睇完今集,覺得好窩心
最令我深刻印象係阿水係阿龔好傷心既時候,默默跟係佢身後既嗰一幕。呢一幕令我諗起當年博水。
以前就係由博士守護阿水,而家輪到阿水默默守護阿龔。感覺阿水好似真的長大了一樣,唔再處於被保護既角色,開始會回應人;因為對方係龔燁,所以佢開始都會付出,而唔係一味好似以前咁無條件地索取,係阿龔令到佢成長。
同埋睇得出今集,佢地兩個已經心靈互通到一個點,咩463 咩454 對佢地黎講已經再無任何糾結既必要,唔需要再作任何解釋,行動已經證明左佢地既表態。我覺得雖然劇情無明確表達到出黎,但阿水心裡面應該已經估到咩事,同埋佢都已經唔再介意,覺得唔需要再講出口。
最後阿龔一起到熊家,坐左係水水隔離就即刻訓著,同樣證明係佢心目中,水水而家已經係佢最信任既存在;只要係佢身邊就會好安心。
(同埋仲要訓得勁似小朋友勁得意囉咩事!!!!中間仲要疑似撒嬌左一下(睇到我變左水水笑))
PS:今集既水水好溫柔,無論係神情定係語氣,連我媽都問佢地係咪已經拍緊拖,點解佢明明平時對其他人唔係咁樣,唯獨對佢係溫柔到爆炸。
最後要講,首片尾曲我勁鍾意
令到成件事個感動程度升哂級,我仲以為開心速遞唔會再用返(以前博水集數好多時都會用),所以聽到好有FEEL。之前有FF過如果有個場景係阿龔攬住水水喊用呢一首背景音樂一定好正,雖然個場景唔同,但係聽到呢首歌都好開心