有冇跟開英國脫歐新聞嘅手足

Agger

醒下啦，英國二戰耗盡國力之後，已經失去對英聯邦國家嘅號召力

澳洲🇦🇺覺得英國都保護唔到
到佢(睇吓英國二戰係亞洲嘅表現幾唔掂）已經轉向親美
https://en.m.wikipedia.org/wiki/Diplomatic_history_of_Australia
加拿大🇨🇦係地緣同經濟上越嚟越靠近美國

印度🇮🇳獨立加上失去蘇伊士運河嘅控制權直頭重挫英國嘅影響力，之後經濟危機要美國幫拖令佢更令佢依賴美國

英國戰後唔係唔想重整國力，1956年英丶法出兵蘇伊士運河已經係最後努力，想同美丶蘇並列第三勢力，但美國同蘇聯一出手佢即刻收皮，反映戰後英國已經力不從心，而蘇伊士危機之後幾年英國由global power變成regional power
https://en.m.wikipedia.org/wiki/Suez_Crisis

所以，都係唔好咁高估英聯邦可以幫到英國幾多
或者英國可以重建新commonwealth，如果行得通嘅話英國佬一早搞左，唔洗死死氣入歐共體

連登仔，務實啲啦，唔好俾祖國光環影響左事實判斷
我都鐘意英國🇬🇧🇬🇧🇬🇧但唔會影響英國國力下退嘅事實

北愛脫英lor....
大英帝國 vs 獨立意識
唔知連登仔會撐邊樣呢

咁再輸係咪再投。然後你贏就對方永不准再投

一係咁啦
脫歐之後再申請入歐盟囉
不過EU應該唔俾你保留英磅

好嘅影響，英資係咁多個西方國家之中最早打入中國市場

點解你有個英國應該強既假設喺心

英帝國自失去印度為止。
佢哋其實一日都冇見過帝國個款
點想像到咁多嘢出嚟

冇假設佢係強，根本熟歷史嘅人都知英國二戰後已經收咗皮，只係對一個曾經影響香港至深嘅大國淪落到咁感到可惜啫

唔賣咪連嗰一陣都冇。點解唔賣

路總是自己揀

UKIP班垃圾幾時先肯出黎主持脫歐大局

依家最大機會係收回返 Article 50.

投到留脫贏為止

留歐*

你估英國好想賣港咩，戴卓爾都仆街，你估佢有得揀咩，要打一早好似馬？

這座第四代的總行大廈耗資52億港元重建，是當時全球最昂貴的建築物及首幢耗資10億美元的大樓......使用了30,000公噸鋼......大廈建造時所用的配件絕大部分都是預造的，結構用鋼件在英國製造

70年代英國經濟唔掂，當時英國最大造船公司差啲破產(仲要係國營 )，你知shipbuilding 對英國幾重要，養活左幾多萬人，為左救返間廠，滙豐專登拆左f舊總部，即刻冇雷公咁遠係英國訂幾萬噸鋼起新總部等班工人有飯開

英國雖然冇係香港收稅(港英政府財政獨立)，但攞嘅著數一啲都唔少，好似滙豐，好似地鐡車箱，好似不同嘅政府and商業採購，都係買英國貨

唔係話香港冇得益，但英國一樣得益唔少，(所以經營殖民地英國真係有一手 )，其實用相宜價錢一樣可以買到日本丶美國貨，但呢啲利益就係益英國(好似而家中國建築咁 )

所以香港同英國嘅貿易先咁高，冇左香港，佢會少左好多商機同對失去亞洲市場同全球金融市場嘅影響力

所以賣港對佢黎講已經係唔錯嘅買賣，唔洗打仗都可以保住香港嘅市場








Ps係香港慘左啲啫

上面又有脫歐撚用香港一套放落全世界打飛機

但佢哋見到蘇獨、愛爾蘭問題又會鬼殺咁嘈，一點也不能少咁大英帝國膠上身

英國本土已經冇左幾多EU總部你地知唔知
D大學窮到每月叫舊生捐錢（講緊oxford Cambridge)
幾多人材留失
本來一個吸金既國家突然冇曬吸金既能力
冇税收，又要cut public expenditure (NHS已經夠廢）
講緊未來10年20年冇運行

黎僅可能要去英國 幾時入英鎊好

係，香港人(尤其連登仔)一直唔印度對大英重要性
jewel in the crown唔係鳩叫，英國原本只係united kingdom, British Empire個empire係黎自印度，冇印度就冇大英帝國，英國係亞洲咁多殖民地(包括香港)好大程度上係靠印度

如果唔係有印度，英國跟本冇咁多人力維持殖民地運作同殖民戰爭，亦冇地方比佢補級，鴉片戰爭就係靠印兵先贏(啲電影一個印度人都冇係鳩黎 )

一對比清法戰爭法國冇補給冇兵力(佢全部法國山長水遠運過去亞洲打梗係唔掂 )打到幾勉強就知印度嘅重要性，除左印度作為跳板殖民外，印度亦係個好大嘅原料來源地同產品傾銷地，有印度，英國工業革命後先唔會有盛餘生產

所以可以話得印度者得亞洲，所以同俄國大博弈係為左印度，搶蘇伊士運河係為左印度，如果冇咗印度貢獻人力，英國一戰會好慘烈，更何況二戰應該一早收工

冇左加拿大同澳洲英國都可以係大英帝國，但當1947年英國耗盡政治籌碼印度獨立後，大英帝國就真係玩撚猿，幾年之內曾經佔全球25%面積嘅大英帝國即刻土崩瓦解

呢點英國政客應該好清楚，於是放手去殖民化體面離開，之後幾十年大英攞得出手嘅殖民地就淨係得返香港，1997年香港handover之後當時認為mark the end of British Empire，但係其實empire早係1947年印度獨立之時已經冇左，以后英女王都係titled “Queen”而唔係 “Empress”

英國嘅成功固之然有佢自身因素 ，但印度一定係佢成功嘅必要因素，點解香港咁多蝻亞人連登仔都可以唔知呢點