「三十八」 太好了
點解我呢幾日總係心緒不寧?個心總係有D乜野煩住我。
Proto Zero既下落當然係其中之一啦,到而家都仲未搵到佢真係令人擔心,晨哥到底係度搞乜?
不過除此之外,仲有D野煩緊我。我唔知係乜,總知就係好煩,仲要好不安。
到底係咩事呢…
Cherry:「喂傻佬,你係度做乜呀?」
Cherry一句說話拉左我返黎現實。
我:「啊…係度睇書囉。」
我一邊係度揮動自己手上既書一邊係度講。
Cherry:「扮乜睇書吖你,我留意左你好耐啦,你睇左呢頁成半個鐘啦。」
啊…俾佢睇穿左添。
Cherry:「係咪仲係度諗緊Proto Zero既事呀?」
佢一邊講一邊推開我手上既書,坐係我上,仲用對手撟住我條頸,迫我同佢對望。
我:「嗯…我總係覺得自己欠左佢好多好多。」
「我給予左佢一切,但係過左兩個月又全部收返哂咁濟,我真係好衰。」
「我傷害左佢,傷害左你,每次諗到咁我個心就好唔安樂。」
「我好想做D野去補償,但又唔知自己可以做D乜…」
我長嘆左一口氣,之後閉上雙眼。
Cherry:「你真係好溫柔啊魯路修。」
吓?
聽到佢咁講,我嚇到即刻開返眼,發現佢用緊佢個招牌笑容望住我。
Cherry:「個件事的話,我已經講過無數咁多次話我原諒左你啦,你都係唔想我擔心先咁做啫。」
「至於Proto Zero的話,佢都一定會原諒你架,相信我啦。」
「你而家可以做既補償就係好好咁生活落去,同我,仲有Nicole同Chase一家四口一齊好好生活落去,明未?」
我:「嗯…」
Cherry:「哎…你真係一個令人放心唔落既男人。」
佢講完就捉住我塊臉,錫左落黎。
Cherry:「好啦,氹完你喇,乖乖地食藥啦。」
佢一邊講一邊起身,行去檯面拎我個藥盒。
Cherry:「啊~~
」
我:「哎,唔洗啦我…
」
係我講個「我」字個陣佢就dup左粒藥落我個口度,搞到我幾乎哽親。
Cherry:「嗱水啊。」
我大啖大啖咁飲左杯水,呼,總算得救。
Cherry:「咁就乖啦。
」
我:「唔好當我係Chase啦好嘛。
」
Cherry:「有咩哈哈。嘛,反正你地兩個對我黎講都係一樣,一樣咁重要。」
佢講完就又撲左上黎,攬住我。攬到實一實。
嗯,你係我心目中都係一樣,一樣咁重要。
「叮~」
電話響。
我想伸手去聽個電話,不過唔夠佢快,Cherry已經搶先我一步聽左。
Cherry:「喂晨哥?」
噢,原來係晨哥。九成又係問我身體點啦。
「你話已經搵到佢,仲見過佢?
」
咩話!?
太好喇...