我皺著眉,啐道:「黎早洩,你把口真係臭到呢!你係咪成個禮拜無刷牙啊?」
黎早強淫笑道:「大鳩志,你有無讀書架?孔子話食色性也。」
姚智風亦淫笑道:「大鳩志,你唔知架喇!如果你技巧好,啲女真係慾仙慾死,欲拒還迎,佢HIGH到成身痙攣,佢地個心情會好矛盾架,又羞恥又享受,會用隻手輕輕按住你個頭,但又怕你唔繼續喎!」
我訝道:「嘩!姚少乜解究你咁清楚架!你又無囡,你唔係食…『雞肶』啊?」
姚智風臉上一紅,辯道:「我都係聽啲師兄講嘖!暫時我都未過到依個心理關口,但唔排除有日,遇到有條好索嘅囡,佢嗰度又好吸引,我真係會瀨架!」
我驚愕道:「吓!好核突下喎,咁你同瀨個屎塔有咩分別啊?」
「唓!出得嚟玩,就唔好船頭驚鬼船尾驚賊,大鳩志,你扮咩野喔!我就唔信當你遇到條好索嘅囡,佢又係一線粉紅嘅,你會忍得住口唔瀨?」
姚智風的說話讓我想起了那一個晚上,布正麗因為一時不慎,驚鴻一現的美好春光,如果有一天有幸遇上這種萬中無一的撻,那個男人能夠把持得住,而不去以五感好好細味品嘗。
現在在4D班內,基本上除了宋蓮外,我與其他同學已經解除了敵對狀態,連管佳莉亦與我重建起同學間的基本關係。
管佳莉道:「成皇志,恭喜你成功入到決賽。」
「多謝,嗰日我有聽妳上台唱歌,妳唱得好好,但係可惜…」
管佳莉淡然一笑,道:「其他同學表現比我地更好,我地入唔到決賽都好公平嘅!到時我地會為你打氣架喇!你要加油。」
「係呢!妳有無聽過我參加獨唱組嗰首『明年今日』啊?」
管佳莉搖頭道:「嗰日我五點就走咗,所以無睇到,聽人講你嗰日好厲害,一個人自彈自唱,我一直都唔知道原來你咁厲害嘅。」