[日劇][含劇透] 輪到你了 (あなたの番です) 討論區 (2)

好簡單，可能係個護士係比袴田玩完唔要既其中一個人。所以討厭佢要殺左佢？

第13話

我唔會話爛，但係我唔鐘意而家嘅路線。。。突然跑出個護士，佢根本同第一季冇關係，第一季佢完全可以睇成冇關係，引入佢令觀眾睇第一季嘅推理全部顛覆哂都得。未講完！劇情越發展越多似是而非嘅套路。其中最典型嘅係尾野，佢出鏡到而家都冇留乜野線索，但係佢送啲野、執個長頸鹿同埋個門牌，全部都暗示緊劇情。。。咁佢無非係大boss或者大boss嘅朋友，如果唔係嘅尾野出鏡完全係支持緊公寓被詛咒嘅思惟。我感覺係除左令觀眾疑神疑鬼之外，咁嘅套路根本係多餘。講白啲即係：留尾野咁多伏筆，如果到最後佢又係唔關事嘅，咁果啲伏筆唔通全部都係巧合？咁身為觀眾嘅我地，睇咁耐。。所有伏筆都可以係巧合。

大把推理作品都會有一兩個睇落好可疑但原來係清白嘅角色

哩套點止一兩個

我都驚個編劇整得太多伏筆但到最後解唔番或者直情無呼應到，難為仲要有咁多人花時間打深思極恐

睇完護士我已經唔想再推理了

希望大boss唔係第二章先出現嘅人
如果唔係套戲已經爛一半

睇完part1無左

好彩今朝睇咗

依家套劇明顯有兩條線，即交換殺人game的線和微笑殺手的線，微笑殺手好可能係借交換殺人game去作悪，相信劇集最後1/3係交待兩條線有交集位。
暫時我睇第一季的伏線都慢慢收緊，我又唔太擔心會爛尾，只係編劇鍾意玩煙幕彈（我亦真心希望唔好爛尾，要爭氣，NTV咁有心機咁有勇氣去開套原創跨季劇，會俾耐性繼續支持，今季黃金檔一部原創劇都冇）
睇原創劇真係好爽，估佢唔到，雖然下一集要等半個月

男主幾時同個靚女一起