豐臣秀吉算唔算歷史上唯一一個玩difficult mode由lv.1打到爆機嘅人

咁劉邦秀吉毛澤東都有人捧上位嘅 唔通咁又唔計佢嘅努力

你咁樣好似講到孔子周遊列國無意義咁 若果唔係佢堅持周圍去 又收唔收到咁多學生？又有冇咁多人生感悟寫得出論語？

上面有人話劉邦最多識幾個字
及高祖、盧綰壯，俱學書(史記 韓信盧綰列傳)
劉邦壯年時係有讀書,咁學書係學到咩水平
項籍少時，學書不成(史記項羽本紀)
項羽依種貴族都係用學書描述佢讀書
而劉邦文化水平可以從2個事例睇到
張良對曰：「臣請藉前箸為大王籌之。」曰：「昔者湯伐桀而封其後於杞者，度能制桀之死命也。今陛下能制項籍之死命乎？」曰：「未能也。」「其不可一也。武王伐紂封其後於宋者，度能得紂之頭也。今陛下能得項籍之頭乎？」曰：「未能也。」「其不可二也。武王入殷，表商容之閭，釋箕子之拘，封比干之墓。今陛下能封聖人之墓，表賢者之閭，式智者之門乎？」曰：「未能也。」「其不可三也。發鉅橋之粟，散鹿臺之錢，以賜貧窮。今陛下能散府庫以賜貧窮乎？」曰：「未能也。」「其不可四矣。殷事已畢，偃革為軒，倒置干戈，覆以虎皮，以示天下不復用兵。今陛下能偃武行文，不復用兵乎？」曰：「未能也。」「其不可五矣。休馬華山之陽，示以無所為。今陛下能休馬無所用乎？」曰：「未能也。」「其不可六矣。放牛桃林之陰，以示不復輸積。今陛下能放牛不復輸積乎？」曰：「未能也。」「其不可七矣。且天下游士離其親戚，棄墳墓，去故舊，從陛下游者，徒欲日夜望咫尺之地。今復六國，立韓、魏、燕、趙、齊、楚之後，天下游士各歸事其主，從其親戚，反其故舊墳墓，陛下與誰取天下乎？其不可八矣。且夫楚唯無彊，六國立者復橈而從之，陛下焉得而臣之？誠用客之謀，陛下事去矣。」漢王輟食吐哺，罵曰：「豎儒，幾敗而公事！」(史記 留侯世家)
張良引經據典,劉邦同時對答如流,證明劉邦係知道張良講嘅歷史典故係咩,側面反映劉邦係有讀到咁上下書
另一個
劉邦自己晚年返沛寫過詩歌
大風起兮雲飛揚
威加海內兮歸故鄉
安得猛士兮守四方
又反映劉邦係有番咁上下

其實要嚟嘅都會嚟，不過如果唔係小冰期，或者早啲喺鬼佬國家進口薯仔，明肯定唔會因為饑荒民變而落得亡國下場
始終明國去到中期開始有啲不思進取，但如果有幸留到十九世紀中期嘅話，佢肯唔肯同日本一齊整個「西學東漸」就幾值得商量吓

秀吉晚年做最錯都唔係征朝,而係殺秀次

啱呀 題目係講去到最高成就咋嘛 冇話之後都要keep住

上面提到明末小冰河期,其實我個人覺得小冰河期只係明覆亡一個好次要原因,明朝腐敗到無可救藥先係主因

首先,最廣義嘅小冰河期係指歷史上某啲時期會特別凍,同埋特別乾旱,依家主要出現咗4次同明清小冰河期一樣嘅冷期
如果用中國歷史嘅時間線黎分,分別係
1.自周穆王二年（西元前 1000 年）至東周平王東遷時（西元
前 770 年），是中國歷史上第一個小冰河期。
2.自西漢成帝建使四年（西元前 29 年）起，經東漢、三國、晉、南
北朝至隨文帝開皇二十年（西元 1000 年），是第二個小冰河期。
3.自北宋初葉之太宗雍熙二年（西元 1192 年），是中國歷史上 的
第三個小冰河期。
(中國第三個小冰河期比較特別,同期歐洲反而係中世紀溫暖期,氣候異常地暖)
4.第四個冷期自明太組洪武元年（西元 1458 年）至清德宗光緒六年（西元 1880
年）
(《氣候創造歷史》,許靖華)
一般我地依家提到小冰河期就係專指明清時候個次世界性嘅明清冷期
四次冷期有長有短,我地睇到每次小冰期當中,中國都會出現災難性戰亂同改朝換代發生,比如周室被入侵東遷,依個POST講嘅五胡亂華,石田巴打講到室町嘅末年日本戰國同埋將會講到嘅明末戰亂,所以小冰期帶黎寒冷乾旱對於古代農業社會帶黎衝擊,令到戰亂發生,明末民變發生原因有一部分係當時西北連年大旱,加上加征三餉迫反農民
但係依個最多只係引爆晚明個炸彈嘅藥引,而唔係晚明滅亡嘅原因
因為如果用小冰河期黎解釋晚明衰落同滅亡,實在有太多野解釋唔到
首先,明清冷期有3個最冷期(From WIKI)
1450年——1570年：斯波勒最小期(明景泰元年至隆慶四年)
1645年——1715年：蒙德最小期清順治二年至康熙五十四年
1770年——1830年：道爾頓最小期 題外話所以唔查了
我地見到係冷期入面最冷嘅反而係清朝時期,當中有一大半時間仲係要係康熙年間發生,如果小冰何期真係令到農業社會出現糧食危機,照道理滿清特別係康熙先係受到最影響嘅時期,但係康熙反而開始康雍乾盛世,人口仲要已經超越明朝晚年人口數量,當中無發生好似晚明咁大規模民變,唔通滿清識氣候武器,只係凍明朝唔凍自己 ,所以單係用冰河期搞到明亡時間點上就好難解釋得通
其次就係明清冷期係一次世界性全球氣侯變冷變乾,石田巴打都同意就係歐洲同西亞都受到氣候變冷衝擊,英國,法國,瑞士都因為歐洲變冷而出現饑荒(其實嚴格上黎講英法出現餓死幾十萬人饑荒中國已經係清朝時期),但係就只有中國(明)滅亡,其他成熟國家都堅持落黎(不過三十年戰爭(1618年－1648年)我唔太同意係關氣侯事,就算係氣侯溫暖,歐洲一樣會爆發一場針對哈布斯堡霸權嘅戰爭,因為無任何歐洲國家會接受一個擁有西班牙,低地,意大利,匈牙利大片領地嘅國家,同時擁有中央集權嘅神聖羅馬帝國皇位,所以先出現英法荷瑞加上新教諸侯一齊圍攻哈堡)
就講中國而言,唔單只係明朝會受到極端天氣影響,女真都會受到極端天氣影響,"上年水災，胡地尤甚，飢寒已極，老弱填壑，奴酋令去覓食。“ - ”李朝實錄·光海君日記“,上面講努爾哈赤時候都會被饑荒影響,都會令到女真諸部受到更多內亂戰爭,唔係只係得明先會被天氣凍到,其他民族都會被影響,明朝虛弱,後金滿清,甚至係農民流寇一樣會受到糧食危機影響,皇太極多次入關搶掠好多次原因就係因為遼東發生饑荒入關搶糧,咁點解就只係明政府中伏,反而流寇女真又無虛弱,仲要愈打愈大?小冰河期又係解釋唔到
另外仲有一點就係,雖然陝西係連年天災,但係明朝並唔係全國都係咁,明朝東南地區經濟繁榮,正值所謂資本主義萌牙(不過其實係打飛機多,一個完全睇唔起商業嘅專制社會點可能自行發展資本主義),明南方一片繁華景象,點解明朝就調動唔到依啲地區資源去抗敵,去救災,要知道康熙年間陝西一樣有千萬人口級嘅旱災,佢地就可以唔發生動搖國本嘅民變,明就滅亡呢?所以歸根究底就係明政府低效無能,貪污腐敗,係人禍令到天災成為皇朝喪鐘
好耐之前寫嘅一篇文

仲有最後一個小冰河期解釋唔到嘅地方,就係同期農業帝國表現
如果小冰河期係明亡一個核心原因,按理應該會影響埋世界上其他農業帝國,但係由1619年薩爾滸之戰至1644年崇禎殉國,世界其他農業帝國一樣無事無干,好多仲要係進入其鼎盛期,就用石田巴打講嘅日本,日本係17世紀德川幕府已經建立,國家正值平穩安定發展,經濟繁榮,甚至令到永曆帝想求江戶出兵對抗滿清,同明末一比簡直係2個世界,印度莫卧兒帝國正值盛世,集合全國工匹修建泰姬陵,波斯17世紀初阿拔斯一世帶領薩非王朝步入顛峰,利用先進火器建立西至底格里斯河，東至印度河龐大帝國,建新都伊斯法罕,號稱世界財富半集於此,鄂圖曼帝國擴張到成為橫掃三洲嘅巨大帝國直到1683維也納城下折戟先等下擴張,同西班牙帝國地中海打到天昏地暗一樣無令佢地政府崩潰,西班牙人擴張成為日不落帝國,俄羅斯正值大擴張期,1648年已經到達太平洋,利用火器征服大量遊牧民族,係西伯利亞草原寒冷饑荒都無阻止佢地,同期係只有明先一片混亂,仲要比本身遠比自己落後嘅蠻族打到變成智障,可見明政府橫向比較都係腐敗無能同義詞
最後一點想討論就係會敗於「草原公路」既野蠻勢力亦唔係中原特色,依點我都同意,被草原民族/蠻族征服嘅農業帝國當然唔少,單係之前講過嘅蒙古已經征服數都數唔曬嘅國家,但係問題係去明末仲會比自己落後嘅民族打到毫無還手之力就真係太廢,因為明末個時已經出現熱兵器,打破咗遊牧/蠻族軍事優勢,俄羅斯就係靠火器不斷向東征服唔同汗國,其他農業帝國(上面講個幾個)都係靠集中使用火器建立強大有力嘅中央政府,因為火器算係當時高科技同昂貴嘅技術,大砲同火槍唔係話學話整就輕易學到整到,火力優勢令到訓練良好步兵可以輕易對抗重騎兵,而且火熗手訓練低廉都大大促進農業帝國組織新式軍隊,所以十分有利於農業帝國對抗以前以騎兵為主嘅不同蠻族,所以你見到其他歐洲/西亞國家/日本軍隊唔會好似明咁比落後於自己民族打到仆街,最糟糕係明政府腐敗到武器換代極下,當三十年戰爭瑞典騎兵用緊手槍板甲依啲先進武器,主力遼東騎兵竟然仲用緊朱元璋已經出現古董-三眼統,射程火力準繩差仲要係火門槍,同歐洲甚至係日本差咗整整一個武器代(當然日本大砲技術 ),威繼光好早就叫明軍換曬烏銃結果因為無錢都不了了之,最後係遼東戰場上明軍垃圾火器竟然可以比後金軍牛皮盾車(係呀,你無睇錯,火熗可以比牛皮造嘅盾擋住,唔係鐵盾黎),又或者連後金重騎步兵重甲都打唔穿,更加搞笑後來滿清見識到火砲之利,有孔有德,尚可喜幫助,火砲技術急起直追,無得耐就可以自己造出合格紅夷砲,而明自己造啲紅夷砲最出名就係炸膛,一係就係威力同外國人造啲差天共地,結果死死地去澳門一係同葡萄牙人直接買艦砲,一係搵傳教士幫手造,可見明皇朝真係腐敗到無可救藥

其實明治天皇個mode仲難玩
又大政奉還,明治維新,之後仲要ko滿清同俄佬,將日本推上做亞洲第一強國。你可以話佢首抽好做到天皇。但睇返歷史應該冇邊個傀儡皇朝係反cup到,仲要以比世界都睇低嘅情況下打贏2大強國。雖然佢起手比秀吉好,但佢嘅成就秀吉1成都應該冇

你唔好話呀
古代嘅話，沒落貴族就算再窮，老竇都會識教仔，童年嘅見識、理解到嘅嘢，同字都唔識嘅農民相比完全係兩個世界嚟

咁秀吉點都比我依種毒撚成功得多嘅

我去緊本能寺 睇到呢個po

唔怪得劉備識收買人心

點解意大利打到教宗國得返凡蒂岡就收手？點解墨索里尼想擴張唔取代埋佢做教宗？

唉都係自己個仔
其實對家族唻講又損失ge

呢到後段講關於女真等等既北方民族時有個邏輯問題

冰河期 氣候惡化 生存壓力增加
對農業社會 同埋漁獵 遊牧民族既影響係唔一樣
農業社會 會因為人口數量 結構同資源分配超過土地同資源可承受既上限而分裂同崩潰 （尤其係古代中國呢種已經達到領域擴張極限既文明）

但北方漁獵同遊牧民族面對同樣處境
係會轉而擴張 入侵其他土地
而且動員能力同欲望會比農業文明強好多

另外一個邏輯問題
係古代世界
科技同經濟實力 同軍隊戰力關係唔係完全正比

同埋一個社會比另一個社會成功入侵同征服
唔代表前者既軍事實力較弱

其實差唔多，日本戰國本身就有好多人可以有力擊敗秀吉個老闆信長，例如武田虎，上杉龍，西面毛利，不過全部都早死過佢，呢D都可以係好彩。

但至少朱元璋既老闆都享子興真無咩幫佢打到版圖，而信長既強大大家都知，所以話朱元璋情況梗加惡劣係無錯，自己仲要返家鄉招義士老友先有一千兵加入亂世，跟住老闆無支持仲反過黎要支援老闆俾D自己搶既地招呼佢，後來個韓林兒亦都無咩支援過佢，同佢搶地盤多。

同一段嘢套返落豐臣秀吉咪一樣得

即使信玄同謙信係度 單武田/上杉應該都係同織田勢均力敵 未到擊敗GE

反而毛利真係有機

咁講法，即係明由中期開始，國情腐敗嘅毒瘤其實根本冇足夠嘅時間根除，一定會亡國？

你都講得啱，李自成打入中原後由前朝權貴嘅府邸裡面，搜刮嘅金銀財寶又真係呃唔到人。。。啲大爺根本就寧願睇住明國覆亡都冇考慮過諗使唔使抽返啲私伙錢出嚟幫補吓明民，連臨急抱佛腳接濟災民都唔肯，平時又點會想出錢幫明國增強、改良軍力

咁講法，即係明由中期開始，國情腐敗嘅毒瘤其實根本冇足夠嘅時間根除，一定會亡國？

你都講得啱，李自成打入中原後由前朝權貴嘅府邸裡面，搜刮嘅金銀財寶又真係呃唔到人。。。啲大爺根本就寧願睇住明國覆亡都冇考慮過諗使唔使抽返啲私伙錢出嚟幫補吓明民，連臨急抱佛腳接濟災民都唔肯，平時又點會想出錢幫明國增強、改良軍力

應該中國嘅皇朝有壽命週期,大概三百年上下,因為土地兼併,政局腐敗問題
而皇朝無任何機制可以阻止依件事,就算係張居正都只係令明朝迴光返照

各位討論點主要focus喺 玩家自己的出身同身邊的資源（所以基本write off曬所有貴族出身的人士)

但其實 對手的強弱 & 當時身處的環境都好重要
豐臣秀吉的最大對手係邊個？ 明智光秀定係德川家康？

劉邦的對手係項羽呀屌
楚國貴族 反秦第一先鋒
個人勇武魅力 + 地方勢力（江東）加持
劉邦呢條廢中贏到真係奇跡中的奇跡

齋藤義龍同三好長慶兄弟+嫡子全部突然死亡仲重要過呢三大勢力

勢均力敵五五波同有力咪差唔多，有力唔等於必定得，有力爭冠咁解，一向都話大熱門就叫有力。當時毛利織田上杉武田真係最有力。

你點知佢之後唔會開始做？
如果佢打完朝鮮成功有功績