返到屋企之後,爸爸帶咗我同Pari落街散步。伊朗日夜溫差比想像中細,夜晚都係熱熱地,由頭包到落腳咁散步都係會流汗。爸爸同我講,以前對香港嘅認知只有李小龍(其實知道有香港呢個地方都唔容易,大把外國人唔知),而家就多咗我
。再繼續傾先知,原來爸爸係Research Institute of Earth Science (Geology) 嘅阿頭
。媽媽原來係碩士
,做緊學校顧問,我仲以為係家庭主婦。
聽到呢到第一樣諗嘅,唔係唔怪得佢地咁有錢,而係諗,一個小康之家仲要爸爸媽媽咁高教育水平英文都一般般。可想而知,伊朗學校教嘅英文好打有限。要學英文,就唯有俾錢出去上英文班。
起初講過,齋戒月好多舖頭唔開,咁樣啲舖頭點搵食?我問爸爸得到嘅答案係:伊朗人懶,真係好懶
。就算唔係齋戒月,平時鍾意幾點開就開,幾點閂就閂,有時太懶就唔開門。齋戒月就更誇張,反正日頭開得都剩係做遊客生意,咁你齋戒月遊客又點會多?開嚟都拍烏蠅。就算天黑可以,九點先天黑,開得嚟幾個鐘就閂門,唔開好過啦。
即係無答過我問題。
-
第二日都係出街周圍行
後期整理啲相先發現好多都有肥仔