[購在深秋] 西裝、皮鞋、皮件討論帖 (21)

我又唔敢話自己完全中立，事實上係我同Stephen Chan有私人恩怨，同萬年兄弟關係不好，呢件事情上我從來無否認。

你所講的所謂「特價貨」其實即係倉存同舊布，個價低係理所當然，正如之前Holland & Sherry 既清倉特價，我俾過喵兄同蛋爺睇價錢表，亦幫蛋爺買左一些，如果唔係答應左H&S唔公開價錢表我亦會樂意講出黎，係非常非常低。

有些專門做舊有生意既鋪，拿圾里、佛羅倫斯、米蘭尤其多，我曾到拿坡里的其中一家買貨，價格亦係低到非常，像Woodhouse的3ply 150s混1% cashmere，買到手四十歐都不用，老的Fox、老的Harrison，很多都只要三四十歐，甚至有的只要一二十，如果有呢度既巴打想買，我做個順水人情到時幫大家買一點回港又有何難？

只是，老貨舊貨便宜賣，與他們定價過高有衝突嗎？

其實布料價格一向十分透明，由原料到成品只要有心找都可以找到價格表，外地價格同本地價格比，太離譜便不買，這只是再平常不過的事，正如買Scabal，我也不會推薦你到黃老太那買貴貨，對吧？

我從來都不是中立的，我購物是更情感性的、個人性的，所以我在這一直都是叫各位巴打，想買便買，只要在你知道自己在買甚麼的大前提下便可以了。

至於WW Chan，的確，他們有不少自用的東西是來自萬年兄弟旗下的品牌，但這代表甚麼？並不代表甚麼，他們也有很多Scabal跟Loro Piana，甚至與Loro簽了約年銷一定米數的布（是一個龐大的數字），難度這些也要在這公開嗎？那件掛在人台上的Lesser 150s 一周一穿都不知道有沒有，腋下的布料已起晒毛粒，這又要特地在這說嗎？

確實我與萬年兄弟有私怨，但在此我也甚少拿私事攻擊他們，我當初跟Stephen合作做生意是個錯誤，合夥40%股分，始初資金該出的錢一毛錢都沒有少，換得被他到處說「解僱」我，我有拿出來講？

要是每件事都拿私事來吵，我想這裡應該永無寧日。

買賣是買賣，明碼實價，英國、意大利賣多少，大家能輕易知道，香港賣多少，做個比價便知。甚麼價錢該買甚麼貨，難道我們連給出資訊的權利都沒有？

拿鞋來說，13年連鞋撐600多鎊，特價能到400鎊的G&G，現在連鞋撐要過千鎊，我老說他們貴，難道我又是跟他們有私怨了？

像Standeven ， KC Lee只賺佣金，價格幾乎與英國定價一樣，與萬年兄弟相比，誰較為合理？別老覺得我在逼害、抹黑萬年兄弟，他們現在賣得貴不貴，我問良心說一句：

好撚貴

我講出過番話來，最少我無愧於心。

利申，因為都係分別兩間裁縫舖，收到相同講法 ，但始終唔係當時人，唔可以百分之百肯定，所以費時網上留言俾人反告誹謗

至於我話Fox 的flannel唔好，正如我方才所說，我手頭上有一套suit兩件褸，全都是Prologue做的。我乾脆拿這幾件，與別的Prologue做的其他法蘭絨料做個比較就好。

我行得正企得正，不怕出來見人，要是巴打們願意，大可出來一聚，現在讓大家用實物比較，不就一清二楚了嗎？

用不著在網上打咀炮，像個市井婦孺一般傳一些似是而非的所謂「小道消息」

我點似呢度d大神可以成碌咁買

唔係散剪呀。係去鋪做都好貴呀

d衫係你手，你之前點整殘d布冇人知，咁就以後可以公平比較

點都唔夠你勁，目測可以見到Lesser d布冇body

可能我個款似混吉 我上星期第一次去wwchan 造衫 佢地都只有介紹我Scabal H&S 先 Harrison 係好後先講一下 LP 就完全冇提

整殘？我真我的想不出所謂的整殘是甚麼回事。布經使用後大不了就是磨損，對其垂墜性和可塑性會有甚麼影響？

再者，我得閒就到DB、WW陳吹水，我要摸到實物又有多難？陳記不就有一套Patrick私伙的H Lesser百五枝掛在那嗎？腋下起晒鏡面、毛粒那套。有沒有Body，上去一摸便知，對吧？

如果覺得我的物品不公平，那拿別的巴打的東西來比較就行了吧？如果有巴打願意的話。我還是那句，我行得正企得正，亦不怕見人，布是怎樣、紗線是怎樣，其實看實物就很清楚了。又或者去問問一些工場裡的師傅，他們總不至於像我一般和Stephen有私怨吧？

一是一、二是二，沒甚麼好怕的

求幫買布

正路推介耳。

大家咁話
睇下Trickers Outlet一係

開個tg，我一月會過英國同意大利，拉我入谷到時幫大家買DHL番香港。BTW其實DB也有庫存一些料，有些是不錯的，但賣唔出。我前排才上去剪左四米玩，大家都可以去望下。

大家唔熟啫，其實周圍都有舊料好抵買

你呢啲咪以偏概全囉!
又唔見你講下Patrick點讚Harrisons Super 150's Grand Cru, 佢同我講話著咗咁多年都仲係咁正，出Trip 都唔使點燙，仲有大讚Harrisons Spring Ram 係吝Fresco系列中最好

呢個世界唔係淨係得你識Patrick同Ricky既

信息差的錢是最好賺

所以並不需要將對布料的評論個人化，我似乎沒有說過Harrison的布料「很差」吧？我一直都說中價位面料來說他家是不錯的哦！萬年兄弟的產品裡，其中一個是Cacciopolli的防鼓包法蘭絨，每次有人問我我都說好的，甚至我現在都找不到替代品，Ricky為我做的那兩條我還有在穿。



但這與他們賣得貴有衝突嗎？即使產品多好，他們也是賣得很貴啊，有問題嗎？

其實如果三千買cheaney我會加多少少買CJ

Cj都好似做緊sale了
Mail order都有 係唔知邊啲款有平

等我過幾日去J街間CJ混個吉先

依家Grenson折開都係200內，Cheaney 250-300 可的，係Royal Imperial 貴左點

唔知資訊up唔update，royal imperial之前見過幾對朋友著，啲皮真係麻麻

兩年前買個對真係麻麻