有冇人試過全身麻醉？

好似好多人唔知訓左會發生咩事咁

剝牙會feel到佢用力拉你隻牙走
其實都幾恐怖

我試過一次吸氣 我以前成日諗如果我死唔合眼係咪可以用意志力保持清醒
原來真係唔得
佢會叫你數十下 第三下基本就已經暈左
下一刻就係醒返個陣 感覺好似過左一秒禁

佢無啦啦話比氧氣我吸 仲叫我吸多啲
出盡力吸左兩三下就眼前一黑

一直都覺得好似比人呃左咁

有冇人係可以靠意志頂超過10秒

你地講個情景

勁似之前套漫畫

http://lih.kg/bdMQMS

麻醉果一刻到醒番感覺只係一秒

訓覺都仲話有夢

會記得個夢同埋知道有時間流動緊

但就咁聽你地既經歷

真係好似去左個混沌既世界咁

但醒番就完全無記憶

試過 醒返條鳩縮細左

係外國咁樣可以告死個醫生

我講完自己個名就訓咗

人生試過兩次全身麻醉
聞氣同打豆各一次

聞氣就小六 要做牙腔割個瘤出嚟
叫我數1到10 每數一下深呼吸一下 係慢慢瞓著果隻

打豆就上個月嘅事 一次過剝4隻智慧齒
打粒豆痛到癲 然後打鹽水 再打藥係無啦啦斷片

數到6
醒返醫生同我講我係第一個數咁耐嘅人
佢唔講我都唔記得數到幾多

佢話開始麻醉之後，會突然一秒訓咗，唔係慢慢眼訓。起身果時係好似沉睡後醒番，過一段時間先感覺到自己有吊住d液，下面有尿喉等等....

我記得嗰次係3秒後突然反一反胃之後就瞓咗

我係係粒豆度打麻醉藥，即刻係咁咳
跟住醫生叫深呼吸數一二三，深呼吸完數左一聲就訓左

外國現在麻醉師係升格做醫生，當然係告做個麻醉個個醫生

我只係記得佢同我講依家麻醉
我就feel到有液體係種豆個隻手慢慢流入身體 大概3秒我就沒知覺 醒返個陣就出咗手術室
雖然我一醒就落咗床 但後尾姑娘話其實唔好咁快落床 好易跌低

唔好講全身麻醉
早排訓唔到覺到要睇醫生，醫生開咗啲安眠藥畀我，叫我一定要確保自己喺安全情況下先食（即係食完去快快手沖涼訓教都唔得），最好第二日放一日假休息
我第一晚食，食完同男朋友講講下野就訓著咗，醒返已經係第二日嘅晏晝，訓咗十幾個鐘完全無醒過。
男朋友同我講返係我講緊野，突然就訓著咗，好似暈咗咁，嚇親佢

同埋第二日起身，個人完全係諗唔到野，動作同反應都極慢

我諗全身麻醉一定好恐怖

之前爆肺做過，係粒豆個度入麻醉藥，我仲記得個醫生問我覺得點，個陣想答佢feel左有陣野衝上個腦度，但係我未開到口已經訓左

剝過兩次牙
第一次剝牙係左邊上排牙
打完局部麻醉之後望住牙醫係咁扯你隻牙
你feel唔到痛但你會覺得隻牙郁緊 成個人都跟住個牙醫既拉扯係到郁
最恐怖個下係隻牙一野飛左去冇局部麻醉既右下
然後feel到隻牙係右邊 最恐怖係呢到
到依家仲記得隻牙係右邊既感覺 陰影

我覺得局部仲恐怖

試過做手術要全身麻醉
個醫生用麻醉藥之前同我講話三秒後就會暈
點知都未數二同三
我已經直接斷左片咁

13歲試過，聞一聞就瞓左

真心係無 醒返個下嘅感覺怪得嚟又會驚驚地
因為唔知發生過啲乜