[開心速遞]熊若水龔燁 供水線集中討論區（17)

慢慢嚟唔洗急
have faith in you

中間冷戰過一陣
個人認為大小姐解開咗阿水最mind嘅心結
“阿龔又呃佢”
兩人先和好

後尾嘅過場加主線
龔水都顯後比起普通同事更親密嘅關係
昨晚個集就再次強調翻阿爸嘅老退化
演變成今日那集

詳細可以睇翻第一頁集數list

加油！追po追到我啊⋯
大家手太快，我眼慢

慢慢打！主post我都追緊po.
差啲追吾切

正，我都有一個旁身

作為一個老人家
隨身有罐嘉頓係好合理嘅事

頭先忽發其想
萬一冇分兩集寫
有咩劇情會被cut走

我諗會cut晒阿水呢兩集為阿龔嘅野
好多謝編劇肯寫兩集去拆阿龔嘅心結
呢兩集冇一幕係多餘嘅

我估阿水上去見工嗰幕，
跌打酒嗰幕

真係要多謝編劇咁有heart分兩集講
佢地都知傑叔除咗係龔家心結，仲係龔水黨心結
次次上下集都寫得好好，證明編劇們係真心有實力
俾足啲air time佢地好好發揮回饋觀眾

濃縮唔到做一集啦
咁多劇情
真係要濃縮可能連尋日龔水去探龔爸都要cut埋

希望以後多啲上下集

可能已經濃縮咗就真...

大家鍾意就好 不過老實講琴晚整整吓真心想放棄去訓覺
同埋不過今集都可能要晏小小先整，仲未返到屋企

絲慢慢嚟唔洗急
我地靠討論都可以頂好幾個鐘

今日意外早咗返屋企，可以早啲recap
多謝大家一直咁支持咁畀面睇我啲recap
回水之後好忙，真係少咗好似以前咁瘋狂分析同推估
但係睇其他絲打嘅長篇大論都睇得好開心
OK，廢話講完，入正題

1. 傑叔隔離條女咁嘅樣都可以做陪酒，而水水唔得，究竟係咩眼光
2. 阿工探龔友着嗰件冷衫好靚，好暖男feel
3. 花生三子真係好好笑 Router有好嘢都不忘益IT狗，都不失為一個好上司
4. 但Andy大叫「我不嬲都係大小姐嘅人」，仲要擺pose影相真係笑撚到我癲
5. 阿水知道阿工出事，即刻咩都唔理狗衝上去會議室

6. 阿工而家終於可以反擊返Jenny啦！！！唔再好似早排咁下下被Jenny玩弄 Stanley亦都演得好好
7. 工水係阿工房嘅一段，真係好似男女朋友鬧交
8. 首先，阿工見到係阿水，即刻咩都唔講就單刀直入講出自己錯信傑叔有幾失望，因為水水係唯一明白佢嘅人
9. 阿工呻咗兩句，即刻變溫柔番話anyway唔關水水事
10. 點知知道阿水知情不報又嬲豬，嚇死人咩

11. 但係阿工惡得嚟，其實語氣又有啲忍住忍住，其實都係一種異樣溫柔 （sorry我M底 ）
12. 最後阿工叫阿水走，怕越講越難聽呢下真係好有feel 一方面又嬲，但一方面又唔捨得嬲，又唔想傷害水水 比起以前兩個人互鬧互相傷害，已經進步咗好多！
13. 呢段蟹同Stanley都演得好好 好鍾意睇阿蟹演委屈戲，心痛死人
14. 鐵面陳又係做得好好 膠得好可愛
15. 職業生涯嘅污點 總指揮
16. 後樓梯掉煙頭案應該超越風少，成為開心速遞第一大懸案

17. 阿水拎條片嚟交換情報呢下，真係好有阿工feel 兩個人越嚟越夾，越嚟越似，你中有我，我中有你 Call me by your name, and I'll call you by mine
18. 阿水包到咁實去深入虎穴 不過原來禾稈冚長腿
19. 如果阿工知道阿水為咗佢去下海，第一個反應一定係心痛兼驚水水蝕底 ，知道阿水被人趕出黎之後，一定會笑水水咁嘅雙下巴，都走去學人應徵公關
20. 捉蟲賓館

21. 屌，鐵面陳同阿水講「我諗就唔得嘞，阿工啱啱攞走咗個地址」個陣仲要陰陰嘴笑
22. 呢個tracking shot不得了，令我諗起Netflix套Daredevil第一季著名嘅hallway fight scene
23. 好認同主po有絲打講，呢個長鏡充分反映阿工心理狀態，揈來揈去不穩定，但又非常衝動同主觀 劇組心思值得一讚！
24. Stanley／阿工演得非常出色 型到痴線
25. 阿水係度做阿工嘅磐石，我諗起劉青雲個句：「每次當我揸住太空船，飛到宇宙唔知邊度，你總有辦法令我安全返回地球。」

26. 阿工係公園叫傑叔做戲個段，Stanley演得非常好！！！ 個種激動但又要忍而不發，眼有淚光，睇到人非常心痛
27. 不過我懷疑傑叔啲reaction shot係補拍的，下下直望鏡頭，但阿工講嘢就係over-the-shoulder，仲要刻意唔影傑叔個樣，有啲唔自然
28. 龔友跌餅笑死我
29. 阿工：「只要佢令到阿爸開心，咩都可以算 」
30. 一來好開心見到阿工終於放低攬住20年唔放嘅仇恨，好替佢高興

31. 二來呢一句令我深深感受到，阿工呢個孝順仔同阿水真係好襯 阿水都唔知講過幾多次，只要根叔開心就ok
32. 好認同嘉頓應該搵工水+龔友拍廣告，仲要講返有雜餅就唔駛食家明
33. 「呢個咪你女朋友阿May囉！ 」如果呢下王朝馬漢係後面偷笑就正囉
34. 好想睇下集，威龍秘密網個個都以為工水一齊咗，然後阿水扭計，阿工就打蛇隨棍上問：「乜你好唔想同我拍拖咩？ 」／「咁你想唔想同我一齊吖？ 」
35. 好認同satok絲話，由龔友親手解決傑叔呢條線真係神來之筆，搞笑反cup符合風格之餘，原諒傑叔又溫情，但惡人又有惡報，仲唔會加重阿工嘅包袱，收得好靚，非常出色

36. 阿工又再實力護妻
37. 工水上次係選戰展現咗公事上嘅合拍，今次輪到私事，淨係對視而笑，簡單平淡但已經sweet到盡在不言中
38. 如果咁樣下集都仲誤會兜圈，真係會嬲！
39. btw大家覺唔覺得工水主線，阿工多數著藍色西裝 定係我諗多咗
40. 總結：又一經典集數，媲美心戰／復仇記、燁來越愛你！

同意！同埋如果真係因為咁而寫少工水會唔會兒戲咗啲 不過依家知道都好嘅，咁我唔客氣喺嗰邊瘋狂吹奏工水啦 理閪啲負皮

你中有我，我中有你真係好正

第21

我見到
小娟一面花生樣

Btw諗返起我好似最近果兩三集供水主線都將工業表情包放咗喺呢邊post好撚後悔 你地話好唔好將琴日嗰集個啲擺返去嗰邊好

第27點
西裝絲留意得好仔細
我掛住睇演員演出冇留意得到咁多

好啊

辛苦哂西裝絲 好詳盡啊 睇到我笑又想再loop

主po已經推到去30頁

忙到PK但係知道係主線都即刻睇咗!!!!
今次兩集都好好睇
見到呀龔解開左心結, 作為觀眾都覺得終於鬆一口氣呀!