[搬返過嚟] 撞正伊斯蘭齋戒月去伊朗couchsurfing

之前高登爛咗尾沉咗底，搬返過嚟重新post過。
內容有少少改動。

－

是咁的，上上年2015年6月尾去咗伊朗一個月。
適逢伊斯蘭教齋戒月，對伊斯蘭文化有一個好好嘅體驗。


補返少少前言：

去伊朗之前，已經一個人去過尼泊爾、斯里蘭卡、土耳其（剩係伊斯坦堡，之後同當地朋友一齊去巴爾幹半島）。除咗尼泊爾，全部都係玩couchsurfing。所以唔係一嚟就一條友揀伊朗呢類冷門（而家都唔冷喇）嘅地方去，亦唔係一去伊朗就咁大膽玩couchsurfing


點解會揀伊朗？

首先係唔少前人去過後大讚，同伊朗以前喺大眾心目中嘅形象大相逕庭，令我非常好奇。

第二，雖然無信教，但幾鍾意去認識宗教文化。伊斯蘭近年最為爭議，去斯里蘭卡同土耳其時都認識唔少穆斯林，咁就諗不如去下伊斯蘭起源地認識下（ 未去之前係咁以為，當然去到就知有分唔同教派之餘，唔同教派之間仲好大仇口）。

當時揀緊去伊朗定去蒙古好，比較緊機票同火車票時，見到以下呢張相。

The Atlas of Beauty一張喺伊朗Shiraz Nasir al-Mulk Mosque 拍攝嘅作品。



The Atlas of Beauty 係羅馬尼亞女攝影師 Mihaela Noroc嘅攝影計劃，走遍世界各地找尋各地的女性面孔。

睇到張相，亳不猶豫揀咗伊朗，即刻訂機票。

平時除非同人一齊去旅行，否則都幾乎零計劃，訂咗機票就走人，所以我連當時係齋戒月同咁熱嘅天氣都唔知。

零計劃有好有壞，都中過唔少伏，但我相信無計劃咁去感受生命帶俾你嘅驚喜（嚇），好有活著嘅感覺。當然唔係人人都鍾意，不過後生傻下老咗感覺人生不枉過。

伊朗非伊拉克，唔係打緊仗，境內無ISIS勢力。亦因教派唔同，伊朗嚴格嚟講都係ISIS眼中釘。伊朗唔係邪惡軸心，啲人好好。同埋經濟制裁都取消咗，伊朗再無以前咁封閉。

－

伊朗有落地簽證，不過得十五日。我打算去一個月，所以買咗機票第二日就去灣仔領事館做。

上網查有幾個地址，原來搬咗幾次，去錯兩個地址都錯，去到第三個地址先啱。

上網睇人話三個禮拜，但我好似兩個禮拜就拎得，太耐之前唔記得。仲有佢交表拎visa時間有唔同，當時我星期一至四上晝只可以交表，下晝只可以拎表。麻煩唔好問我簽證問題，上網查清楚比較好。

坐中國南方航空，$6400，30幾個鐘北京停一次烏魯木齊停一次。屌，去到北京，天氣太差delay又delay，最後去烏魯木齊班機無撚埋。成班中國佬大鬧機場，我樂得企喺後面食花生，係第一次覺得中國人大鬧係好事。


最後俾間賓館房你住敷衍下，話安排第二朝早機去烏魯木齊。第二朝又話未有要等電話，最後喺我沖完涼洗完頭個頭未乾咁仆返去機場，然後去烏魯木齊。題外話，同機見到有兩個中國妹去烏魯木齊轉機去巴基斯坦玩，當時心諗下次都可以考慮下，後來呢兩年巴基斯坦唔少恐怖襲擊，先擱置喇。

而家Qatar成日有特價，AirAsia又有機去，都唔需要再坐中國野了。

到咗德黑蘭機場，個機場乜都無，連電話卡都無，兌咗小小錢就搵車走。喺我認知入面，歐美對伊朗實施經濟制裁，伊朗反美，美國駐伊朗使館被廢，但我竟然要帶美金去兌伊朗Rials。

機場嘅人英文都好差，溝通有困難，問一個女職員邊到有電話卡買佢仲西我面然後叫我自己搵就走咗，當時心諗：又話伊朗人好好，好你老母。後來先發現呢個西女人係萬中無一嘅西伊朗人，之後遇到嘅伊朗人全部都好到不得了。

無網絡去開我第一個host嘅地址，唯有同的士司機講想去市中心，試咗幾個英文字去表達佢都唔明，然後我示意想買電話卡，做好多手勢佢都唔明，跟住佢遞自己部電話示意借俾我用。雖然嗰下好好笑，但佢真係好好人。

無計，最後佢問我係咪去酒店，我話係佢就好開心就開車。佢其他英文都唔識，但時不時擰轉頭望下我然後微笑。然後好柒咁發現上機前一早load咗個地址同電話，咁最後就去到個host到，未有門口入，司機就一直陪我等，等到host返到嚟佢先走。







伊朗第一個host，同我以往嘅host好唔同。Khayyam House只係提供一個地方俾五湖四海嘅旅行者，呢個地牢似足一間hostel。好多床好多單車，不過環境好污糟，所以有啲人寧願搭營都唔會瞓床，我無營，唯有瞓床。呢到所有旅行者自出自入，我去到嗰陣都係另一個旅行者開門俾我。當時裡面有四個德國人，一對兄妹一對情侶，都係電單車旅行者，而家喺德黑蘭等visa。佢地本來講緊德文，見到我就轉用英文一齊傾，不過佢地話題圍繞住簽證同過境等，所以我坐咗陣就出去行下。雖然只係晚上九點幾，但條街好似半夜咁。

求其瞓陣，天光就起身去搵電話卡。喺伊朗，包括遊客，總之係女人就要包頭，衫要遮patpat，除嘅手、腳面、塊面其他地方都要遮住。四十幾度，由頭包到落腳，熱到仆街。



聽講伊朗無可口可樂，而家已經有，連小朋友學英文都係學美式，甚至乎AV，佢地都係睇歐美。

其實頭幾日，我仲未知係齋戒月，仲以為太早起身，條街無乜舖頭開門。後來先知，原來齋戒月好多非虔誠教徒會去旅行避齋戒，又再之後發現，原來伊朗人好懶，就算平常日子，都係睇心情開舖，有時懶就唔做生意。

想搵路人問但無乜人識講英文。行行下有檔報紙檔有類似sim卡嘅嘢，可惜同報紙檔佬又係雞同鴨講，突然有個靚女行埋嚟問我需唔需要幫手。佢知道後就帶我帶去佢返工嘅office，話有Wi-Fi同可以幫我搵電話卡。

原來靚女姐姐喺一間旅行社返工。見到旅行社個招牌嗰下有啲戒心，以為佢會sell我啲咩。雖然話防人之心不可無，但入到去之後好慚愧。

首先靚女姐姐先係叫我可以放低頭巾，佢知我唔習慣 ，話呢到唔戴唔緊要。之後拎水同餅乾俾我，話知道我喺出面唔會有嘢食。嗰下我先知道，原來我揀咗個最淡季嘅時候嚟—最熱嘅月份同撞正齋戒月。

留名

留名

之前係高登睇過個開頭

男人洗唔洗帶頭布？

靚女姐姐然後託另一個靚女姐姐Sanaz照顧我。

伊朗幾乎只得波斯文，好少英文。佢地幫我買嘅電話卡我都唔識用，於是Sanaz姐姐寫咗一張英文說明書教我打長途同top-up。







Sanaz姐姐話齋戒月要到天黑先可以食嘢。呢個月份九點先天黑，就算天黑，都唔係好多餐廳會特登開得幾個鐘做生意，呢個時候嚟認真中伏。

－

喺街問路，會有啲姐姐二話不說拖住我隻手仔帶我行去。

會有人特登停車開窗同我講Jackie Chan Bruce Lee，然後再做幾下功夫。

天黑之後，搵咗間cafe用Wi-Fi同搵嘢食。

餐牌無英文，我問佢有無飯食。佢話有，點知嚟到變咗薯條。





醫完肚，上couchsurfing搵另一個host。

Khayyam House雖然理念好好，但覺得唔太唔適合自己。如果當Khayyam House係Khayyam House係hostel，今次係我第一次住hostel。有人覺得hostel會識到五湖四海嘅朋友，我自己就比較鍾意couchsurfing識當地人。

但喺首都德黑蘭，比我想像中難搵host。

可能係因為齋戒月好多人走咗，加上伊朗男女界線分明，所以無乜人應我？呢個問題我去到Shiraz先搵到答案。

碌咗好多頁send咗好多request，突然有個host秒回我。

仲係女仔！

仲話我可以立即過去！

我停一停睇返佢profile一個正皮都無，又咁熱情會唔會伏呢？

當下直覺覺得佢應該係好人，又真係唔想留喺Khayyam House，咁就立即text佢話而家返去執嘢過嚟。

係高登睇過下你嘅po
唔記得你去邊

係高登睇過下你嘅po
唔記得你去邊

而家喺倫敦，工作穩定啲，的起心肝重新出過

男人洗唔洗帶頭布？

唔使

廿六號出發，德黑蘭同卡山，咁啱就見到依個post！可惜時間受假期所限太短，一個月係咪足夠睇到好多嘢？有無跟人返屋企食飯？

LM
好似睇到一半無左

又出過
Anyway絲打好波 加油

LM

識阿拉伯話 去伊朗有冇用

包住頭揹backpack好辛苦。企喺路邊等的士，突然有個人停車問我要去邊，睇完我個地址話好近，問駛唔駛車我過去。

我諗一諗見呢個時候條街仲好多人好多車，再睇一睇Google map又真係近，衡量完風險就上車。估唔到我第一次自己一個坐順風車（第一次係同一個意大利妹喺吉隆坡），就係夜晚12點嘅伊朗德黑蘭。



一上車我就開住Google Map睇住佢駕駛方向，一邊同text我host保持聯絡。個司機問我有無男朋友，我話我已經結咗婚，佢面口有少少變 ，然後就無出聲…直至到達。

落車，佢問我收錢

－

伊朗第二個host— Azin，24歲，讀緊Master of Clinical Psychology，獨居，自己揸車。



佢仲一口流利英文，平時兼職教英文，畢業後諗住去德國讀PhD。聽到呢到有啲驚訝，因為我心目中以為伊朗女性地位好低。聽Azin講原來而家伊朗大學分分鐘女多過男。

題外話，之後都識多幾位想去德國進修嘅伊朗朋友，喺伊朗學德文又好流行，估唔到德國同伊朗有個特別關係。


佢問我點解要離開前一個host，我好老實講style唔啱。佢聽完我形容，都覺得唔適合佢，我佢一樣鐘意1on1。然後我分享我做surfer嘅經驗，佢分享佢做host嘅經驗。原來佢account無正皮因為係新account嚟，佢舊account唔記得咗密碼。


Azin間屋

我地瞓埋同一張床，我第一次同外國人pillow talk。

我問佢伊朗人知唔知其他人點睇伊朗。佢話知道其他人都以為佢地係恐怖分子，係伊拉克。我同佢講我嚟之前，身邊好多人問我係咪去幫手打仗 ，佢大笑咗出嚟。

呢個都係寫呢篇遊記嘅最主要原因，令多啲人認識呢個國家。

－

我唔係好鐘意德黑蘭。德黑蘭景點有好多，不過人工味好重，建築又無乜美感。因為咁之後去每個城市都覺得靚。

只有一個地方我想去—Former US Embassy 前美國大使館。有無睇過《Argo》？

一直聽講伊朗好封閉，唔會見到美帝啲嘢，幾年前睇過本書話伊朗無可口可樂。可能真係太遲嚟喇，嚟到發現周街都係iPhone，我又飲咗好多可樂。感覺伊朗無咁神秘，有啲失望，唯有希望離開首都會唔同啲。

個大使館已廢（唔知而家解除經濟制裁後會唔會開返？），所以入唔到去入面睇，有啲on99咁圍住出面行。


館外塗鴉：

留鳴再跟進

不過唔好同一頁太多相/太大size

有些post咁樣會死app變左要避開果d頁數唔睇

舊年去完真係好撚正
係條街鳩行就會識到一打朋友



不過識唔到女

留鳴再跟進

不過唔好同一頁太多相/太大size

有些post咁樣會死app變左要避開果d頁數唔睇

明明地又唔明
咁即係我唔好一頁出文出咁多？

留名

廿六號出發，德黑蘭同卡山，咁啱就見到依個post！可惜時間受假期所限太短，一個月係咪足夠睇到好多嘢？有無跟人返屋企食飯？

Tehran同Kashan係我旅程入面最無野睇嘅城市

我最鍾意Shiraz
下次再去會去Mashhad同Yazd


我玩couchsurfing，唔止食，我瞓埋人地屋企