[搬返過嚟] 撞正伊斯蘭齋戒月去伊朗couchsurfing

你係外面已經見到有布遮住？
定係時間唔啱。你幾點去？

溫馨提示唔好quote咁長


文中講咗，之前睇過其他遊記講會遮住。

朝早去。

文中亦都講咗之後有人話過無遮住，睇閣下彩數。

上網睇字會不自覺地skip咁啲
而家見到

好想睇多啲你既遊記呀 好正

點解Persepolis啲相靚我嗰戰啲咁多

Blue Mosque 嗰啲都靚過你

呢個po 係我唯一一個每一個留言會睇哂既post
了解到你既經歷之餘又對伊朗既認識加深左 加速

新正頭唔知有無人睇

呢個post 係 返工， 放工，臨瞓都會入黎睇下有無更新。

多謝支持

過癮

好想睇多啲你既遊記呀 好正

多謝!

裡面所葬嘅並唔係伊朗人，而係一位伊拉克什葉派領袖個仔。

呢到講講伊斯蘭教資料先。我諗好多人都聽過，伊斯蘭教主要分兩個教派—什葉派Shia同遜尼派Sunni。

遜尼派係伊斯蘭教中最大派別，自稱「正統派」，與什葉派對立。全世界大約有八至九成穆斯林隸屬遜尼派，主要國家有沙地阿拉伯、土耳其、馬來西亞等。

過往大眾一般認為教義上嚟講遜尼派比較溫和，什葉派相對激進。不過聞風喪膽嘅阿爾蓋達同ISIS都係遜尼派，ISIS全名係伊斯蘭遜尼派激進武裝團體「伊斯蘭國」。

什葉派雖為第二大，但只得10-15%穆斯林，主要國家有伊朗、敘利亞、伊拉克、阿塞拜疆Azerbaijan（呢個國家足球會聽過，佢喺伊朗北部伊拉克附近，稍後去到伊朗北部嘅Jolfa定位都跳做Azerbaijan）。但呢堆國家入面唔係全部穆斯林都係什葉派教徒，都會有好多遜尼派，只係什葉派會集中喺呢幾個國家，以及當地政府由什葉派掌權。反之遜尼派國家就幾乎無乜什葉派教徒，除咗敘利亞，什葉派佔17%。其他地區如巴基斯坦、印度、北非等地的什葉派則比例極低。

所以，伊朗都係ISIS敵人之一，因為遜尼派自稱「正統派」，認為伊斯蘭教只應有遜尼派。而伊朗政府係主張伊朗應該幫敘利亞攻打ISIS，呢個亦係年輕一代反政府其中一個原因，唔想牽涉入ISIS戰爭之中。

其實仲有第三派—蘇非派，但當第二大嘅什葉派都只得一至兩成，可想而知蘇非派有幾少，所以甚少提及。

以上有錯請指正

裡面葬嘅人兄，當時嚟到波斯避難。之後喺到死咗無人知，後來有人發現呢鼠成日有光，一挖之下發現一具著住盔甲嘅屍體，盔甲寫住呢位人兄個名。



講明係神聖之地，呢鼠嘅規矩自不然嚴厲，仲係我見過最嚴厲嘅。

呢到包手包腳包頭未夠，女人只有著咗催狂魔裝Chador先可以入去。入口旁邊有個counter俾人借Chador。

門口有分男女門。入到去男同女唔可以一齊行，至少要隔兩個身位。

Persepolis 呢個字解做 City of Persians，係古波斯帝國 Achaedmenid Empire 嘅王都。Perse 意為波斯 Persia，Polis 係希臘字，解作城市或城邦 city state（城邦論嘅城邦）。Persepolis 後來被亞歷山大大帝攻到波斯嘅陣一把火燒撚咗，倖存嘅部份就係波斯王國遺跡，亦即係現今嘅Persepolis，係聯合國世界遺產之一。

一落車第一個感覺－嘩熱撚到仆街。 五十度嘅今日，列日當空，萬里無雲，室外曝曬。







正要入去之際俾條友截住咗。無制服無牌，睇落完全唔似職員嘅路人甲同我講：你唔可以帶袋入去 。又唔係唔俾你帶嘢喎，你手拎得晒就得，總之袋唔入得。衡量完一輪決定帶電話銀包相機腳架，連樽水都要放棄。之後當然好後悔 ，因為真係好撚熱。

btw,入面廁所旁邊有水機，靠佢吊命

正要入去之際俾條友截住咗。無制服無牌，睇落完全唔似職員嘅路人甲同我講：你唔可以帶袋入去 。又唔係唔俾你帶嘢喎，你手拎得晒就得，總之袋唔入得。衡量完一輪決定帶電話銀包相機腳架，連樽水都要放棄。之後當然好後悔 ，因為真係好撚熱。

btw,入面廁所旁邊有水機，靠佢吊命

身體無水份，尿都無，無去到廁所

你係外面已經見到有布遮住？
定係時間唔啱。你幾點去？

溫馨提示唔好quote咁長


文中講咗，之前睇過其他遊記講會遮住。

朝早去。

文中亦都講咗之後有人話過無遮住，睇閣下彩數。

我覺得拉唔拉布同最拉幾多塊布係睇入面職員d心情
個陣由開門坐到中午，一開始拉開得兩塊，隔一陣又拉開晒，之後又竟然拉埋三塊
話唔定你比錢門口條友就會幫你拉開d布

我對呢個地方無乜好感，因為我覺得呢鼠有種詭秘力量，啲信徒有啲恐怖，好似上晒身咁 。平時去mosque無呢種感覺，只係覺得好寧謐。唔知點解，竟然覺得有啲心寒。

後面似唔似催狂魔？


話唔可以帶相機入去，我只可以用Chador遮住部iPhone影。

件Chador好難著，每行一步都會踩到，有好幾次差啲仆親。抆實少少，就會順住頭髮跣落去露咗啲頭髮出嚟。Ashkan叫我要小心啲，非常認真咁話，問題唔係我想唔想露，而係我唔可以露。如果有男人見到我啲頭髮，儘管只得係少少，佢就會覺得自己有罪，並且怪罪於我。

嗰下我個心非常之唔舒服，就好似當日喺Kashan，Moshen叫我唔好同人握手一樣。好似講到我好污穢好卑微咁，點樣想像伊朗女性日日都過緊呢啲生活？

影多幾幅相，匆匆離去。

去完呢個令人屈屈地嘅地方，Ashkan話帶我去個可以抖抖氣嘅地方。

我地坐泥鯭的去Quran Gate。泥鯭的係伊朗最常見嘅交通工具，不過唔似香港咁，喺一個特定地方上車去相若目的地，而係就咁街截，同佢講去邊睇佢順唔順路，有時唔順路但個司機想去嗰邊都會俾你上車。好似喺LKF問的士佬喂過唔過海呀咁樣，司機話okay先上車。

問咗幾架先有車去Quran Gate嗰頭。我同Ashkan係最先嘅乘客，我地坐喺後座。然後開咗車一陣，有一個年輕靚媽媽同一對仔女上車，於是Ashkan轉去前座，但擰轉頭繼續同我傾計。小妹妹見我係外國人已經好好奇，再聽到我同Ashkan唔係講緊波斯文，就眼碌碌望住我 。媽媽見狀同佢講咗句嘢，佢點一點頭就繼續眼都唔眨望住我。

我好好奇問Ashkan個媽媽講咗啲乜 ，Ashkan笑一笑話：佢媽媽叫佢要學到你咁叻，英文要學到你咁好。前文提及伊朗普遍英文水平唔高，小朋友學英文嘅機會好少，要學得好一定要俾錢出去學。

然後個靚媽媽仲叫妹妹分佢啲零食俾我。

Quran Gate





Ashkan話過Shiraz係浪漫之城，所以呢鼠孕育咗唔少詩人。另外Shiraz重視藝術，所以詩人有好高地位。Trip Advisor會見到Shiraz有好多詩人之墓，我之前去睇祈禱個都係詩人之墓，Tomb of Hafez。

Qur’an Gate隔離呢個係Khajo Tomb。

恭喜發財！新年加速！

你唔係爛咗尾喇咩.
1年前你話唔會爛尾, 1年後你POST過o黎繼續爛尾

留名

你唔係爛咗尾喇咩.
1年前你話唔會爛尾, 1年後你POST過o黎繼續爛尾

依家咪keep住update緊
邊度見到爛尾

第100個正皮
見到樓主你既遊記，覺得好特別同好吸引！

高質post 追左成晚
絲打好勇敢 周街跟人都敢
如果我去應該都係跟團
而且我係中學雞冇錢去 要大個先得 可以到時都變哂

高質post 追左成晚
絲打好勇敢 周街跟人都敢
如果我去應該都係跟團
而且我係中學雞冇錢去 要大個先得 可以到時都變哂

原來你唔太鍾意人地話你勇敢 唔好意思