[購在深秋] 西裝、皮鞋、皮件討論帖 (21)

即是第3張圖對boot橙橙啡啡咁用埋light brown都可以？

感謝

我會light brown算
雖然我依家幾乎完全唔落cream

唔落有咩好處 我本身淨係用renovatuer 但朋友話最好搞埋cream + wax 搞到要買幾罐野

咁其實啲細廠嘅 last 喺邊度嚟？靠做代工接人地啲 last?

同楦廠買，楦廠抄埋抄埋都抄唔少

我唔鐘意補色，一補無晒啲natural patina，同埋我唔鐘意鞋身咁令，鞋頭鏡面就夠。我喜歡用油，如果delicate d既皮我就會用delicate cream。renovatuer 之類多功能conditioner我亦很少用。

大陸D廠我唔知喇，從前香港D工場就大部分有師傅做，只是老闆願唔願意做啫。

莫講話香港同大陸，依家連西班牙某幾個大牌，入面所謂last making部門都係買出名牌子既鞋倒石膏抄，再改下寬窄。楦師買少見少架喇

做楦師有咩特別skills 點解買少見少
想學嘢

度身同裁衫畫門 可以係同一人
做就通常是其他人

佢用邊個工場同佢點裁塊布影響好大呢！唔好以裁咁簡單，裁唔岩方向、啲紗既力走向唔岩，就算你尺寸完全無問題一樣會唔順，再者好多時裁果個都會同做果個交流，教埋佢地點做先可以達到裁果個人想要既效果，你估真係咁容易？

意大利、英國、法國都好，有無自設公場都好，除非你細規模到得兩三個人，否則做手同裁通常都分開，即使只講做，都有分coat marker, trouser maker等等，唔會一個師傅識晒全部方法架。

尤其是近期好興既raglan coat，好少男裝師傳識上果種袖，響中港台多數都係俾女裝師傳做，又或者Safari jacket，其實基本上都係恤衫師傳做。

呢行分工分得好細架！

咁不如我問番你，裁手、打版師同designer要有咩特別技能

做楦咪同你做衫要打版一樣，你估淨係做咩，都要人畫紙樣同裁架！設計一個楦出黎要參考客戶數據、要有經驗同要有審美天份，同designer差不多，做完個楦通常會跟番楦去設計pattern，唔同楦就有唔同proportion，唔同楦會有自己專用既pattetn，要放落第個楦度就要重新執過無得照搬。

超過九成。不過大陸工其實可以非常好，係可以好到你唔信係大陸做，甚至有部分工場水平超過香港唔止一個level（始終人工平，手作野比較容易搵到人做）。當然，好手工工錢相對黎講亦比較貴。

如果你話支持本土產業，情懷上我覺得好好，但如果只講做工部分，香港真係除左陳記荔枝角個工場（自設）仲有AC沙頭角個工場兩個大工場，其他工場鬥做工都真係可以慳返啖氣。

牛肉飯
傳統上，做楦同做面係兩個師傅來的，造鞋分工都係好細的。
造楦的是不用理會個面點劃的(他們會有溝通，但出面不是造楦的工作)。當然依家有好多工序已是電腦輔助「出格」（即你所講的pattern）

補充，零零散散都仲有啲唔錯既做手響香港，但多數係只做一個工序例如鎖鈕門，同埋多數獨立或小型。

傳統上係咁，實際上就睇邊間，不過依家除非大廠，否則通常楦師要開埋紙樣，而且不在少數。當然，我係講緊鞋廠唔係楦廠。楦廠又係另一回事。

有些獨立鞋匠幫大牌子做楦，例如黃牛幫united arrow設計楦、ugolini幫伊勢丹設計楦，都係要交埋pattern。

香港有邊間西裝係10k 樓下full canvas？

一堆啦 爬下post 好嗎

你講的兩間日本公司本身都不是鞋廠，可能要求不同，方便之後找人生產。
其實有楦係手，放個格話咁易。你見Vass用Ugolini個last任玩乜款，唔通佢地又問Ugolini或伊勢丹拿pattern咩

爬左10幾個post 萬幾個回覆鳥
見到post頭講既 Jantzen / Hackney / Dreams / Browns 但係唔知佢地整唔整full canvas
其實我想知佢地唔係用膠水痴已經夠，之前7k係中環買左套原來係膠水fused黎