[搬返過嚟] 撞正伊斯蘭齋戒月去伊朗couchsurfing

lm

第二日出發去個post一開頭所講嘅地方－Nasir al-Mulk Mosque，又稱Pink Mosque。

之前睇過其他遊記發現，而家Pink Mosque外面會用布遮住啲窗，只有最上層會透光，唔會有彩光滿地嘅畫面。本住希望佢無遮住或者求佢揭開塊布嘅心態出發。





有車嗰位Hamed






售票處幾得意


結果就係


咁啦



雖然有心理準備實景唔會有相咁靚，但見到塊布遮到實一實亦難免失望。不過都靚嘅，值得到此一遊咁啦。

之後又有人話無遮住，仲影到靚到仆街嘅相，咁我諗真係睇閣下彩數。而講起，所有要靠運睇到嘅絕世靚景我從未睇過。

你係外面已經見到有布遮住？
定係時間唔啱。你幾點去？

好正, 樓主好勇敢。果陣我太太一個去中美州Couchsurfing, 佢去咁多人我驚足咁多日。

btw, 樓主幾靚女

你係外面已經見到有布遮住？
定係時間唔啱。你幾點去？

溫馨提示唔好quote咁長


文中講咗，之前睇過其他遊記講會遮住。

朝早去。

文中亦都講咗之後有人話過無遮住，睇閣下彩數。

伊斯蘭藝術好靚

有無諗過唔一定係伊斯蘭藝術可能係波斯藝術？

Live左 呢個host幾型仔喎
至於肥仔 肯定佢係貪心架啦 不過細個都有諗過試下偷呀媽錢 所以我又明 佢有比返你都算乖孩子 唔好介意啦

學識淵博嘅人係好型

肥仔依然係我心目中可愛的肥仔

好正, 樓主好勇敢。果陣我太太一個去中美州Couchsurfing, 佢去咁多人我驚足咁多日。

btw, 樓主幾靚女

你太太型好多喎 我覺得美洲先係大佬

每次分享大家都比較關心有關性別嘅安全問題。就我自己嘅經驗，安全與否其實睇你性格多。

女人體型上係輸蝕，有氣有力嘅女人的確唔多，如果要用武力對抗，例如搶嘢同性罪案女仔中招係多啲。但講真，男人都有危險，男人都有機會被性侵犯。好多人只係道德塔利班覺得女人係唔應該一個人去旅行，係抵死。如果真心關心女人嘅安全，我認為男人都一樣要受關注。我有見過無自理能力嘅男仔，亦見過謹慎嘅女人。除咗自己本身性格，我覺得因為社會都仲係覺得女人單獨一個會危險啲，所以陌生人見到單獨嘅女旅行人都會主動幫手，變相有時女人仲比較安全。

唔止伊朗，大部份地方見我一個女仔都會主動幫手，例如我企喺條街睇緊地圖會有人主動幫我仲帶到我去目的地；我上車落車拎起個backpack就會有人一手幫我揹起；有啲host會怕我住陌生人屋企危險，要我去到下個host時用下一個host嘅電話打俾佢地，萬一有事都有佢電話可以報警等等。我成日都會諗，若然我係男兒身，同一情況會點？

生少條撚唔代表要捨棄某啲嘢。雖然我份人表面上無咩計劃，但我做每樣嘢都會諗安唔安全，最多下次將啲OS寫埋出嚟囉。

男女都好，安全第一。身體健康健全先可以周圍去。

題外話，我覺得喺香港，一個女仔去旅行會備受關注會有好多like，但同一樣野一個男仔做就無咁多名利。Travel blogger嚟講，女仔平均真係多like過男仔好多。得罪講句，自己去下日韓台都叫旅行家？男仔環遊世界都無咁多like喎。呢樣我覺得對男旅行人都幾唔公平。我睇唔過眼好多女人去旅行明明受人照顧，但標榜某啲地方好危險好危險，藉以令人覺得自己好勇敢。

所以希望各位唔好再講我好勇敢。 我唔會小恩小惠就講到個地方點好點好，但老實講人有感受，遇到好事感恩遇到壞事屌鬼亦係人之常情。我盡量持平咁講返自己經歷，你一味砌我係宣傳咁我都無計。

之但係，有時人地太照顧都係一種煩惱。

今日Ashkan要去上德文堂，叫我hea一日等聽日帶我去Persepolis，因為佢唔想我自己一個人去，驚我俾人呃錢。我明佢嘅關心，但我唔想浪費時間，堅持咗一陣Ashkan先同意，後來就明點解佢會同我拗喇。

Ashkan畫咗張圖教我去Persepolis，仲託奇怪仔Hamed帶我去搵的士。

「如果你自己搵的士，一定俾人劏。」

有時我都唔覺得自己係一個人去緊旅行，去到邊有人陪有人照顧。



食埋肉醬貝殼粉再走，好好食



－

古城遺跡Persepolis實際上唔喺Shiraz城內，坐咗個零鐘的士先到。



城外面有摩天輪

留名

Persepolis 呢個字解做 City of Persians，係古波斯帝國 Achaedmenid Empire 嘅王都。Perse 意為波斯 Persia，Polis 係希臘字，解作城市或城邦 city state（城邦論嘅城邦）。Persepolis 後來被亞歷山大大帝攻到波斯嘅陣一把火燒撚咗，倖存嘅部份就係波斯王國遺跡，亦即係現今嘅Persepolis，係聯合國世界遺產之一。

一落車第一個感覺－嘩熱撚到仆街。 五十度嘅今日，列日當空，萬里無雲，室外曝曬。







正要入去之際俾條友截住咗。無制服無牌，睇落完全唔似職員嘅路人甲同我講：你唔可以帶袋入去 。又唔係唔俾你帶嘢喎，你手拎得晒就得，總之袋唔入得。衡量完一輪決定帶電話銀包相機腳架，連樽水都要放棄。之後當然好後悔 ，因為真係好撚熱。

如果你唔鍾意睇遺跡，你一定覺得好悶，一碌碌石柱、一舊舊睇唔出係乜東東嘅東東。

伊朗都會有MK，只係估唔到啲MK唔係蒲club係蒲遺跡。

set緊腳架影相之際，有堆MK行過手指指同竊竊私語。我以為佢地想同我影相，做晒心理準備，等緊佢地講excuse me 。其中一個做代表行埋嚟指一指自己部相機，我好友善咁答yes 。點知佢遞部相機俾我 。原來係要我幫手揸機，然後佢地企喺堆石柱面前擺咗啲mk pose，影完就走咗。



真係好熱、好熱同好熱。曝曬加乾蒸咗幾個鐘都無飲過水，諗住去Souvenir Shopp睇睇有無水賣，無嘅話就走喇出到出口拎返個袋再飲。Souvenir Shop有好多好靚嘅書同postcard，賣嘅紀念品平過喺Shiraz Bazaar。

買咗少少嘢之後，問啲姨姨姐姐叔叔有無水賣。佢地話無呀，不過我地有水！ 然後拎咗一大支請我飲，仲送咗個迷你Persepolis鎖匙扣俾我。

飲完水補充完體力，打算再行上啲睇睇Persepolis全景。點知啱啱請我飲水個叔叔叫住我，然後指指旁邊個棋盤同張凳示意我坐低 。原來佢同幾個叔叔捉緊棋，叫我坐低一齊睇。

古老棋盤遊戲Backgammon


幾個捉棋嘅叔叔都唔識英文，無特登問我邊到嚟呀嚟做咩呀做咩一個人呀等等平時見到陌生人總係被問一大輪嘅問題。叫我坐低之後就繼續捉，我覺得幾有趣就靜靜地坐響鼠睇佢地捉。

對比返平時有啲人因為怕冷落我而成日顧住我傍住我，我知佢地出於好心又唔好意思拒絕，但不停講嘢同夾硬搵嘢講其實幾辛苦。雖然我聽唔明呢幾位叔叔啲波斯文，但望住佢地嬉笑怒罵，邊個得分就會對對方做啲挑釁動作 ，又覺得幾有趣。佢地唔會特登搵嘢同我講，好專心咁捉棋，只會間唔中望下我微微笑，邊個捉羸嗰局個就會同我high five 。望住佢地捉呢幾盤棋，時間好似停頓咗，心情好平靜。



呢個片段好深刻，即使過咗咁耐，佢地每個人神情對我嚟講仲係記憶猶新。

放多少少Persepolis嘅圖

加速

究竟點解Ashkan唔想我一個人去Persepolis呢？前面有巴打講過伊朗的士司機好乞人憎，呢個就係原因。Ashkan叫我回程最好hitchhiking，首先佢唔放心我一個人搭的士，驚個司機唔知車我去邊到，第二就我肯定會俾人劏。

一到出口，已經有好多的士佬對住我大叫taxi taxi，我耍手擰頭然後坐喺馬路邊休息下，同留意有無一家人準備走，因為Ashkan話痴一家人嘅車容易同安全。有個的士司機行埋嚟撩我講嘢，問我去邊呀又叫我上車，我都好有禮貌咁話：唔駛，我等緊朋友。點知佢無走開仲問我：等邊個呀？去邊呀？不如上車啦。平時我可能就咁行開就算，但呢一刻又熱又攰 ，我想坐喺到，唯有擰轉面唔理佢，等佢識趣行開。吖屌你老味佢仲問我做咩唔出聲。然後好似錄音機不停播你要去邊呀？等邊個呀？上車啦。

咁啱呢個時候有個女人開車經過，我即刻狗衝過去問佢係咪返Shiraz。點知… 屌，佢同個司機講：喂佢要去Shiraz呀，然後踩油走咗。個司機即刻話我可以車你去呀，上車啦，我就話我唔想一個人坐，然後急步走開。

事後諗返點解唔直接答佢我無錢，嗰下真係無諗到。可能因為我唔係無錢，只係覺得一個女仔入黑後求其上架的士唔安全。去程個司機係Ashkan介紹，所以就無問題。

佢追住我話 I work in Persepolis. I am a good guy. Why don’t you follow me?

我見到有一家人準備走，即刻狗衝過去問佢地可唔可以車我。佢地係外國人，唔識講英文同波斯文，但見到我個樣好似撞鬼咁加上有人喺背後追住我都肯車我。點知真係估你唔到，個司機伸手擋住車門唔俾我上車！然後同佢地講no, no, no, she should, taxi, taxi, taxi…

然後個家人為免麻煩就開車走咗。我嗰下忍唔住大嗌I don’t want to! 或者佢可能真係一個好人，但佢伸手阻我上車嗰下我真係無晒耐性兼失去理智 。我大嗌完之後有個叔叔走嚟幫我，我解釋完佢聽，佢打發咗個司機之餘，仲搵到一對唔識英文嘅伊朗情侶可以車我返Shiraz。

上車打咗個電話俾Ashkan簡單講下發生咩事。佢同對情侶講好邊到放低我，Ashkan話對情侶叫我唔使擔心，瞓陣抖抖。

到我再擘大眼已經返到Shiraz。

落車嗰陣Ashkan仲未到，我企響路邊等。

原來齋戒月時，有啲舖頭一天黑就會放一盤檸檬水同傳統小食出門口。仲記得前文講過嘅檸檬水嘛？天黑時飲杯檸檬水結束一日之禁食。邊個經過都可以拎，好多司機經過會停車落車拎返杯。拎晒一盤，個老闆會放新一盤。佢換嗰下留意到我，定眼望一望我，我又碌大眼望一望佢，然後佢遞咗一杯俾我，再加一個微笑。



等Ashkan呢半個鐘內，有人問我拎電話，又有人捉我一齊自拍，仲有人邀請我上車一齊去玩。所有都拒絕咗，除咗呢幾個好搞笑嘅人，佢地好有禮貌話想同我影張相，俾佢啲朋友睇下。

點解Persepolis啲相靚我嗰戰咁多

呢個po 係我唯一一個每一個留言會睇哂既post
了解到你既經歷之餘又對伊朗既認識加深左 加速

呢個post 係 返工， 放工，臨瞓都會入黎睇下有無更新。