匈奴復聚兵樓煩西北,漢令車騎擊破匈奴。匈奴常敗走,漢乘勝追北(韓信盧綰列傳)
係趙地匈奴一直被漢軍追住打,說好的漢人唔夠外族打呢?
莫非係朱將軍嘅平行世界入面先唔夠打?
(至於匈奴列傳入面話冒頓用弱兵故意輸掉晉陽依個就唔太可信,因為晉陽係中原北方門戶,掌握晉陽中原就係一馬平川,北宋就係因為太原守唔住比金兵7日攻到開封,咁重要嘅重鎮居然放棄去追求一個虛無嘅誘敵目標根于就係膠
)
然後劉邦輕兵冒進,自己帶騎兵遠離主力係天寒地凍下追至平城(山西大同以北),好好打嘅匈奴反而被劉邦追到自己領內
漢悉兵,多步兵,三十二萬,北逐之。高帝先至平城,步兵未盡到,冒頓縱精兵四十萬騎圍高帝於白登,七日,漢兵中外不得相救餉。(匈奴列傳)
高祖自往擊之。會天寒,士卒墮指者什二三,遂至平城。(高祖本紀)
劉邦輕敵冒進遠離後方犯左兵法大忌,手下騎兵人數又唔多(自天子不能具醇駟,漢書食貨志,天子車駕連4匹純色馬都無,可見漢初馬唔多,騎兵數量都唔會多)又天寒地凍極為不利,同外界隔絕,糧食唔夠,係依個情況匈奴四十萬(應該跨張)居然圍攻7日7夜都攻唔下如此不利嘅漢軍,都已經唔知朱將軍係笑緊匈奴廢定漢軍廢,又或可能朱將軍認為冒頓有騎士精神,圍住劉邦7日係為左同漢帝對望等漢軍主力趕黎(還攻樓煩三城,因擊胡騎平城下,所將卒當馳道為多。勃遷為太尉。,絳侯周勃世家,硬係等到周勃帶步兵主力到平城合攻匈奴,先被迫同劉邦講和)
而所謂講和之後,結果漢軍再度北上
復以太仆從擊胡騎句注北,大破之。以太仆擊胡騎平城南,三陷陳,功為多(樊酈滕灌列傳)結果灌嬰一時唔小心又將匈奴將封戶打左次
當然係朱將軍世界入面,中原王朝唔洗考慮氣侯同千里而來嘅後勤,劉邦係天寒到病死士卒,兵少於敵幾十倍被圍於山城之上居然反攻唔到敵人就係無能麻,就係漢軍打唔嬴外族麻,明白嘅
而漢軍半次失敗等於唔夠匈奴打,武帝衛霍開始漢朝將匈奴打到衰落,打通西域,咩明犯強漢者雖遠必誅,匈奴分裂北匈奴西遷消亡,南匈奴內附漢朝依到都唔算漢朝將匈奴打爆,因為漢朝初年因為國力問題唔夠匈奴打呀麻,明白曬啦,總知就係漢朝唔夠匈奴打,證據Who's care
PS:朱將軍你發表膠論起碼讀下書先9UP,次次見到你立埸先於證據,所謂例子唔係一次當永遠以偏概全,就係根本係錯漏百出,可以咁若無其事咁一直講膠論
,係精神嘅