[日劇][含劇透] 輪到你了 (あなたの番です) 討論區 (2)

同意 小空應該係佢第一次試殺人

btw電梯門....一擋會自動開返 你返屋企試下

暫時有感，有錯請指正:

1. 速遞員，即係跟蹤狂，同微笑殺手應該有關。
如果係有關聯，推黑島果個應該唔係佢。
兇手殺人之後，有強迫性地要屍體擺出微笑既樣。
所以同微笑殺手應該無關。
(我覺得可以將劇中會刻意地去笑既角色連成一線)

2. 如果以之前咁多集既拍攝鋪排手法，尾野應該唔會係推黑島既人。
但如果事實真係尾野推的話，佢既殺人動機就同菜奈被殺有好大關聯。
(但編劇已多次將大量有可能係兇手既人擺左出黎，然後同你講，你推理錯了!)

3. 久住可能係扮失憶? 因為佢驚會有人加害佢。(偷聽個一PART引發聯想)

4. 佐野去既凍肉倉，會唔會係借凍肉食品之名去交易人體器官?
今集係居民大會度都好明顯地講過兒嶋條屍未搵番。

5. 新住戶阿叔，睇黎似係之前其中一個死者既親朋戚友。
搬入黎都係想搵真兇是誰。

6. 男主角話警察個邊搵到既指摸，總覺得由佢聽到之後既表情推斷。
佢講既果幾個人名，都唔係佢從警察口中聽到既名單黎。
睇黎係唔想打草驚蛇，想試口風?

7. 護士迫醫生講個晚佢去左邊，然後就同男主角講話想殺一個醫生
有無關聯?

8. 暫時有一個大膽想法。
兩條線，微笑殺人，交換殺人。應該係相關連的。
微手殺人會唔會係殺一D 輪到你既輪次但你唔去殺人，或者你知道左遊戲當中既事實。 (想法源於浮田被殺)

最後大家認為開始覺得煩既主題曲。
除左因為係主題曲所以要集集播之外，
應該都係想加強大家記得「男主角仲好掛住菜奈」既心情，
就好似第一季，每集都晒恩愛，最後黎一個女主角領便當既衝擊。

我大膽一想，結局男主角會唔會為左死左既老婆而犧牲自己。

以上

可以再留意多一點
菜奈嗰幅砌圖有一塊顏色唔同
可能係收埋咗菜奈查到嘅線索
菜奈可能係因打草驚蛇而被殺

個人意見

3. 應該直頭係 下集已經忍唔住同電梯談心
4. 如果因為上次倒內臟出黎估人體器官 未必 因為唔會keep得咁唔衛生
8.浮田知抽中邊個張紙條正常係無犯咩例 本身第一季佢地都可以知邊個抽邊個 邊個寫邊個

8. 但我唔知有無記錯，浮田係咪都收到「輪到你了」既威嚇字條?
但佢無去殺人。而且我覺得微笑殺手應該係餐廳老闆死之後而開始產生出黎

你啱呀 有阻擋時架lift係會自動開返嘅 個shot又影到好似佢好大力咁推開道門…

但如果一早迷暈咗管理員 再用繩吊佢落302 咁樣殺管理員會易D掛 畢竟總一係喺402

若果總一係因為管理員佢威脅自己阿媽而殺死管理員>>>總一殺管理員嘅動機

殺完管理員又再威脅返自己阿媽去殺下一個人>>>某種程度上可以滿足佢嘅殺人慾望

跟住佢知道阿媽已經完成殺人任務之後仲主動拎山際醫生嘅人頭去「提示」藤井：你想殺嘅人已經死咗>>>推動個殺人遊戲發展

當然 前提係佢知道有殺人遊戲嘅存在

收一兩次威脅信唔肯殺住就直接殺...唯獨佢就咁急?
久住同醫生個d收好耐都未殺 收既威脅去到燒佢老家同醫生毛巾包山際頭先出手

總一由動物開始試殺生既快感 宜家先去試殺人
正常你有能力殺到成年人 就唔會降級殺返動物

加多點 因為正志話總一可以若無其事拎人頭出嚟 加埋正志兩公婆都有不在場證明
所以好大可能係總一拎個人頭去藤井度

若果呢個估計係真 係總一拎人頭俾藤井 咁係咪話俾觀眾知總一一早知道有殺人遊戲嘅存在？
因為佢知/偷聽到早苗寫嘅係管理人同抽到嘅人係山際醫生 同時又知係藤井寫山際（佢間房隔音效果咁勁 偷聽好似又無咩可能

總一同成個遊戲嘅關係好複雜 佢今集又話想睇下人死之後係咩樣嘅
因為佢先係成套劇最想殺人嗰個

殺一次就對殺人呢件事上晒癮呢 或者單純令有生命嘅物體變到死亡只要係殺 殺成年人殺貓殺魚殺小朋友

都得
不過用努力實驗個暗示 同用唔同殺動物黎鋪殺人就有d哂左

今集真係好緊湊

黑島比人推之前個鏡頭好似影到和服，所以好有機會係尾野（根本成集就係引導緊我地咁諗），但我覺得都有可能係總一阿姨或者跟蹤狂。不過應該同微笑殺人無關（跌落路軌比火車撞完點幫佢整微笑）

同埋我覺得奇怪嘅點係點解個教授會夜晚揾黑島而黑島明明講好唔鍾意佢，但同二階堂講嗰陣又冇露出討厭嘅表情/行為，所以我覺得有以下可能性：
1. 黑島同教授有祕密
2. 揾黑島嗰個唔係教授/根本冇人揾黑島
3. 有電腦高手扮教授專登引開黑島
4. 我諗多咗

話時話之前有證供寄兒嵨隻斷腳係個20歲左右既男仔(有冇記錯?)
睇黎應該係跟蹤男

唔明點解田宮要del左門口can張相好可疑

手機好似影左backup左 佢唔想比老婆知太多姐

比人搶埋電話發現偷食

正直大叔出軌真係笑點之一
除非條女埋身有目的

真係好難講
當初邊個諗到護士都係關鍵人物

幾期待小空俾佢揑揑下爆seed，全黑化上線

如果袴田真係 真．袴田 就正喇

唔會啦真果個拍拍下戲被打死

已經暗示哂，失憶果個以為自己係18歲，咁佢就一定整左20年升降機喇。當我目測佢有38，即係喺20年前發生左啲事，佢同個樣生得好似嘅人交換左身份，雙方應該有啲協議（大概係一個避左風頭，一個就有名利）。有名利果個成功咁做到演員，但係四圍惹事又有緋聞，所以而家整𨋢果個寫左佢（雖然哩個係自己名）。

睇過invisible guest諗緊會唔會又話玩drama既大叔係Boss（識演戲=點扭橋都講得通）

正直一直都只是演戲