有冇人試過全身麻醉？

全身麻醉果下唔恐佈 幾秒都冇 聞下氣就訓著左

但係事後醒返會有唔同反應 我就係好頭暈 好攰
好想飲水 喉嚨好痕 訓返一覺就冇事

之前做手術
一開始以為會係吸氣
點知個麻醉師一野係我喉嚨位置打針 再係鼻窿插管
即刻feel到窒息 抖唔到氣想死咁（仲痛到仆街）
一醒返見到白光以為自己上左天堂

我細個都係比佢呃聞士多啤梨味

割盲腸試過
條手術佬話大力吸幾啖氧 之後幫你打麻醉針
然後大力吸左兩野就斷左片

果陣同我講數十秒， 然後推d麻醉藥落我身體，
但係數完十秒都未訓， 個醫生即刻話加多少少

試過幾次都冇嘔冇暈
吸完即瞓個feel好正

上次照過一次腸鏡。
嗰時個醫生同我打完麻醉針之後，問我眼唔眼瞓。
我答佢: 吓，我仲好精神喎⋯⋯
之後過咗兩秒即刻昏迷咗
我同啊媽講返，點知原來我啊媽都係咁。
好好笑

如果每晚臨訓前有得吸一兩下就好
真係好回味

訓醒唔知點解係度喊 之後黑眼圈冇哂

做過局部麻醉 喺左手掌小手術
有近視睇唔到手街室環境 但聽到醫生佢地溝通
個陣個姑娘叫我瞓啦唔好聽唔好諗
但心電圖啲聲同啲拎器具聲好影響我
最後無聊到試下數自己心跳係咪同心電圖啲聲一樣同聽住醫生講咩就做完
打麻醉針個陣插咗入去係咁郁支針個幾下好痛
介開我啲皮個陣係feel到有野刮我 但完全唔痛
就好似屈住隻腳太耐冇曬知覺拎指甲刮自己咁
出院個陣麻醉未過仲自己換衫
但一過咗麻醉係痛到食藥都冇用



我妹做過全身麻醉 佢話佢講到二就瞓死咗
佢出手術室個陣我父母有同佢講下野
我妹話係聽到佢地把聲但郁唔到
做完手術6個鐘後去探佢 佢仲迷下迷下咁
問佢痛唔痛又話唔痛 但好想嘔好想瞓教就算
第二日去探佢先開始話傷口好痛

骨折要打釘 試過一次全身麻醉

數3聲就無意識
轉眼間就醒返

果種感覺
同訓教嘅時間觀念感覺相似
知道時間流逝咗
但明顯無訓教嘅舒適感
反而會覺得攰

我聞完個陣
試過想提自己唔好訓
想試下可唔可以抵抗啲麻醉藥
頭5秒都未訓架
但真係唔知點解會突然間失去意識
醒翻已經做完手術

我都係

一拎個罩一吸就三秒就訓著左

前幾年盲腸炎半夜推左入去手術室,個醫生係鬼婆,同佢嗲左幾句之後幫我帶個罩之後叫我深呼吸,之後幾秒後就訓左,醒返果陣個身勁重勁攰,係連手指都覺攰

局部、全身都試過，兩隻都要加分量先得

局部你個人唔驚，其實冇乜野事，最好做局部tim

全身加完份量醒番，瘋狂嘔，食乜嘔乜，飲水都嘔水，搞到又餓又乾都唔想飲食，但冇食冇食都照嘔 嘔左應該有十二個鐘，隔離d人望到我咁，都話驚到唔想做手術

咁我又冇嘔 做完仲好肚餓， 應該係手術類型問題

割包皮試過

有 醫生同我講話 「拿，依家幫你麻醉，你吸完之後數三秒就訓著架喇」
之後吸左Ｄ好甜既氣 數左兩秒就訓著左

無數，一打完，乜鳩都無就訓咗，起身就喺床，隔離係姑娘同老母

好細個照腸全身麻醉過一次 嗰陣開頭仲feel到有啲唔舒服 心諗死啦係咪我平時難瞓著啲麻醉藥唔夠令我瞓 然後過咗陣昏迷咗

前排整親做手術又全身麻醉過一次 今次仲快 打完針吸咗兩啖氣就昏迷咗 過程我諗兩秒 醒返已經出咗手術室 痛到喊但連抬高手抹眼淚嘅力都冇

上網check過話全身麻醉唔會對記憶做成咩影響
但係之前全身麻醉過之後，成日都唔係好記得以前D野，所有野都係好零碎，果排記野都差左，轉個頭又唔記得
究竟全身麻醉係咪真係對個腦無影響