睇到好開心 真係好多阿水對阿龔嘅嘢,未必係直接講出嚟而係做出嚟。第一幕真係龔水一齊探龔爸,俾阿水親眼見到龔爸連阿仔都唔記得呢下已經勝過任何解釋 之後Jenny係初戀cafe叫走阿龔而阿水都唔會好嬲嬲阿龔,我覺得似係因為阿水對阿龔嘅信任大咗。以前係阿水喺lift入面唔撳掣又撞頭俾阿龔見到,今次係阿龔亂飲跌打酒俾阿水見到,咁樣呼應返龔水都見過對方不知所措位好正 (而家佢地都有對方送嘅跌打酒做定情信物 )
第一part已經咁多水對龔大提升位,但好戲在後頭,大排檔主動氹阿龔笑返 呢個傻婆真係好值得阿龔去愛 不過阿水聽到傑叔解釋兩嘢show下心口同聽阿龔講雞蛋仔故事就由外太空原諒傑叔 阿水真係好好人 默默守住一邊之後再跟住阿龔後面執衫呢啲簡直就係女朋友啦 呢幾個鏡頭真係甜到核爆 勢估唔到上熊家仲可以再甜啲,平時嘅潔癖龔可以安心咁係凹凸不平又有啤啤口水味玩具上面瞓到咁淋,只因為隔離係守護佢嘅雙下巴天使
今集阿淳演繹阿龔做得超好,我會認為甜酸苦辣都做得好到位
甜-首選係最尾甜睡少少想發開口夢嗰隻 次選大排檔見到傻婆手撕雞
酸-阿爸唔認得自己嗰下,跟住係初戀cafe個無奈樣
苦-聽完傑叔解釋怒掉雞蛋仔去到打籃球,嗰種唔開心發洩,廿年心結真係唔易放低
辣-沙包龔被狂砌,雖然明知假但望落似真係好痛咁