[搬返過嚟] 撞正伊斯蘭齋戒月去伊朗couchsurfing

509 回覆

166 Like 3 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁

嬌嬌女 2017-01-20 00:58:36

第一次入嚟
諗住都係之前啲伊朗post咁講下好人講下伊斯蘭教

估唔到伊朗都可以咁西化
諗番70年代佢又係阿拉伯國家中最西化嗰個
呢啲嘢真係一時一樣

都真係想用唔同角度去寫，始終伊朗除咗好人仲有好多嘢

希望你會繼續睇，俾多啲feedback

嬌嬌女 2017-01-20 00:58:55

第二日出發去Kashan。

烈日當空下由頭包到落腳再揹住個backpack行路搵車。截的士去巴士站，的士司機唔識英文，於是我打俾Azin等佢同司機講我要去邊。

雖然佢唔識英文，但經常擰轉面對我微微笑，無啦啦做手勢叫我打電話然後話friend，your friend。我打俾Azin，Azin話個司機想佢轉告我要小心電單車友搶嘢

。佢望住我講電話，知道Azin轉達咗，就好開心繼續開車。

去到巴士站，佢第一時間唔係收錢，而係即刻落車幫我揹backpack。我示意我可以自己揹然後遞錢俾佢，佢耍耍手指指老遠個巴士站，然後就好似爸爸帶住個囡咁帶我去搵車。好彩有佢，因為個巴士站亂到仆街之餘仲要全部都係波斯文，如果我自己咁樣揹住個backpack搵唔知要搵到幾時。

行咗陣搵到去Kashan嘅巴士，我拎咗堆Rials出嚟準備俾的士錢同買巴士飛，的士爸爸伸手問我拎堆錢。佢抽起幾張指指自己，再抽起幾張指指架巴士，以防人地收多我，仲向個司機同埋佢幾條靚交代好我要去邊

。伊朗啲長途巴士唔知點解，總會有兩三條靚負責收錢，同埋路途上陪司機吹水。

伊朗巴士都係我地巴嘅人

坐呢個位好驚飛出去

伊朗巴士會有個小食盒同嘢飲送

個頭生青苔 2017-01-20 01:25:56

一鍵留名

青山走犯啊 2017-01-20 01:28:07

好nice D人

有機會一定去

渴睡失眠患者 2017-01-20 01:28:11

留名

嬌嬌女 2017-01-20 01:41:19

三個鐘後終於到Kashan。

巴士埋站，肥叔叔司機叫我唔好落車住，全車都落晒得返我一個。做乜鼠？佢泊埋一邊，然後做手勢叫我打俾人。我host到咗同佢溝通完，我先知肥叔叔司機想確保我安全有人接先開車走。

伊朗第三個host Mohsen，19歲男仔，大學生，同屋企人住。我嚟之前佢提過佢屋企比較傳統，齋戒月係會fasting（禁食），令我有啲擔心。雖然唔使一齊禁，但都唔好意思人地捱緊餓我喺側邊食嘢。（守齋戒，天黑前飲水食嘢都唔得。）

同Azin完全相反，Mohsen一家係一個非常傳統嘅伊朗家庭。雖然係大學生，但Mohsen英文都係麻麻地，要一路拎住電話查字典同我傾計。

去到外地同人溝通，有時對方英文麻麻地，可能溝通會難咗但絕對唔係溝通唔到。加埋body language附助就明對方講乜，無話要知晒每粒字係咩。但Mohsen個人比較chur，好多時我講完一句野，佢聽唔明會叫我重複，咁我再講可能用字有唔同，佢會叫我講返原本個句，然後逐個字問我點解。但老實，有時未必講到返一模一樣嘅字，差唔多意思就講到，但佢會話：你啱啱唔係咁講。到我真係講到返原本啲字，我會發現有啲只係虛字，我同佢講其實呢啲字唔重要，但佢都要去查字典。咁樣溝通係幾攰，同埋可能因為佢學英文嘅方式，佢講英文非常死板，好似同教科書傾計。你又唔可以話佢講錯，但溝通唔應該係咁。不過，香港而家啲小朋友學英文咪又係學到咁。

Chia Seed，甜甜地幾好飲。