【末日】《末日下的那些人》 (2) 世界即將終結, 我們卻沒能登上方舟

第二天設計圖則如期而至, Kitty把醫院的結構分析和畫出圖則, 齊老大好像沒事發生過似的號召工程師和設計師們來開工, 研究圖則。不過這些都是那些聰明人要做的事, 我和寄葉始終伴在貝兒身邊訴說著這段時間我們發生的故事。

但主要都是我在說啦, 我也希望寄葉能回想起來。

只是說到個別部分我就胡扯過去, 例如馬教授和Kary的究, 又例如-----

「然後, Sunny係後樓梯放開寄葉, 馬教授就話, 呵呵, 我準備左世界上唯一你打唔低既人, 言寄葉小姐~ 然後絢香就走出黎攞起武士刀.....」

貝兒這次終於發現:「喂, 阿平, 你好似漏左好多野Wor!」

「冇呀!」我連忙否認, 「冇!」

「絢香係邊度黎, 寄葉佢又.....哦..!」貝兒終於發現我在拼命打的眼神, 我可是在迴避著寄葉失去了自我向我攻擊的部分!

「明未呀!」

「嗯,明, 合理呀!」

「咁呢, 因為時間有限, 所以馬教授就暫時同寄葉退場.......寄葉?」

身邊的言寄葉看著手上的傷痕, 眼神空洞。

「寄葉, 你做咩呀!」

「.......」她死瞪著那些自己抓出來的血痕, 那些她的理智受藥物侵蝕, 而自己對抗自己產生的傷痕!

「寄葉!」

「阿平..我....」她流下眼淚, 「我記返起....我...」

真不幸! 為甚麼偏偏是這段記憶呢!

我記得Kitty曾給我看過洗腦針的實驗片段: 那些小白鼠被注射後先是劇烈地作嘔, 然後尖叫, 不斷把頭撞向籠壁, 最後自己抓向自己而失去意識。

我沒法想像那時言寄葉的痛苦。

「唔使驚, 過左去架啦, 無事..無事.....」

「我...好痛, 好痛, 好痛...自己既身體無左控制, 然後唔記得自己係邊個, 係邊度, 我抓自己想自己可以清醒返, 但係愈抓就愈痛, 我點叫都冇人應我... 之後有把聲同我講......」

「好啦寄葉!唔好逼自己去回想!」

「唔係...我唔係回想, 係記憶返黎.....佢話我一定要保護馬教授, 然後一定要殺一個叫楊子平既人.我唔想...我撞自己個頭....係天台....係圖書館..係平台...」

我不想聽下去!

住口, 言寄葉!

雖說現在我對她來說是陌生人, 但------

「無事啦寄葉。」我抱住正舉起雙手發抖的她, 「我地無事, 呢度無人會害你。」

「我好驚...阿平...原來人可以會變成唔再係自己...嗚嗚...」

我沒法安慰她, 這一次的事件對她來說是空前巨大的打擊。

對我也是。

「你永遠都係你, 寄葉。」我放開她, 擦去她的淚水, 「無論幾多次, 你就係我最愛既人, 即使個時你話要殺我, 但我都愛住你架, 知唔知?」

記憶的回復次序我們沒法選擇。

不論是好的, 還是壞的。

有名作家說過,「人的靈魂就是由記憶所組成」。失去了記憶, 和失去了自我是一樣的, 人的價格也會隨之而失去。我能做的, 就只是陪著她。

第二天, 液壓升降機的工程開始, 因為需要一些指定的材料, 所以又是我這個拾荒者出動的時候。再說, 言寄葉天天困在WIN中也不太好, 所以這一段時間她和我也一起行動, 按Kitty建議的地點收集材料。能搬動的就搬回來, 不能的就由我打通道路, 例如打開門鎖之類, 實在不行就叫絢香來斬斷之類的前期工作, 再由他們搬回WIN中。

這些事是沒有意義的, 建好了, 貝兒也是會死, 建好了, 末日還是會降臨, 但WIN在齊老大的號召下就是聚集了這樣的一群笨蛋, 即使沒有意義, 也要幹到底的笨蛋們。

時間是一種很可怕的東西。粗俗說句, 它就像尿意, 愈接近終點(廁所), 去勢愈快。

世界末日不知不覺間---

[距離世界末日: 101日]

智能手錶顯示著這叫人絕望的時間。的確, 最近天上的那凶星明顯亮了不少, 潮汐的高度也明顯高了, 看來我們馬上就要迎來終焉。

空虛---

無比的空虛--

我還想再和言寄葉過多些日子, 我不想就這樣分開!

而且, 101日中, 她還沒有回復記憶! 即是說, 現在的「言寄葉」根本不完整, 減掉回復記憶的時間後才是我真正的可以和好共渡的時光!

101日, 才三個月左右, 比暑假多一點點嗎!?

我不禁萌生出, 萬一末日前她也未能回復記憶的最壞打算。

Kitty曾對我提出一個假說: 建造方舟, 飛向無限的宇宙尋找適居星球的難度, 絕對比摧毀掉小行星來得高。以那些建造方舟的黑科技和力道, 破壞高速飛來的小行星雖不易, 但絕非不可能。

但所有政府都選擇建造方舟。

為甚麼?

「痴線, 我點知啊?!」那時我對著手錶吼道。

原因有很多: 無法扭轉的全球暖化, 愈來愈強的大殺傷力武器, 難民潮, 水污染.....大概他們更希望一個重新再來的機會。

而代價, 就是我們。

羅醫生又在腦海中某處顯靈。

「唉...」

「阿平! 你係度呀?」寄葉從後摟住我, 雖然還沒回復記憶, 但她情況好了不少, 能知道大家的「定位」, 例如齊姑娘是護士時的嚴厲, 平時的可靠; 齊老大的堅持;小莉的活潑.....

而我, 是她喜歡的人。大概是重新再喜歡上之類吧。

要趕快起行了。

「搞咩?」我扔掉手上的香菸。

「液壓升降機呀!」

「老老實實, 點解唔叫貝兒搬去地下個層就算呢....」

手錶傳來一下震動和一個感嘆號。

「哼! 大家都咁熱心, 就你係度潑冷水!」言大小姐的語氣也回來了。

突然有種被她罵而產生的愉悅。

一定能, 一定能趕上末日!

我和言寄葉從帳蓬區走向大樓, 果然液壓升降機已經完成, 透過水的重量和壓力, 令升降平台在支架上平穩的移動。

「大家靜一靜。」肥貓是儀式的主持人?

議論紛紛的人們靜下來, 他繼續說:「我地有請齊老大黎剪綵, 掌聲!」

「啪啪啪啪啪啪」

我說手錶錶面放煙花有甚麼意思。

「多謝大家一路既努力, 我代表所有行動不便既人表示感激。」說罷他舉起剪刀剪向紅色彩帶。

上面的大門打開, 舜兒推著貝兒走上升降平台, 然後拉動繩子。按計劃圖, 機房中的水槽的水會流走, 重量漸漸變輕, 那麼較重的升降平台就會漸漸下降.......反正原理就差不多, 在我眼中就是一個「看不懂但很利害」的工程啦!

貝兒和舜兒輕而易降地落到地面, 眾人又傳來一陣歡呼。

差不多時間了。

「寄葉。」我牽上她的手。

「嗯?」

「雖然係本地遊...但都係時候出發, 去我地最後既旅行。」

第廿三章- 末日將至, 忘掉了意義的少女

完

第廿四章- 末日將至, 認定了彼此的我們

東條呢個名套落依家 其實有啲牽強
Even隔咗咁耐 就算記得都只係歷史一部分
乜真係仲會有人憎咩
講到要收收埋埋唔比人知咁
感覺有啲over咗

我可以講, 其實係有

「東條英機的孫女由布子,從20世紀90年代起就一直為祖父正名，宣稱東條英機是國家的英雄，她還參拜靖國神社，否認南京大屠殺和慰安婦等問題。她希望日本人都以自己的祖父為榜樣，日本的心和靈魂才能再次復原。」

「由布子去世後東條英機第四代開始在社會上活躍了起來，東條英機重孫東條英利，利用祖父的影響力從一名白領轉變為「國際教養振興協會」的理事。還建立了右翼網站，自稱神社專家，出版了很多的著作。」

東條家既人其實冇絢香咁自卑, 而且仲四圍唱緊
而且二戰的確對日本帶黎災難, 東條家被視為罪人我覺得係合理既
呢個係我第一個理由

第二個理由, 係「欺凌」, 欺凌其實唔使合理性
你性格毒, 你柒, 你肥, 其實都唔會觸發憎恨
因為欺凌者其實唔係憎對象, 而只想欺凌黎獲得快感
即係「東條」, 同「肥」「矮」「柒」呢d一樣只係一個藉口
絢香只係不幸地被欺凌者用姓氏黎做藉口欺凌
做成佢日後既性格同更自卑
而日本欺凌問題有幾嚴重就更加唔使我講
本來自卑再加被人知道姓東條
成為絢香被欺凌既原因

「霸凌成因及條件包括受凌的高風險學生通常人際關係不佳，潛在霸凌者會基於情緒(看不順眼)及工具(錢及地位)目的而展開攻擊」

但故事發生喺香港 點解講到舜兒呢啲細路都知佢呢個名嘅事

如果係呢個年代
啲𡃁仔咪又係淨係識豆陰

知啫 有條友同你講佢姓江川戶你都呆一呆啦

東條......我係80後識喎

終章既構想依加係我腦中醞釀中, 畫面, 配樂, 分鏡, 伏筆之類更清晰
所以今晚停文一晚, 夢永恆篇唔會太長, 然後-----

個post沉晒底了

幫推

樓主比馬教授捉左返去打懵仔針？

等緊呀

樓主，你仲記唔記得我地呀？？

第廿四章- 末日將至, 認定了彼此的我們

那晚我們把東西收拾好後, 準備第二天就踏上找回記憶旅程。

同行者是小莉和絢香。

「呵呵~~」肥貓向我露出淫穢的眼神。

「呵呵~~」齊老大向我露出的淫穢的眼神。

「........」我特別覺得這酒局又是一個陷阱,「你地會唔會諗多左。」

「冇諗多, 男人最了解男人。」

肥貓點頭同意:「記得要等小莉訓左先好...咩。」

「咩你個死人頭!」我抄起手邊的瓶蓋扔去肥貓, 被他側身避過。

「好心你啦阿平, 」齊老大把手搭到我臂膊上, 「你對絢香無意思既, 就放過人。」

我攤攤手:「我已經同佢講過, 咁佢係要跟住我我有咩計, 我又唔夠佢打。」

「你夠過邊個打。」齊老大補充。

「你講咩話?!」

「冇野。」

「時間無多啦阿平。」肥貓把酒一飲而盡, 「一定要幫寄葉回復記憶。」

「....你同齊姑娘點呀。」

「好到可以同岳父一齊飲酒既程度?」肥貓把手搭到齊老大臂膊上。

「走開!如果唔係末日, 我先唔會俾我個女揀你....」

「嗚嗚, 使唔使講到直..」

「講笑咋! 飲啦!」

相信女生們那邊也在做差不多的事吧。

時日無多, 漸漸開始成為大家認清的事實。

恐怕, 平靜的日子不會長久。地球就是一個監獄, 我們都是獄中等死的人, 將死的困獸, 天曉得會發生甚麼事。

手錶上上的倒數, 變成了 [距離世界末日:100日]

最後的一百日。

末日下的最後時刻, 要開始了。

第二天一大早, 眾人也來為我們送行。特別是用升降機下樓的貝兒, 更是不捨。

「你地會返黎架可?」貝兒閃著淚光道。舜兒連忙幫她擦掉眼淚。

「會呀。」寄葉也說過, 最後一天時, 想在這兒和大家一起渡過。

「記得要等小莉訓....」肥貓牽著齊姑娘說道。

「你收皮, 下一位。」

「阿平, 記得你左手未好返晒, 唔好做劇烈運動, 寄葉, 幫我睇住佢。」

「嗯, 我會日日睇住佢。」寄葉也牽起我的手道。

「寄葉, 一定要記返起我地, 同所有野。」三號道。

「Yes Sir!」

「阿平, 寄葉交俾你保護啦。」齊老大道。

「梗係。」

送君千里, 終需一別。

在帳蓬區的盡頭, 眾人停下了腳步。

「多謝大家幾段日子既照顧。」絢香鞠躬道。

我們的腳步沒有停下。

「乖乖地啦, 小莉!」最後一句由和小莉最熟稔的貝兒說出。

「嗯! 貝兒姐姐都係!」

再次離開WIN。

踏上過去的路, 為的是通向明日。

[開始導航:目的地- 太平山無線電發射站]

穿過寂靜的都市, 我們轉向山上的方向。本來我是打算再次勸絢香走向自由的, 但一向有禮貌的絢香直接怒瞪我一眼, 再反白眼拖著小莉氣沖沖的越過我和寄葉, 所以我還是放棄掉。

舊日的路沒有甚麼變化, 但時光已在看不到的地方蒸發掉, 我們都成長了。

但一直的爬坡使體能最差的我和小莉差點往生。

「前面兩位女俠.....」我舉手示意暫停, 「等埋好嘛?」

絢香默默停下來, 至於言寄葉直接出口傷人:「小莉都快過你, 你仲話要保護我...?」

真令人懷念的傲嬌.....好開心....

絢香提出抱我走可能會更快, 我斷言拒絕, 就這樣邊走邊停, 第一天就這樣被我消耗了一半以上。

「終....終於到...嗄...」

「就係呢度...?」言寄葉一面迷茫。

我心中刺痛一下:「係, 就係呢度。」

眼前的是當日被許少傑燒成廢墟, 肥貓的廣播基地。燒焦後卻帶點白班的木頭散落一地,玻璃, 金屬.....舊日的建築物只留在我的記憶中, 眼前只剩下一堆頹門敗瓦, 空中中甚至還有點難聞的塑膠燃燒的臭味。

「呃.....我記唔起...」

「呢度咩都冇Wor.」小莉也說話。

「小莉, 唔好亂走, 小心有釘之類。」絢香拉回小莉。

「等陣下, 我搵緊....啊, 呢張。」我掏出手機打開照片, 照片庫的就是我一直拍下的各種相片, 雖然有很多都是GoPro的影片截出來的, 但質素也不錯。相片中的就是未被燒燬前的廣播基地, 是我, 肥貓, 和寄葉在基地前的合影,我一臉無聊,言寄葉一臉苦笑舉起V字, 肥貓就咧口大笑舉起手指公, 還記得他當時說難得有女生來訪一定要拍照記念。

「嘩, 肥貓之前原來真係咁肥...」

「你睇媽咪個樣幾為難。」

「一睇就知唔願意影.....真可憐。」

「睇廣播基地啊! 基地!」

「嗯....」

「記唔記得返D咩? 寄葉。」

「似有還無咁...」

「唔使急。」其實我心中急得要命, 「反正我地係度要住一陣。」

場景對她來說是重要的, 所以我打算在每個地方短住一陣子幫助她回復記憶。三人事前當然也知道, 所以也沒甚麼太大意外。

「供電組聽日先用到, 廁所個邊, 後欄其實無燒既, 不過我驚危險, 我地都係露營啦。」我用腳清出一塊平坦的空地。我張開從行山店偷.....拾來的八人營, 和絢香設立營地, 小莉負責和寄葉拾點乾柴回來, 升起營地和火堆後已經接近日落。

「嗯....」

「阿平, 做咩?」絢香走來查看瞪著地上看的我。

「有人黎過。」我在帳蓬後被我踢飛的雜物旁站起來,手中舉起一個啤酒罐, 這明顯是近期被扔到地上的, 沒有生鏽, 沒有蟻蟲或凹陷, 罐中還有一點點酒, 我聞一聞, 酒味還沒完全揮發。

「呢度唔會有人黎?」

「呢度除左廢墟就乜都冇....可能係我諗多左。」

就算有人來過也不代表甚麼, 我這樣說服自己。

「我夜D去巡一圈。」絢香拍拍武士刀。

「我都去。」

「你去左邊個睇住寄葉同小莉?」絢香反問。

「....呃..」

「好啦, 我知你覺得好似對唔住我咁。」絢香伸手整理我亂的瀏海, 「記唔記得Jarvis講過咩? 我都一樣, 我依加好開心, 明未?」

我苦笑:「好啦咁。」

營火燃燒著, 我們的橘色影子在樹影間閃動, 時遠, 時近, 但始終沒有重疊在一起。

「爸爸, 故事時間!」小莉坐到我身上。

「啊....咁呀,」我靈機一觸, 回想起寄葉重新想起洗腦經過的時機, 不是我自誇, 不少人說我說故事時別具畫面感呢!

「好, 今日講一個末日將至, 選擇了廣播的大叔同選擇了作惡的少年既故事!」

絢香微微一笑, 提起武士刀向外走去。

「絢香, 小心D, 有事就吹隻銀雞。」我指指她胸前的哨子。

「嗯。」

天空星羅棋布, 我多久沒有仔細欣賞這最後的星夜呢?

末日的星辰同樣倒影到言寄葉的妙目中。

「當我同寄葉黎到呢度既時候.....第一樣吸引到注意力既就係.....」

寄葉把頭靠到我的臂膊上, 火堆燒著木枝散發出炭香味和她秀髮的香味混在一起特別香。我的故事和柴火燒出發出「啪啦」聲音合唱著, 星河下, 末日下尋回記憶的第一夜。

距離世界末日:99日。