有冇人試過全身麻醉？

前排先照完腸胃鏡，數到6就斷左片，醒返已經係病床，之後落床又暈低左

試過做割粉瘤手術，因為就起皮膚以下所以最初醫生話唔使全身麻醉！
點知做手術嗰日入到房先話約左麻醉師話同我全身麻醉,我即刻話之前講唔使全身 麻醉唔好搞！跟住佢又ok,局部麻醉同比氣我聞話會暈暈地，但我成個手術都好 清醒，點樣比佢刮我都feel到

點解有d人咁輕鬆
正常醒後會狂作嘔，好難頂

點解要空肚？？？

舊年剝4隻智慧齒要全身麻醉(麻煩case全部要劏開牙骨先剝到)
佢叫我吸三四下氣就會暈
我吸完四下之後扮暈一秒又mark返大隻眼
但之後再吸兩三下就冇知覺lu

會發到夢嫁咩？

試過一次
會有幾塊野痴係個身度量脈搏
之後會有枝針插入手
一開始未落麻醉藥
個醫生一叫我吸氧氣就冇咗知覺
過程冇唔舒服 唔會痛
不過醒返個嘴唇好乾 仲嘔咗成10次

會呀
好似訓着左

用嚟吊鹽水或靜脈注射嘅工具，會插入條血管度，用幾日個豆會漏或者血管會腫，就要再搵位插過另一個

通常插喺手背，如果照CT打顯影劑就插喺內手臂，因為內手臂條血管粗，如果用手背粒豆打顯影劑，驚打爆條血管

試過係床準備做個陣個醫生話吸啖新鮮空氣，之後2-3秒就冇晒知覺

小學雞試過打完針
已經不醒人事
醒醒地先知已經被姑娘玩緊賓周

好似10秒內會訓左

哦 好恐怖

試過鼻骨裂左要做全身麻醉，其實無乜野。護士都係叫你用力聞氣 好快你就覺得眼皮好重 跟住醒返就做完

有冇巴打可以講下
醒嗰下同平時訓醒有咩分別？
感覺係訓左一覺自然醒定好似平時恰一陣咁？

我做嗰陣係數到第八秒就訓著咗 眼皮好重好重就恰著咗
醒嗰陣 係醫生拍醒我話做完啦
我仲問佢「吓 咁快啊？」
原來個手術都做左個半鐘
然後佢就隊左張相比我睇 切出嚟嘅組織

想請教下照大腸鏡前三日要點戒口法？？我就咁望好似得粥水食得，連白麵包都唔可以食

人生做過3次大手術，3次都係倒數，通常數得兩三下就失去知覺，醒返多數都迷糊返一段時間

成廿年前 佢叫我望住佢 數佢舉左幾多隻手指 好似數左兩三下就訓左

被人偷左幾個鐘咁姐

最後記憶係數到17就訓左