《小松奇妙物語！》（８）

推啊 唔好比佢停

文呀嗚哇

墨巴

另一邊廂，飛至天台的蝙蝠群，竟給無數條紅線連住，牠們的動作像靜止了一樣，無法移動。

還想著要衝上去救小松的我，歇了口氣，將龍刀從莫格腹中拔出，

「啊…嗄嗄…」頭髮電得豎立的莫格，從口裡吐出黑煙。


莫格我先放著不管，急馭龍刀到天台上，查看一下小松的狀況。原來小松使用紅線的力量，將化為蝙蝠群的貝拉給捉住了。

貝拉再一次化為人形時，已是一身被綁緊的紅線。

「原來你仲有宜種能力……」貝拉絲毫不驚。

「點解你哋都有食小松嘅癖好。」我不禁一問。

忽地，樓下傳來沉重的一聲，一個身影急速躍到天台，於圍牆上落地。那人正是剛才承受了一刀的食人魔之王──莫格。

他神情看起來是有點痛苦，但仍能活動自如。

另一邊，貝拉用力一掙，亦把紅線的束縛解除，與莫格並肩而站。

「……」我愣住。

「唔需要驚訝。」貝拉留意到我的表情變化，便說：「我既擔當得族群首領，你認為我就只有咁多能耐……？」

「無可否認，你把刀剛才承放嘅威能……」莫格仍然按住重創的腹部，說：「我至少要幾個月時間去復原。」

「小葵！唔好俾佢兩個食我啊……」小松躲到我背後。

「我反而要感激你…嘿哈哈。」莫格聽後，嘿嘿一笑：「唔係你，我差少少就失控要食咗小松，等待唔到佢十八歲春天嘅來臨。」

「你食完之後，宜世恐怕再無得食人肉。」貝拉出言提醒。

「因為？」莫格不明。

「你留意唔到？剛才街上嘅人，已經被「月引」牽神，開始控制咗意念，變成行屍走肉。到最後變成怪物，就唔再存在人類。」貝拉說。

「呃…」莫格思考了一下，更明確地指向了小松：「唔需要！只要…只要食到小松……我就足夠，宜世唔需要再有任何人肉入我口，佢嘅質感同芳香要陪隨我至死亡！」

「佢到底對小松肉有幾執著……」我不禁自唸。

「白痴，咁係我哋種族會面臨滅絕威脅。」貝拉聽上去，是比較理智的一位。

「滅絕都好，反正食過小松，就無任何遺憾。食人魔千百萬年嚟，一直追求終生……就係完美嘅人肉。」看來莫格是聽不入任何道理。

「滅絕都好，反正食過小松，就無任何遺憾。食人魔千百萬年，都一直追求緊完美食材。」看來莫格是聽不入任何道理。

「你係族群首領，首要目標係保護「食人魔」存亡。」身為吸血鬼一族的貝拉，比起食人魔之王更關心其族群。

「宜樣唔需要你講……」莫格的臉像死灰一樣，說：「但我嘅手下，都已經消失。」

「你應該好清楚，係「月引」造成。」貝拉指向天上的紫月：「如今，月引之路似乎仲打開緊，我哋可以隨時入去。」

「但入咗去有咩下場，我唔擔保。」莫格說下去：「畢竟對方力量大得，可以施展出「月引」。」

「你哋有方法入去？」我問。

「當然，只要我哋想，隨時就可以入去。」莫格答。

「小松…我覺得你媽媽，就喺月亮嘅另一邊。」我低聲，說。

「你意思係……所謂「月引」係佢施展？」小松說。

「係…」

「你哋有冇方法，教我哋入去。」我問面前的兩位。

「有係有，不過難保入去之後，會發生嘅事情。簡單嚟講，想要入去就必須遵循施放者意念，否則無辦法直接入去。」

「所以你哋就怕，一遵循就不再控制到自我？」

「嗯，只有我哋首領級別，先抵擋到「月引」嘅意念。」貝拉頓一頓，說：「你哋人類，就比較難。」

「各位！我覺得……」小松驀地走出來，大喊：「要一齊合作解決宜個問題！！」

我們三個被她突然的舉動嚇得愣住。

「解決緊……」我們不約而同地說。

小松又舉起一隻手：「仲要商量嫁嘛！」

「商量緊……」

「係…係咩…」小松返回我背後。

貝拉重拾話題：「講到尾，其實我同莫格抵唔抵擋到「月引」，都係未知之數，畢竟宜個已經係數百萬年前嘅禁忌法術，我哋只係從長輩中口耳聽聞過。」

「即係毫無頭緒同方法……我喺宜個世界上嘅所有朋友、同學、未來老公，都要白白變成怪物！！？」小松越想越怕。

「小松…唔好害怕。」以為莫格要安慰小松，殊不知目的依然：「人類嘅肉，喺保持歡愉狀態下先最好食，最鬆軟。持續保持驚恐狀態，肌肉會持續緊張、收縮。」

「咁樣吧，兵分兩路。」貝拉給出一個建議：「我都想救番自己吸血鬼嘅族群。」

未來老公

太耐無入過post 重追先

點解一個月引感覺已經勁過V14啲乜乜柒柒病毒

未來老公咪你隻貓囉

小松=唐僧

瞓前一推

Push

Push

金鐘

鳩坐緊

以前小松叫葵做黑仔