[搬返過嚟] 撞正伊斯蘭齋戒月去伊朗couchsurfing

呢到想寫返樣一直無提過嘅事，諗咗好多次唔知講唔講好，可能我。

收到媽媽個銀包嗰陣，我即刻將自己銀包啲嘢執去新呢個到。就係咁我發現少咗一啲錢，確實有幾多我唔記得。我剩係數住有幾多張一百萬Rials，我好肯定少咗兩張，之後諗返其實啲細紙應該都唔見咗啲。大喇喇五舊水，話多唔係好多，但對我呢啲窮撚唔見五舊水都好撚肉痛。我嗰下有啲緊張，媽媽問我咩事，我就如實相告。媽媽同兩姊弟講完之後，肥仔竟然喔咗一聲，然後入房拎咗兩張一百萬拉出嚟。媽媽話肥仔喺房見到，以為係自己啲錢。唔使我講大家都可能諗到，咁細個嘅小朋友邊可能有面額咁大嘅紙幣？更何況我呢幾日都喺佢房住，其實… 都幾肯定啲錢係我嘅？但你話佢有心攞去嘅咁就唔會媽媽一講就恍然大悟？

呢件事放喺我心到年幾，可能始終唔想對佢地留下壞印象，想記住肥仔就係個會錫我一啖嘅得意豬。

1,000,000 Rials，大約港紙260幾

呢到想寫返樣一直無提過嘅事，諗咗好多次唔知講唔講好，可能我。

收到媽媽個銀包嗰陣，我即刻將自己銀包啲嘢執去新呢個到。就係咁我發現少咗一啲錢，確實有幾多我唔記得。我剩係數住有幾多張一百萬Rials，我好肯定少咗兩張，之後諗返其實啲細紙應該都唔見咗啲。大喇喇五舊水，話多唔係好多，但對我呢啲窮撚唔見五舊水都好撚肉痛。我嗰下有啲緊張，媽媽問我咩事，我就如實相告。媽媽同兩姊弟講完之後，肥仔竟然喔咗一聲，然後入房拎咗兩張一百萬拉出嚟。媽媽話肥仔喺房見到，以為係自己啲錢。唔使我講大家都可能諗到，咁細個嘅小朋友邊可能有面額咁大嘅紙幣？更何況我呢幾日都喺佢房住，其實… 都幾肯定啲錢係我嘅？但你話佢有心攞去嘅咁就唔會媽媽一講就恍然大悟？

呢件事放喺我心到年幾，可能始終唔想對佢地留下壞印象，想記住肥仔就係個會錫我一啖嘅得意豬。

1,000,000 Rials，大約港紙260幾

可能我希望無發生過呢件事

去Shiraz張巴士飛係4點，我3點半就到咗車站，等到3點11都未有車可以上。因為張車飛得波斯文，我都有諗過會唔會我張飛買錯係坐去第二到。拎住張飛周圍問下人，個個都hea我話等下啦。



好喇等到4點3都未有車，好似伏伏地。等到4點半終於有車啦，我即刻放低個backpack喺車底就上車坐。臨開車前有人check飛，一個好似Sergio Ramos嘅哥哥行埋嚟，拎住我張飛望一望我，我又望一望佢，佢欲言又止咁深情款款咁望住我⋯

呃，你上錯車。

屌。

佢話呢架車係去Shiraz，但唔係我買嗰班。

咁都肯定四點嗰班無咗，補錢或者買過張飛都要㗎啦唔係點呀。拉莫斯哥哥好似嫌我唔夠柒話：呃，你要落車拎返啲行李入巴士站搞。唉屌你，唯有拎晒所有家當入去車站問。

點知埋到counter，個叔叔望一望我就話：oh you are tourist, you don't have to pay ，然後拎我張飛畫一畫就話得啦。我出到去重複一次放行李上車搵位，唔知拉莫斯係咪有心玩鳩我留返同一個位俾我。皇

坐長途巴士就會有小食盒

七個鐘之後到Shiraz。

落車都未企定已經有對couple問我要去邊，需唔需要幫手。我都未答，個男就幫我揹起backpack，個女就幫我截的士。

我喺伊朗第五個host－Ashkan。

好有趣地每個host都係唔同類型嘅人。Ashkan可以話係介乎喺傳統與現代之間，一個非常特別嘅人。佢好學，精通多國語言同文化，熟悉宗教但又會用哲學角度去思考宗教。佢鍾意同文字有關嘅一切，對文學亦有研究。佢曾經quit u去當兵，當兵一陣又停咗，後用兩年流浪伊朗全國 ，而家間唔中執下古董賣。我唔敢講自己有佢咁叻，但一見面就知啱key，第一晚已經同佢blah blah blah傾到夜晚四點。

晚餐，蕃茄蛋，乾包。咁樣嘅配搭喺Shiraz食咗好多餐


伊朗自家shisha


佢係土耳其人，但喺伊朗出世。第一日返學，因為唔識波斯文，加上個樣同伊朗小朋友唔同，佢嗰下覺得自己同伊朗小朋友唔係同一種人，於是開始自己睇書去搵答案。當知道自己爸爸媽媽係土耳其人，佢首先去研究土耳其文化，繼以庫爾德Kurdish文化同伊朗文化，然後擴張到去認識世界各地的文化。他竟然對香港同中國，中國同日本嘅關係都有所認識。佢係我遇到嘅第一個唔需要我特別解釋就知道我身份嘅伊朗人。

至於佢點認識couchsurfing？佢流浪伊朗期間，去到一個南部城市，有個伊朗人收留佢然後介紹佢加入couchsurfing。伊朗全國佢最鐘意就係波斯灣沿岸等地，可惜Ashkan話太熱都唔適合去波斯灣，再有機會一定會去波斯灣。

由呢篇打後所講嘅伊朗知識，起碼八成都係由Ashkan講我知。

佢地用唔用facebook架？

伊朗古巴中國北韓都用唔到
我當時用翻牆apps上Facebook，但Google Map用到。
佢地最流行用telegram我唔知點解，wechat都唔少

最近睇tripadvisor有人話Ethiopia都上唔到fb

留名

有無人睇緊

有無人睇緊

繼續
樓主睇嘢嘅角度同觀念同我個fd好似
不過知你一定唔係佢

有無人睇緊

繼續
樓主睇嘢嘅角度同觀念同我個fd好似
不過知你一定唔係佢

咁介紹嚟識

有無人睇緊

繼續
樓主睇嘢嘅角度同觀念同我個fd好似
不過知你一定唔係佢

咁介紹嚟識

女仔ok?

Ashkan問到我點解想嚟伊朗，我講返第一頁講嘅嘢。聽到我話想認識多啲伊斯蘭文化時，佢叫我最好唔好喺啲年青人面前講。佢話雖然國教係伊斯蘭教，但其實好多伊朗人都唔想自己被標簽做穆斯林，但奈何出世喺伊斯蘭國家，一出世就係穆斯林。唉就好似我地一出世就係窮撚咁。年輕一代更加係鄙視同厭惡伊斯蘭教，好討厭外國人將佢地個個睇成ISIS嘅恐怖分子。係，的確ISIS係高舉伊斯蘭旗幟，但穆斯林唔等於恐怖分子。但老實，ISIS帶嚟嘅恐懼已經令人無法理性咁睇伊斯蘭教。我地夠知中國人會有好人，我地又包唔包容到？

Shiraz第二餐


Ashkan話喺伊朗，懶惰是道理。Shiraz更甚，懶到有懶惰之城嘅稱號 。尤其星期五，除咗係週末，佢地仲認為星期五係懶惰同傷心嘅日子，所以呢日周街乜都無唔駛出去。

初初認識伊斯蘭教時只係知道星期五特別重要。穆斯林一日要祈禱五次 ，就算平時唔做足五次，星期五都一定會做足，但一直唔知點解。Ashkan話我知，原來穆斯林相信喺不久嘅將來，先知穆罕默德Muhhamad（成日聽呢個名，佢係真主阿拉Allah嘅Holy Phophet ）係最後一個接觸人類嘅先知，下一個就會係佢個仔。佢個仔將會喺某一個星期五出現，帶領穆斯林去建立更美好嘅世界。

有無發現建立美好嘅世界呢句嘢好熟，ISIS好似係話要建立美好嘅伊斯蘭世界。

有無發現啲穆斯林十個有九個都係叫Muhhamad，一係就姓Ali。

係囉，所以穆斯林星期五唔會做嘢，舖頭唔會開，大家專心等穆罕默德仔出現。至於點解傷心，Ashkan話因為佢仲未出現所以好sad，呢句覺得有啲9up。

有無人睇緊

繼續
樓主睇嘢嘅角度同觀念同我個fd好似
不過知你一定唔係佢

咁介紹嚟識

女仔ok?

想識女仔
男仔唔使

好好睇

我想講海外上高登慘過俾狗屌
load十分鐘一板，每開一次quote又要load十分鐘…
點解可以咁撚on9

之前搞咗成個禮拜先backup晒，啱啱發現自己柒咗post1拎少十頁，屌又要等

留名

我想講海外上高登慘過俾狗屌
load十分鐘一板，每開一次quote又要load十分鐘…
點解可以咁撚on9

之前搞咗成個禮拜先backup晒，啱啱發現自己柒咗post1拎少十頁，屌又要等

屌server死埋

樓主加油!!!我之前係FB見過你個PAGE,估唔到你都有上連登
覺得你好勁,一個人敢去呢D國家(老實講我而家都未敢去巴黎,意大利個D )
我都好認同後生去多D地方見識下,因為呢個世界咁大,經歷係自己既,唔通臨老七老八十先去咩
至於有人一開聲就屌,由鳩佢啦,為屌而屌曬鳩氣,自我中心到咁要收皮唔洗同人交代架

跟Ashkan去屋企附近嘅雜貨店買乾糧。個老闆對我好好奇係咁問我嘢，又當我小朋友咁送糖俾我 。過幾日再去買幾包煙俾朋友做手信，因為啲煙盒得波斯文幾過癮同埋好平，十零廿蚊。我買一盒老闆送一盒，仲送埋私伙雪茄俾我。



第二日都喺屋企傾下計，去到夜晚Ashkan嘅好朋友Hamed到訪。Hamed車咗我同Ashkan出去玩。估唔到夜晚嘅Shiraz更熱鬧同有活力，我地喺高速公路開大音樂飛車 ，感覺同之前去過嘅伊斯坦堡好似。

伊朗每個城市religious嘅程度唔同（sorry諗唔到中文點講），唔係大城市就唔religious。伊朗最多人口嘅城市頭六位係Tehran > Mashhad > Esfahan > Karaj > Tabriz > Shiraz，當中Tehran同Shiraz最唔religious，而Mashhad就最religious，更衝出伊朗被譽為伊斯蘭教中心。呢個亦係我無去到Mashhad嘅原因，齋戒月要守嘅規條太多，如果係男兒身去應該自由啲 ，同埋Mashhad喺東北太遠。

如果有巴打去過Mashhad歡迎分享俾小弟見識下

所以衣著問題就好睇你相處嘅家庭有幾religious（詳情睇返之前幾個家庭嘅分別），同埋你身處嘅城市多唔多明光社。所謂嘅警察會捉，其實見你係遊客都唔會點理，只會善意提醒，望住你指一指自己個頭然後微笑 。伊朗警察大多都友善嘅，搵親佢地問路都解釋得好清楚，有啲仲會同我影相。至於明光社，我只有唯一一次－當我喺Tehran前美國大使館出面影緊相，我條頭巾sir緊落嚟，我都未反應得切戴返好，一個著住Chador催狂魔裝嘅老女人唔知幾時走到我面前，指住我個鼻講波斯文屌鳩我，嚇撚到我鳩縮。

戴咗一排頭巾算係習慣咗，有時跌少少我已經有意識去整理。但Ashkan話：你定啦，呢到唔會有人捉你，因為大家都唔鐘意呢種束縛。基本上Shiraz係我成個trip去過最開放嘅城市。除咗啲女好明顯露多咗頭髮之外，Shiraz周街嘅車大部份都大聲播住啲clubbing歌 ，好撚yeah好撚chill咁款。呢個地方點睇都同封閉落後四個字扯唔上關係。

去排隊食雪糕

第二日去咗Shiraz最出名嘅市集Bazaar－Vakil Bazaar









行行下有個華人行到我面前，用普通話問你你是中國人嗎？我都未反應得切，佢即刻同佢導遊講 Oh she is not Chinese。

之前去尼泊爾旅行，準備落車嗰陣，有堆中國人行埋嚟，佢唔知講咗乜柒，我俾緊錢無聽到，到我擰轉面聽到嘅下一句已經係呸，小日本。

類似經驗實在有太多，有時唔係特登唔認。屌你老味你都唔俾時間人反應下嘅，我下次反應得切一定會答對對對咱們中國人遍佈全世界。






藍衫就是Ashkan

樓主加油!!!我之前係FB見過你個PAGE,估唔到你都有上連登
覺得你好勁,一個人敢去呢D國家(老實講我而家都未敢去巴黎,意大利個D )
我都好認同後生去多D地方見識下,因為呢個世界咁大,經歷係自己既,唔通臨老七老八十先去咩
至於有人一開聲就屌,由鳩佢啦,為屌而屌曬鳩氣,自我中心到咁要收皮唔洗同人交代架

多謝支持 我真係好鍾意腦魔icon

老老實實我覺得歐洲治安係差啲，人比較冷漠
都係嗰句，了解下唔認同自己嘅人嘅諗法都係學習之一

對我地外國人嚟講，其實個個Bazaar都差唔多，但今次我有兩位導遊傍住，沿途睇到關於波斯歷史或者伊斯蘭文化嘅嘢都有人解我聽。

出發之前，有位好朋友託我買一個帶伊朗特色嘅鎖匙扣。我一路行bazaar一路留意，諗住買個迷你清真寺。Hamed聽到皺一皺眉頭，話：伊斯蘭當然唔代表伊朗。

係喇就如之前所講，年輕一代嘅伊朗人都唔鍾意伊斯蘭文化，只視作既有國規。Hamed再補充，伊朗民眾都唔滿意而家嘅伊朗政府，好希望早日廢除包頭等宗教規條。佢地最大心願就係伊朗會越嚟越少宗教色彩，走向西化。

同時間九成嚟伊朗嘅遊客就係俾佢與歐美隔絕嘅封閉世界所吸引。我地覺得伊朗物價低，去到啲錢好好使。同時間佢地儲極都唔夠錢出去睇下呢個世界。我地嚮往無俾美帝文化入侵嘅世界，佢地嚮往美帝流行文化。

大把外國人睇香港覺得香港獨立未必好，我地會話佢地唔係香港人，唔知道香港人想要咩。我地希望伊朗唔好變，唔好咁商業化，但會唔會呢樣先係佢地想要嘅嘢？西化對伊朗好唔好我唔知，但伊朗係屬於伊朗人，唔係屬於伊斯蘭。

講完，Hamed就拉我去搵Farvahar。



Farvahar，呢隻半人半鳥東東，係拜火教嘅重要符號（between 香港都有拜火教），亦係伊朗人嘅吉祥物。拜火教是古波斯帝國的國教，Hamed話想要了解更多伊朗拜火教文化，其實應該要去Yazd。

除咗朋友所託嘅鎖匙扣，自己都買咗條Farvahar頸鏈。老闆見到我買Farvahar好開心，仲送多條粉紅色手鏈俾我，話會為我帶嚟好運。之後日日戴住Farvahar，其他伊朗人見到都好開心，會指指自己心口然後向我舉起手指公。


喺Shiraz無啖好食

一早起身就shisha

左係Ashkan housemate Hamed，同上面所講嗰位Hamed唔係同一個，咁啱撞名。我之後叫佢做奇怪仔。隔離係佢女性朋友。

絲打 我有like你fb! 好鐘意睇你既遊記!! 正皮呀

絲打 我有like你fb! 好鐘意睇你既遊記!! 正皮呀

多謝！！

伊朗喺伊斯蘭革命之前好似幾西化架喎