換殺人順序無關連。赤池都係第一個微笑殺人既受害者


最後一個疑問，田宮寫甲野，甲野死了，理應到田宮回合，
但田宮仲未郁手?
如果比甲野名牌既速遞員 = 參與兒嵨殺人案(微笑殺人) = 跟蹤黑島既男人
雖然暫時我未諗得到，但睇黎微笑殺人係同交換殺人同一條線

之所以會有微笑殺人，係因為一D原因，先可以令到成條交換殺人既線可以走到兇手最終想到達既目的地

有無中字預告

預告最後影翔太講電話嗰度，佢隔離支燈柱有隻手

應該阿堂黎