鹿兒島遊記及南九州（鹿兒島、宮崎、熊本）討論區（3）

面巴,
首先>鐘生
我係坐海幸山幸去嘅,食完之後只可以去飫肥城齋睇,所以浪費咗成日
為咗隻龍蝦,無咗成日,無下次

面具巴：
時間表個網址每年都唔同,要留意番
JR 九州
http://www.jrkyushu.co.jp/english/pdf/timetable_20190316_20200229.pdf
指宿巴士
http://www.ibusuki.or.jp/access/city/plan/ibusuki_kaimon_ikedako.pdf
宮崎巴士
http://www.miyakoh.co.jp/bus/rosen/0_jikoku/2-09_20190401.pdf
櫻島循環巴士
http://www.sakurajima.gr.jp/docs/190331_アイランドビュー時刻表.pdf

仲有其他有用資料等你發掘[/quote]


原來每年都會更新，差啲放流料，下個post改翻

估錯添
最衰係要等兩個鐘

巴打今日有無食好西?

唔係估錯,係寫錯
雖然我知有人係姓鐘嘅

去青島神社嗰朝早落大雨，一落車有遮喺手都濕哂，不過無阻我哋同一班小學生定唔知初中生嚟參觀，不過啲小朋友都真係嘅嘈同亂跑雖然其實由日南開始沿岸都不時有洗衫板，但青島神社出面個洗衫板又真係規模比較大啲壯觀啲



由於之後要揸兩個鐘車去高千穂，加上前一晚太早食晚飯有啲肚餓，所以決定食埋個午餐先至出發…去咗青島神社附近嘅魚益磯焼…又繼續燒海鮮叫咗兩公斤蠔 魚 大蜆 大螺 珍寶大牛脷 蝦 可惜太早未有伊勢龍蝦，呢度只係賣三千円一隻餐飯埋單六千円，啲蠔好肥大好飽滿



食飽就起程展開難忘嘅高千穂之旅…

去左熊本，真係好曬，覺得熊本好溫馨，周街都係熊本熊
諗左半日，決定試下食馬肉（諗諗下香港冇得食，就算日本，其他地方都唔常見）
我就唔係好識影相
一個係限定既海膽生馬肉飯，成個飯唔錯，佢配左一隻生蛋黃+專用汁，好開胃
另外叫埋燒馬肉set同馬扒，（包馬刺し)
馬刺し口感好煙un,燒既話唔點汁都已經好食，馬味（唔知係咪😂）唔會好濃，
但馬扒配個汁有d 酸咁

比起羊我覺得馬肉好食！！！


夜晚求其搵左間燒肉食
但間鋪冇人番工，得2個人乜都佢地做，叫野食要等好耐



今日食太多肉，聽日諗住食幸福pancakes ，見好似唔洗排隊（未出名時睇日本節目成日同身邊既人推介，但香港開埋分店都仲未食過）

蠔好肥美
引死人

馬肉我都唔敢試
你仲要食生馬肉!!
厲害厲害

香港幾間pancake都排hihi
係日本食平d又幸福d
等你包膠質素如何

青島係幾正
仆街又食好嘢

人一世，咪試下，我諗我再去熊本機會難(基本有live先去日本，所以多數去東京）
但我覺得馬肉真係試得過


家下準備番鹿兒島
覺得自己幾晒張pass,又唔上山
仲未諗今晚食咩


幸福pancake 好重蛋味
但得pancakes only（以前見過原宿有意粉）
蛋味好重
真係ふわふわ



食過咁多間覺得幸福pancake 最好食

睇落去好軟淋淋
睇嚟你都係成日去日本嗰啲人

燒蠔
但燒果時有無成日嚮個殼到彈D碎片出黎呀?
唔知一條友比唔比幫襯呢

冇呀
我入去嗰時有個當地人自己一個燒緊，所以應該冇問題呀

去到高千穂已經差唔多下晝四點，費事太過趕，所以將高千穂峽划艇仔嘅行程順延至第二日朝早…改為去旅館隔離嘅高千穂神社行下，神社其實比我想像中細，不過呢度亦係著名嘅夜神樂嘅表演場地，亦都有好多歷代皇室種植嘅樹，同埋好幾棵幾百年老樹



由於之前幾餐太豐盛，荷包同我哋個胃有啲吃不消所以就決定唔去食高千穗牛，反而去咗附近一間僅有開而且好多居民去嘅馬拉松亭烏冬店食晚餐
叫得馬拉松亭，老闆果然係熱愛呢項運動嘅人，除咗自己跑開馬拉松之外，鋪頭仲貼滿咗三十幾年嚟唔同跑手嘅簽名/相/報道，至於烏冬方面都十分唔錯，定食最貴都只係一千円多啲


食完晚飯就繼續揸車四圍兜下，買下嘢影下相，之後返酒店，趁搭酒店shuttle去睇夜神樂嘅客人未返嚟之前享受一個人獨霸嘅桑拿室同澡堂

係衰在冇時間去滑浪

原來有得滑浪好想試下雖然唔係熟水性

自己浸係爽嘅

星期五出發去毒遊~
日南sun messe skip 咗會唔會可惜？

成條海岸線任你滑，我酒店房望到半邊咋

day2-4用pass?

day 2同4個人意見好似急咗啲？要記準巴士，唔係就會好似我咁去得一兩個地方（冇plan過)

day 1可以去轉城山睇日落幾正之後再去下天文館通（ 但個人覺得天文館普通，鍾意中央站附近多啲）
day 5去櫻島la，day3 有冇考慮過住宮崎？

鹿兒島中央站附近，黑豬排亭 、地雞之雞膳、利久牛舌幾正（個人意見)，另外仲有唔少可以追返遊記post或討論post

哇正呀....唔係遊客區種感覺，呢啲地方玩一定好free

未去過，上網睇得啲翻版石像好似冇乜好睇，所以就冇去，之後交比其他高手補充下


btw第一次獨遊種感覺真係好正，我大半年前第一次獨遊台灣20日，緊張又期待嘅感覺真係好正，好似好多年嚟第一次真係放鬆到咁

指宿玉手勁full
你最好係香港加錢網上book 定先
行程都順路
我估你都係唔想轉酒店先咁編
但如果會轉酒店可以考慮下住宮崎 再第2朝去霧島咁就車程唔洗行回頭路。

最後一日真係要睇你自己體力同有無要shopping
時間上可以去櫻島 但你之前幾日都咁盡 遠遠望下櫻島都ok