出發去Karaj,亦係伊朗行最後一站。
Karaj係Tehran附近一個大城市,係伊朗第四大城市。呢個城市唔係特別嘅旅遊熱點,我嚟呢到只係因為一個人。
仲記唔記得喺伊朗第一日幫我嗰位靚女姐姐Sanaz?
當日離開佢公司之前我地交換咗telegram(呀係囉唔知點解伊朗人興玩telegram)。之後每日都有聯絡,因為佢擔心我自己一個。Sanaz姐姐之前喺Esfahan讀大學,而家喺Tehran返工。佢問我住邊到,我懶得解釋couchsurfing就話住朋友屋企。佢知道後即刻話:咁你都嚟住我屋企啦!
姐姐send俾我張相,右二係姐姐
Sanaz姐姐咁好,又靚
,所以我應承咗佢一定會去搵佢。但無奈地無任何計劃嘅我行程經常有變,Esfahan俾兩隻小魔鬼留得太耐,Shiraz慶祝埋又唔小心留耐咗,已經無去Yazd都無乜時間淨,結果Tabriz想留耐啲都唔得,最後滾水碌腳咁趕去姐姐到,仲要只係留到一日一夜。
隨意真係唔係一件好事。
由Shiraz去Tabriz係Shiraz->Tehran->Tabriz,
而家由Tabriz去Karaj係坐返Tabriz->Tehran程車中途落車。
sor9ry 講到1999
下晝開始坐車預計夜晚十點幾十一點到,點知delay到凌晨一點先落車。我都好唔好意思要人地等到我咁夜,一直喺巴士到text佢話唔好意思我可以坐的士去。但姐姐堅持要嚟接我,因為第一咁夜佢唔可能俾我自己一個,第二佢地住得有啲偏僻。當時條街一個人都無,佢地話到咗但我搵極都唔見,好驚係自己落錯車。揹住個大背囊上落天橋去搵佢地,又攰又驚俾人打劫。
無諗到係佢爸爸揸車帶佢嚟接我,老人家咁夜都唔瞓嘅。
雖然我由姐姐嘅英文同佢嘅自拍都估到佢屋企係幾有錢,但當見到佢爸爸揸架靚車出嚟接我,然後住得偏僻係因為住獨立屋,都係嘩咗出嚟嘅。窮撚未見過世面係咁。
呢到只係客廳